Ena rawa vakacava meu dauveituberi vakavuvale vinaka cake?

Vakalewe ni matabete, sa vakaroti vei keda meda “vulica [noda] itavi” ka “vakayacora … ena yalodina” (V&V107:99). E dua vei ira na itavi bibi ni dua na lewe ni Matabete i Eroni sa ikoya mera vunauci ira na tamata kece ga me ra lako vua na Karisito (raica na V&V 20:59). Sa nodra ikuri ni itavi na matabete kei na qasenivuli sa ikoya me ra “dausikova na nodra vuvale na lewenilotu ka “dau vakaraici ira na lewe ni lotu, ka dausikovi ira ka vakauqeti ira tikoga” (V&V 20:47, 53). E dua na sala eda na vakayacora rawa kina oqo sa ikoya meda dauveituberi vakavuvale. Ena dau mana vakalevu na noda dauveituberi vakavuvale ni da lomani ira, vakaraici ira, ka dau vakauqeti ira eda sa lesi meda vakavulica.

Mo vakarautaki iko vakayalo

Na cava o sa vakayacora mo dauveituberi vakavuvale vinaka cake kina? Sa vakalougatataka beka vakacava na nomu bula kei na nodra bula eso tale na veituberi vakavuvale? Na cava o rawa ni wasea vei ira na cauravou me baleta na veika o sa sotava?

Na cava e vakila baleta na veituberi vakavuvale na cauravou? Na veika cava e rawa ni ra veiwasei kina vakaiira?

Me Kilai: Ena vakarautaki ni lesoni oqo, sa rawa mo kerei ira na lewe ni kuoramu ka ra veiqaravi tiko vakadauveituberi vakavuvale mera sureti ira na nodra itokani dauveisiko mera tiko ena soqoni vakuoramu ka vakaitavi ena veivosaki mera yaco kina mera dauveituberi vakavuvale, vinaka cake.

Vulica ena masumasu na ivolanikalou kei na ivurevure oqo. Na cava ena vakauqeti ira na cauravou mera dauveituberi vakavuvale vinaka cake?

Qarava Vinaka Na Noqu iTavi Vua na Kalou(2010), 28–29, 52–53, 76–77

Alama 18:12–40; 22:4–18 (iVakaraitaki nei Amoni kei Eroni)

V&V 20:46–59 (O ira na vakaitutu ena Matabete i Eroni e tiko nodra itavi me ra sureta na tamata kecega me ra lako mai vei Karisito)

Jeffrey R. Holland, “Mata ki na Lotu,” Ensign se Liaona, Nove. 2016, 61–67

Thomas S. Monson, “Vakatawa ni Sipi Dina,” Ensign se Liaona, Nov. 2013

“iTavi ni Dauveituberi Vakavuvale,” iDusidusi 2: Veiqaravi ena Lotu (2010), 7.4.1

Vidio: “Home Teaching: Encouraging Aaronic Priesthood Holders”

5:50

Veivakavulici ena ivakarau ni iVakabula

Ena veigauna kece sara, a sa dauivakaraitaki ka daunivakasala totoka vakaoti vei ira e dauvakavulici ira na iVakabula. Era na vuli vakacava ena nomu ivakaraitaki na cauravou—vakakina na nodra ivakaraitaki na lewe ni Matabete i Melikiseteki tale eso ena nodra segata tiko mera vakayacora na nodra itavi vakadauveituberi vakavuvale?

Raica mera veiliutaki na cauravou

Me liutaka na bose ni kuoramu e dua na lewe ni mataveiliutaki ni kuoramu (se ivukevuke vua na bisopi ena kuoramu ni bete). Ena liutaki ira na cauravou o koya ena veivakasalataki vakaiira me baleta na bisinisi ni kuoramu, vakatavulici ira ena nodra itavi vakamatabete (mai na ivolanikalou kei na ivola iTavi Vua na Kalou ), vakayaloqaqataki ira ni wasea na veika era sota kaya ena vakayacori ni itavi vua na Kalou, ka sureta e dua na daunivakasala se dua tale na lewe ni kuoramu me vakatavulica e dua na lesoni vakosipeli. Ena rawa me vakavakarau o koya ena nona vola e dua na ituvatuva ni soqoni ni kuoramu ena gauna ni bose ni mataveiliutaki.

Tekivuna na gauna ni vuli-ka

Digidigi mai na veivakanananu oqo se vakasamataka ga vakaiiko na nomu mo raicalesu kina na lesoni ni macawa sa oti ka vakatakila na lesoni ni macawa oqo:

Sureti ira na cauravou mera tukunikataka na ka era a cakava mera vakayacora kina vakavinaka na nodra ilesilesi era a taura ena lesoni ni macawa sa oti.
Sureti ira na cauravou mera wasea na veika era a sotava vakadauveituberi vakavuvale se ena nodra a sikovi mai vei ira na dauveituberi vakavuvale. Na cava e kerei ira kina na matabete na Turaga me ra sikovi ira na veimatavuvale vaka dauveituberi vakavuvale?

