Wóltaʼii 22
Millennialdi Dineʼé tʼáá átʼéé ńtʼę́ę́ʼ Diyin Bóhólníihii yaa dahodoonih—Diné yił naaldeehdoo—Isaiah 12 bił ahąąh nidííniłgo dínííłʼįįł. Jesus bidiʼdoochííłjįʼ 559–545 B.C. yihahgo ádahóótʼįįd.
1 Éí bijį́įdi ádidííniił, O Diyin Bóhólníihii nílíinii, naaháshnííh doo; azhą́ shichʼįʼ náháchįʼ ńtʼééʼ ndi, náháchįįʼígíí nahjįʼ kwíinilaa, dóó shił hwíínshǫǫd.
2 Áko shooh, Diyin God bee yisdáhdeesháałii átʼé; baijíínshłį́į́ doo, áádóó doo násdzid da doo; háálá Diyin Bóhólníihii Jehovah bee shidziil dóó shiyiin nilį́, áádóó ałdóʼ bee yisdáhdeesháałii silį́į́ʼ.
3 Éí bąą, baa nił hózhǫ́ǫgo tó hadahadleehdóó tó bee yisdáʼiildéehii hahíleeh doo.
4 Áádóó éí bijį́įdi ádidííniił: Diyin Bóhólníihii baah hóniih, bízhiʼ yínízhíigo bichʼíʼ sodílzin, binaanish ííłínígíí diné bitahgóó bee yáníłtih, bízhiʼ tsʼídá ayóó átʼé diníigo baa hólneʼ.
5 Diyin Bóhólníihii bichʼįʼ hótaał; háálá tsʼídá yáʼádaatʼééhii áyiilaa; díí nihokááʼ tʼáá áłtsogóó bééhózin.
6 Ziondi kééhótʼíinii, ayóó íitsʼaʼgo nił hózhǫ́ǫgo dílwosh, háálá Israel biDiyin Ayóóʼátʼéii nihitahgóó hólónígíí éí ayóó átʼé.