Aoao Atu ma le Aoao Mai
Fesoasoani i tagata aoao ia iloa le alofa, mana, ma le alofa mutimutivale o le Alii i o latou olaga.

“Fesoasoani i tagata aoao ia iloa le alofa, mana, ma le alofa mutimutivale o le Alii i o latou olaga, Atinaega o Tomai Faafaiaoga (2022)

“Fesoasoani i tagata aoao ia iloa le alofa, mana, ma le alofa mutimutivale o le Alii i o latou olaga,” Atinaega o Tomai Faafaiaoga.

Taulai atu ia Iesu Keriso

Fesoasoani i tagata aoao ia iloa le alofa, mana, ma le alofa mutimutivale o le Alii i o latou olaga.

Tomai: Fai fesili e taulai atu i le fesootaiga o le alofa, mana, ma le alofa mutimutivale o le Alii i upumoni na aoao atu.

Faamatalatala

O loo i ai se mana e oo mai pe a tatou faafesootaia a tatou taumafaiga e ola i le talalelei i lo tatou Faaola o Iesu Keriso. Faaalu se taimi i au sauniuniga e mafaufau loloto ai po o a mataupu faavae o le talalelei i le poloka mau e fesoasoani e te iloa ai ma malamalama e uiga ia Iesu Keriso. Ona fatuina lea ma le faaeteete o fesili e valaaulia ai tagata aoga e mafaufau i mea e mafai ona latou aoaoina e uiga i Lona alofa, mana, ma le alofa mutimutivale mai upumoni na aoao atu. E faaopoopo atu i le fesoasoani i tagata aoga ia malamalama i le aoaoga faavae, o nei ituaiga o fesili e mafai foi ona fesoasoani ia i latou e iloa ai pe faapefea i le ola ai i lena aoaoga faavae ona fesoasoani ia i latou ia iloa Lona alofa, mana, ma le alofa mutimutivale, faapea foi ma le avea atili e faapei o Ia. O nei ituaiga o fesili e mafai foi ona fesoasoani i tagata aoga e mafaufau ai pe faapefea ona fesoasoani Iesu Keriso ia i latou e ola ai i lena aoaoga faavae.

Faataitaiga

Nai lo le fesili …

  • Aisea e taua ai le ola i le tulafono o le sefuluai?

  • Aisea e tatau ai ona tatou salamo i aso taitasi?

Ae taumafai e fesili …

  • O le a se mea ua aoaoina ai oe i le ola i le Tulafono o le Sefuluai e uiga i lou Tama Faalelagi ma Iesu Keriso?

  • O le a se mea ua e aoaoina mai e uiga i le alofa mutimutivale o le Faaola e ala i le salamo i aso taitasi?

Kiliki ii e matamata ai i se vitio o lenei faataitai.

1:24

Faataitai

Faataitai e ala i le suia o fesili nei i auala e fesoasoani ai i tagata aoga e faafesootai le alofa, mana, ma le alofa mutimutivale o le Alii i upumoni na aoao atu.

Nai lo le fesili …

  • Aisea e taua ai le suesue i tusitusiga paia i aso taitasi?

  • O le a le mana e sau mai le auai atu i le malumalu?

Ae taumafai e fesili …

Talanoaina pe Mafaufau Loloto

  • Na faapefea ona e aoao ia iloa o mataupu faavae faaleaoaoga faavae e sili atu ona anoa a o e faafesootaia i latou i le alofa, mana, ma le alofa mutimutivale o le Alii?

  • E faapefea ona fesoasoani lenei mea ia tatou tagata aoga e malamalama lelei ai ma faalagolago i aoaoga ma le Togiola a Iesu Keriso?

Faaaoga

Vaai i lau fuafuaga o le lesona e sosoo ai. Faaalu le 10 minute e toe faamanatu ai fesili e fesoasoani ai i tagata aoga e faafesootai le alofa, mana, ma le alofa mutimutivale o le Alii i upumoni na aoao atu.

E Te Fia Aoao Atili?