O faaupuga siteki ma le peresitene o le siteki e faatatau foi i itu ma peresitene o itu. O faaupuga uarota ma epikopo e faatatau foi i paranesi ma peresitene o paranesi. O le faaupuga failautusi mo mea tautupe e faatatau i le failautusi po o le failautusi fesoasoani ua tofia e tausia faamaumauga tau tupe.
Atai ua le toe faaauauina se uarota, o le peresitene o le siteki e fuafuaina pe faia se suegatusi o ana faamaumauga tautupe. Na te mafaufau i tulaga e pei o le aso na le toe faaauauina ai le uarota, taunuuga o suegatusi ua mavae a le uarota, ma le mauaina o faamaumauga tautupe a le uarota. Mo se faataitaiga, afai o le faaiuga o le vaitau o le suegatusi na le toe faaauauina ai le uarota, atonu ua lava foai ma tupe faaalu e faamaonia ai se suegatusi.Afai ua manatu e tatau ona faia se suegatusi o mea tautupe, e mafai ona faia i soo se taimi pe a mavae le le toe faaauauina o le uarota. E mafai ona faataunuuina le suegatusi i le initoneti po o fomu o suegatusi i pepa. E tatau i le suetusi a le siteki ua tofia ona faamautinoa o loo avanoa faamaumauga tautupe a le uarota ua le o toe faaauauina. Afai sa faaaoga e le uarota le MLS [ATT], e tatau i le suetusi a le siteki ona faamautinoa o loo avanoa le komepiuta a le uarota.E tatau ona auai le epikopo mulimuli ma le failautusi o mea tautupe a le uarota i le suegatusi.Afai e faaaoga le fomu suegatusi tau pepa, o le suetusi a le siteki e auina atu le fomu ua maea i le komiti suetusi a le siteki. O le komiti suetusi a le siteki e iloiloina, o le taitaifono o le komiti ma le peresitene o le siteki e sainia, ma o le taitaifono o le komiti e tilivaina atu i le suetusi fesoasoani a le eria. Tagai Faatautaia o se Suegatusi e Faaaoga ai se Pepa Fomu mo nisi faamatalaga.I se isi auala, e mafai ona filifili le peresitene o le siteki e faatali seia oo i le faaiuga o le vaitau o le suegatusi ma faatautaia le suegatusi faaiu i le initoneti e faaaoga ai le Polokalama o Suegatusi o Mea Tautupe o le Iunite i le Lotoifale (LUFAS). Afai e faatautaia le suegatusi i le initoneti, e le saini le epikopo mulimuli a le uarota i le suegatusi. O tuusaunoa o le suegatusi ma faatinoga o faasa’oga e foiaina i se ala e masani ai (tagai Foiaina o Tuusaunoaga o le Suegatusi).Afai e le manaomia se suegatusi o mea tautupe, o le peresitene o le siteki e logoina le suetusi fesoasoani o le eria, o le e faatulagaina le aveesea o le uarota ua le o toe faaauauina mai le LUFAS.