Vulica vata

Na inaki ni lesoni oqo me vukei ira na cauravou mera vakavakarau mera dauveituberi vakavuvale vinaka cake. Solia na gauna vei ira na cauravou ena gauna ni soqoni ni kuoramu mera vola na ituvatuva eso ena nodra iTavi Vua na Kalou Vakauqeti ira mera veiwaseitaka vakaiira na nodra ituvatuva. Ena soqoni ni kuoramu mai muri, sureti ira mera wasea na veika sa yaco vei ira ena nodra veiqaravi voli mai vaka dauveituberi vakavuvale.

Wilika vata Vunau kei na Veiyalayalati 20:53, ka sureti ira na cauravou mera vola (se droinitaka) eso na sala e rawa kina vei ira na dauveituberi vakavuvale “mera dau yadrava tikoga na lotu, ka dau tiko ga ka vaqaqacotaki ira tiko. E rawa vakacava me ra vakatorocaketaki na cauravou ena nodra dauveituberi vakavuvale? Vakasamataka mo sureti bisopi, iliuliu ni soqosoqo ni matabete levu, se peresitedi ni kuoramu ni italatala qase me mai vosa ena sala meda dua kina na dauveituberi vakavuvale vinaka. (Raica na iTavi Vua na Kalou,52, 76.) Vakasamataka mo tarogi ira na cauravou mera vakananuma rawa tiko e so na taro mera taroga vei ira na iliuliu oqo me baleta na dauveituberi vakavuvale. Sureti ira na cauravou me ra cereka na iwase “Cakava” ni nodra ivola iTavi Vua na Kalou (tabana e 55 se 77) ka cakava na ituvatuva me yaco me dauveituberi vakavuvale vinaka cake.
Kerei ira yadua na cauravou me ra wilika e dua na italanoa mai na vosa nei Peresitedi Thomas S. Monson “iVakatawa Dina” kei na vosa nei Elder Jeffrey R. Holland “Mata ki na Lotu.” Kerei ira yadudua mera lako mai ki na mata ni kalasi, tukuna tale na italanoa ena nona vosa ga vakaikoya, ka wasea na ka e vakatavulica ka rawa me na dua kina na dauveituberi vakavuvale vinaka cake. Na cava tale era taleitaka na cauravou mai na vosa e rua oqo?
Wasea vakarua na kuoramu, ka kerea ruarua na ilawalawa me cakava e dua na ituvatuva ni veisala era na rawa ni vakavinakataka cake kina na nodra veituberi vakavuvale. Ni oti e vica na miniti, sureta e dua na ilala me ra vakuria na nodratou ituvatuva ena nodratou wilika eso na iwase ni vosa nei Elder Jeffrey R. Holland “Mata ki na Lotu.”
Sureta na ilala tale kadua me ra vakuria na nodra ituvatuva ena nodra wilika na iwasewase 7.4.1 ni iVoladusidusi 2. Kerea na ilawalawa me ra wasea na nodra ituvatuva, ka vakauqeta na cauravou yadua me digitaka e dua na ka mai na lisi me na cakacakataka ni bera na nona veituberi vakavuvale ka tarava. Sureti ira na lewe ni kuoramu me ra matanataka e dua na veituberi vakavuvale mana.
Vakaraitaka na vidio “Home Teaching: Encouraging Aaronic Priesthood Holders,” qai kerei ira na cauravou mera vaqara na sala era rawa ni vakaitavi kina na Matabete i Eroni ena veituberi vakavuvale. Na veika cava soti sa yaco era rawa ni wasea na cauravou ka via tautauvata kei na ka era raica ena vidio? Na cava era rawa ni vulica na cauravou ka na rawa ni vukea me ra dauveituberi vakavuvale vinaka cake?

5:50
Kerea e veimama na lewe ni kuoramu mera wilika na ka baleti Amoni ena Alama 18:12–40; kerea na veimama kadua mera wilika na ka baleti Eroni ena Alama 22:4–18. Sureti ira mera vaqara ka wasea na veika era sa vulica mai vei Amoni kei Eroni ka na rawa ni vukei ira mera yaco mera dauveituberi vakavuvale—vinaka cake, me kena ivakaraitaki, na sala era veivakavulici kina ena Yalotabu,veivakavulici kina ena loloma, vakamatautaka na nodra veivakavulici me sotava na gagadre, soli ivakadinadina, vakayagataka na ivolanikalou, taro kei na so tale. (E tauri na itaviqaravi oqo mai na dua na vuli yadua ena tabana e 218 ni Vunautaka na Noqu Kosipeli).

Kerei ira na cauravou mera wasea na veika era sa vulica nikua. Era sa kila vinaka li na sala mera yaco kina mera dauveituberi vakavuvale vinaka cake? Na cava era sa bau vakila se vakanananu kina? E tiko tale beka eso na nodra vakatataro? Ena yaga beka me na tauri vakalevu na gauna ena ivunau oqo?

Veisureti me caka

Me na tinia na soqoni na cauravou ka veiliutaki tiko. Sa rawa vua me:

Vukea na kuoramu me vakarautaka e dua na ivakaraitaki lekaleka ni veituberi vakavuvale me yavutaki mai ena ka era sa vulica nikua. Ena rawa mera wasea ena soqoni ni kuoramu ni italatala qase mai muri.
Vakamacalataka ni ena veimacawa tarava mai oqo, era na sureti mera wasea na veika sa yaco tiko vei ira.