Tokoniʻi e kau akó ke ʻilo e ʻofa, mālohi mo e ʻaloʻofa ʻa e ʻEikí heʻenau moʻuí.

ʻOku ʻi ai ʻa e mālohi ʻoku maʻu ʻi heʻetau fakafehokotaki ʻetau ngaahi feinga ke moʻui ʻaki e ngaahi tefitoʻi moʻoni ʻo e ongoongoleleí ki hotau Fakamoʻui ko Sīsū Kalaisí. Tuku ha taimi ʻi hoʻo teuteú ke fakalaulauloto ki he meʻa ʻoku tokoni atu ʻa e ngaahi tefitoʻi moʻoni ʻo e ongoongoleleí ʻi he konga folofolá ke ke ʻiloʻi mo mahino fekauʻaki mo Sīsū Kalaisi. Hili iá pea faʻu fakalelei ha ngaahi fehuʻi ʻoku fakaafeʻi ai e kau akó ke fakakaukau ki he meʻa te nau lava ʻo ako fekauʻaki mo ʻEne ʻofá, mālohí, mo e ʻaloʻofá mei he ngaahi moʻoni ʻoku akoʻí. Makehe mei hono tokoniʻi e kau akó ke mahino kiate kinautolu ʻa e tokāteliné, ʻe lava foki ke tokoni ʻa e faʻahinga fehuʻi ko ʻení ke nau vakai ki he founga ʻe tokoniʻi ai kinautolu ʻi hono moʻui ʻaki e tokāteline ko iá ke nau aʻusia ʻEne ʻofá, mālohí, mo e ʻaloʻofá, kae pehē foki ke hoko ʻo hangē ko Iá. ʻE lava foki ke tokoni e faʻahinga fehuʻi ko ʻení ke fakakaukau ʻa e kau akó ki he founga ʻe tokoniʻi ai kinautolu ʻe Sīsū Kalaisi ke nau moʻui ʻaki e tokāteline ko iá.

ʻOua ʻe fehuʻi …

• Ko e hā ʻoku mahuʻinga ai ke moʻui ʻaki e fono ʻo e vahehongofulú?

• Ko e hā ʻoku totonu ke tau fakatomala fakaʻaho aí?

ʻAhiʻahi fehuʻi …

• Ko e hā ʻoku akoʻi atu ʻe he fono ʻo e vahehongofulú fekauʻaki mo ho Tamai Hēvaní mo Sīsū Kalaisí?

• Ko e hā kuó ke ako kau ki he ʻaloʻofa ʻa e Fakamoʻuí ʻo fakafou ʻi he fakatomala fakaʻahó?

Lomiʻi heni ke vakai ki ha vitiō ʻo e sīpinga ko ʻení.

1:24

Fakaangaanga ʻaki hono liliu e ngaahi fehuʻi ko ʻení ʻi ha ngaahi founga ʻe tokoni ke fakafehokotaki ai ʻe he kau akó e ʻofa, mālohi, mo e ʻaloʻofa ʻa e ʻEikí ki he ngaahi moʻoni ʻoku akoʻí.

ʻOua ʻe fehuʻi …

• Ko e hā ʻoku mahuʻinga ai ke ako fakaʻaho ʻa e folofolá?

• Ko e hā ʻa e mālohi ʻoku maʻu mei he ʻalu ki he temipalé?

ʻAhiʻahi fehuʻi …

• Kuó ke ako fēfē ke ʻiloʻi ʻoku ʻuhingamālie ange ʻa e ngaahi tefitoʻi moʻoni fakatokāteliné ʻi hoʻo fakafehokotaki kinautolu ki he ʻofa, mālohi, mo e ʻaloʻofa ʻa e ʻEikí?

• ʻE tokoni fēfē ʻeni ke mahino lelei ange ki heʻetau kau akó mo nau falala ki he ngaahi akonaki pea mo e Fakalelei ʻa Sīsū Kalaisí?

Vakai ki hoʻo lēsoni palani hokó. Tuku ha miniti ʻe 10 ki hono toe vakaiʻi e ngaahi fehuʻí ke tokoni ke fakafehokotaki ʻe he kau akó e ʻofa, mālohi, mo e ʻaloʻofa ʻa e ʻEikí ki he ngaahi moʻoni ʻoku akoʻí.

• Chad H. Webb, “We Talk of Christ, We Rejoice in Christ” (Seminaries and Institutes of Religion annual training broadcast, June 12, 2018), broadcasts.ChurchofJesusChrist.org

• Chad H. Webb, “Empathy” (Seminaries and Institutes of Religion annual training broadcast, Jan. 26, 2021), broadcasts.ChurchofJesusChrist.org