Uunaia tagata aoao e faasoa atu upumoni o latou aoaoina.

Ua talosagaina e le Alii le autalavou ma talavou matutua e fesoasoani e faapotopoto Isaraelu. O le faasoaina atu o o latou talitonuga ma molimau i isi o le a valaaulia atili ai le aoaoina ma faalolotoina ai lo latou liua i le Faaola ma Lana talalelei. O nisi tagata aoga o loo tauivi ma le iloaina pe faapefea ona amata nei talanoaga o le talalelei. E mafai e tagata aoga ona amata talanoaga o le talalelei ma isi e ala i le (1) mafaufau i mea o loo latou aoaoina e uiga ia Iesu Keriso ma Lana talalelei, (2) mafaufau loloto po o ai o le a manuia mai le talanoaga, ma (3) filifili pe faapefea ona latou uunaia se talanoaga ma lena tagata. E mafai ona faia lenei mea e ala i ni metotia eseese, e pei o le aoaoina atu o se lesona o le Sau, Mulimuli Mai ia te A’u, taitaia o se talanoaga a le vasega, tusia o se faamatalaga, auina atu o se feau tusitusia, po o le faasoa atu o se tusiga e uiga i le Ekalesia. O le faamoemoega e le o le faasoa atu o le talitonuga po o le aafiaga ae ia amatalia se talanoaga o le talalelei. O le faia o lena mea e valaaulia ai isi e fai ni fesili ma uunaia nisi talanoaga i le lumanai.

Faamatalaga: Afai e i ai ni au tagata aoga o e fefefe e faia lenei mea, mafaufau pe mafai faapefea ona e fesoasoani ia i latou e fesootai ma Iesu Keriso. O le a Ia fesoasoani ia i latou a o tatala o latou gutu e faasoa atu Lana upumoni.

I le taufaaiuiuga o le vasega, valaaulia au tagata aoga e mafaufau loloto po o ai latou te mananao e faasoa atu i ai se mea. Valaaulia i latou e tusi vave se feau pe auina atu se tesi o le a maua ai e i latou se avanoa e talanoa ai ma lena tagata pea latou feiloai. Faataitaiga, e mafai ona tesi tagata aooga faapea:

• “Sa matou talanoa nei i le seminare e uiga i se mea na ou mafaufau ai ia oe. Faamanatu mai e ta’u atu pe a ta feiloai.”

• “Ei, na ou mafaufau lava e uiga i le gafatia e le Faaola ona faamagalo atu. E mafai ona e fesoasoani mai e mafaufau i ni mea e uiga ia te Ia? A mafai, o le a se taimi lelei e talanoa ai?”

Kiliki ii e matamata se vitio o lenei faataitaiga.

1:37

Ia maua mai nisi fasifuaitau se tolu e mafai ona e faaaogaina o ni faataitaiga e fesoasoani ai i tagata aoga e vaai pe faapefea ona amata se talanoaga o le talalelei.

• O le a se mea ua e aoaoina mai e uiga i le fesoasoani i tagata aoao e fatufatu pe amata ni talanoaga o le talalelei?

• E mafai faapefea e le fesoasoani i tagata aoao e faasoa atu o latou talitonuga ma molimau i o latou aiga ona fesoasoani i o latou aafiaga i le seminare po o le inisitituti ia avea ma se aafiaga moni e faatotonugalemu i le aiga?

Faasoa atu i au tagata aoga nisi o faataitaiga o mea e mafai ona latou tusia e amatalia ai se talanoaga o le talalelei, ona faataitai lea ona faasoa atu i le vasega. Tuu atu i isi tagata aoga e fesoasoani ia i latou e faaleleia atili. Valaaulia i latou e amatalia le talanoaga pe a latou saunia.

• Russell M. Nelson, “How to Share the Gospel,” New Era, July 2011, 48

• “Sharing the Gospel,” ChurchofJesusChrist.org