Le Tsoltsʼíibil Tʼaanoʼob tiʼ Oksaj Óol
tiʼ U Najil Jesucristo tiʼ Maʼalob Wíinikoʼob tiʼ le Tsʼook Kʼiinoʼob

1 Yaantoʼon óolal tiʼ Yuumtsil, Yuum Minaʼan u Xuul, yéetel tiʼ U Paal Jesucristo, yéetel tiʼ le Kiliʼich Pixanoʼ.

2 Yaantoʼon óolal le wíinikoʼoboʼ yaan u toʼopoloʼob yoʼosak u kʼebanoʼob, maʼ tu yoʼolal u maʼ uʼuyaj tʼaan Adaniʼ.

3 Yaantoʼon óolal jeʼel u beytal u yáantikubaʼob tuláakal wíinik yoʼosak u Toksajil Cristo, wa ku yuʼubikoʼob tʼaan tiʼ u aʼalmajtʼaanil le Maʼalob Péeksiloʼ yéetel u tsolmeyajiloʼob.

4 Yaantoʼon óolal u yáax chúunpajaliloʼob yéetel tsolmeyajiloʼob tiʼ le Maʼalob Péeksiloʼ leloʼobaʼ: yáax, oksajóol tiʼ Kʼuj Jesucristo; kaʼa, yajóolal; óox, okjaʼ ichil jaʼ utiaʼal u luʼusaʼal kʼeban; kan, ku tsʼáabal kʼab yóokʼol pool utiaʼal u tsʼáabal u síibal le Kiliʼich Pixanoʼ.

5 Yaantoʼon óolal juntúul máakeʼ kʼaʼanaʼan u tʼaʼanaj tuméen Yuumtsil, yéetel ajbóobattʼaanil yéetel tsʼáalbil kʼab yóokʼol pool tuméen máax yaan tiʼ u páajtalil yoʼosak u beytal u tseʼektaʼal le maʼalob péeksil beyxan u beetaʼal u tsolmeyajiloʼob.

6 Yaantoʼon óolal tiʼ u wíinkilil Najil Kʼujeʼ bey yaanchaj úuchileʼ, leʼeloʼobaʼ, apostoloʼob, aj bóobatoʼob, aj kanan tamanoʼob, aj kaʼansajiloʼob, aj tseʼek péeksiloʼob yéetel u jeeloʼob.

7 Yaantoʼon óolal tiʼ síibal tʼaanil, ajbóobattʼaanil, weʼesil, náayoʼob, tsʼaakiloʼob, suuttʼaaniloʼob yéetel u jeeloʼob.

8 Yaantoʼon óolal le Bibliaoʼ leteʼ u tʼaan Yuumtsil, tak tuʼux suuttsʼíibtaʼan uts; beyxan yaantoʼon óolal le Áanalteʼil Mormonoʼ leteʼ u tʼaan Yuumtsil.

9 Yaantoʼon óolal tuláakal baʼax eʼesaʼan tuméen Yuumtsileʼ, tuláakal baʼax ku yeʼesik bejlaʼeʼ. Beyxan yaantoʼon óolal yaan u yeʼesik yaʼab páaybeʼen nojoch baʼaloʼob tu Ajawil Yuumtsil.

10 Yaantoʼon óolal yaan u kaʼ muulkintaʼal u kaajil Israel yéetel u yutskintaʼal le Lajun Tribuʼob; Sion le Túumben Jerusaleneʼ yaan u liʼisaʼal yóokʼol u luʼumil America; Cristoeʼ yaan u ajbejaltik yóokʼol le luʼumaʼ, yaan u túumbenkunsaʼal le luʼumaʼ yéetel yaan u kʼamik u nojbeʼenil bey kiʼichkelem luʼumeʼ.

11 Kik kʼáatik u najmalil utiaʼal kultik Yuumtsil, máax yaan tuláakal páajtalil tiʼ jeʼel bix ik naʼatik tik wóoleʼ, kik tsʼáaik xan tiʼ tuláakal wíinik layliʼ le najmalilaʼ: kaʼ u kultoʼob jeʼel bix u kʼáatoʼobeʼ, jeʼel tuʼuxeʼ wa baʼax u kʼáatoʼobeʼ.

12 Yaantoʼon óolal chíimpoltik le ajawoʼob, pooliloʼob, jalachoʼob yéetel poopoʼob; beyxan tiʼ uʼuyaj tʼaan, tiʼ tsíik yéetel láatʼ le aʼalmajtʼaanoʼ.

13 Yaantoʼon óolal tiʼ tsíikbeʼenil, tiʼ tsʼáaj jaajil, cheʼenil, maʼalobil, utsilil yéetel beetik uts tiʼ tuláakal wíinik; u jaajileʼ, ku beytal ik waʼalikeʼ kik beetik u tʼaan Pablo: Tuláakal kik óoltik, kik paʼatik; ik mukʼyajmaj yaʼab baʼaloʼob, kik paʼatik u beytal ik mukʼyajtik tuláakal baʼaloʼob. Wa yaan baʼax uts, wa jatsʼuts, wa maʼalob yóoleʼ, wa tsikbeʼen u kiʼikiʼi tʼaʼanleʼ, lelaʼ kik kaxtik.