Faamalolosia o Tagata Fou o le Ekalesia ma Tagata ua Toe Foi Mai: Otootoga o Aoaoga Fautuaina

1. Tatala le Gospel Library (le polokalama po o le itulau uepi) ma alu i le Tusitaulima ma Valaauga, sosoo ai ma Valaauga o Uarota po o Paranesi, ona sosoo ai lea ma le Faamalolosia o Tagata Fou o le Ekalesia ma Tagata ua Toe Foi Mai. (O anomea o le a e manaomia mo lenei aoaoga o loo maua i le vaega lenei.) Tatala ma iloilo le “Fesoasoani i Tagata Fou ma Tagata ua Toe Foi Mai ia Tumau i le Ala o Feagaiga.” I le avea ai o se soa po o se vaega, ia talanoaina:

   • Aisea e avea ai nei aafiaga ma ki e fesoasoani ai i tagata e ulufale atu ma tumau ai i le ala o feagaiga?

2. Maimoa i vaega o le vitio “The Bush Family Story” (i le vaega o Vitio o le Faamalolosia o Tagata Fou o le Ekalesia) po o le “The Battina and Sydney Story” ma le “The Lynette and Sean Story” (i le vaega o Vitio o le Faamalolosia o Tagata o le Ekalesia ua Toe Foi Mai). A o e maimoa i vitio, vaavaai pe na faapefea ona faaaoga aitema o loo i le siata i lalo o le “A o lei Papatisoina po o le Toe Foi i le Ekalesia,” “E lei leva ona uma le Papatisoga po o le Toe Foi i le Ekalesia,” ma le “I Totonu o le Tausaga Muamua” i tala taitasi.

   

   7:12
   

   6:44

   Talanoaina:

   • O le a se mea o lelei ona tatou faia e fesoasoani ai i tagata fou ma tagata ua toe foi mai ina ia alualu i luma?

   • O le a se vaega se tasi pe lua tatou te lagona e mafai ona tatou faaleleia atili ai?

3. Maimoa i le vaega o le vitio “O Le Taua o Faauoga.” Talanoaina:

   • Aisea e avea ai le i ai o ni faauooga moni ma tagata o le ekalesia o se tasi o vaega sili ona malolosi i le fesoasoani atu i tagata fou ma tagata ua toe foi mai e ulufale mai ma tumau ai i le ala o feagaiga?

   • E mafai faapefea ona tatou fesoasoani e fausia ni faauooga moni i se taimi vave e mafai ai? E mafai faapefea ona tatou faatumauina nei faauooga?

4. Maimoa i le vaega o le vitio “Galulue Faatasi.” Talanoaina:

   • Na faapefea ona galulue faatasi tagata o le ekalesia ma faifeautalai e faamalieina manaoga o le aiga o Bush?

   • O le a se mea e mafai ona faaleleia i la tatou iunite ina ia mafai ai e tagata o le ekalesia ma faifeautalai ona galulue faatasi ma le mataalia i nei taumafaiga?

5. Maimoa i le vaega o le vitio “Faamanuiaina o Tagata Fou ma Tagata ua Toe Foi Mai e Ala i Aufono.”

   

   5:25

   Talanoaina:

   • Na faapefea ona galulue faatasi le au epikopo, aufono a le uarota, ma fonotaga faamaopoopo a faifeautalai i le fesoasoani atu ia Salvador e alualu i luma?

   • Na faapefea ona fesoasoani le meafaigaluega o le Alualu i Luma i le Ala o Feagaiga mo taitai?

   • O le a se mea e mafai ona faaleleia i la tatou iunite ina ia mafai ai e nei aufono ma fonotaga ona tali atu i manaoga o tagata fou ma tagata ua toe foi mai?

6. I le vaega lava lea e tasi i le Faamalolosia o Tagata Fou o le Ekalesia ma Tagata ua Toe Foi Mai i le Gospel Library, tatala O Lo’u Ala o Feagaiga ma alu i le folasaga o le “O Lo’u Ala o Feagaiga.” Faitau faatasi le itulau lenei ma talanoaina pe faapefea ona faaaoga O Lo’u Ala o Feagaiga e fesoasoani ai i tagata fou ma tagata ua toe foi mai. Toe iloilo ia le itiiti ifo ma le lua ni aafiaga i totonu o O Lo’u Ala o Feagaiga. Talanoaina:

   • E mafai faapefea e uso ma tuafafine o auaunaga ma faifeautalai faamisiona ona galulue faatasi e fesoasoani i tagata fou po o tagata ua toe foi mai?

   • E mafai faapefea e nei aafiaga ona fesoasoani i tagata fou ma tagata ua toe foi mai e aoao le talalelei, ia lagona le Agaga, ma fausia ni faauooga tumau ma isi tagata o le ekalesia?

7. Fuafua pe faapefea ona e fesoasoani i tagata fou ma tagata ua toe foi mai o loo e auauna atu i ai ina ia mafai ona maua le O Lo’u Ala o Feagaiga. Afai o latou faaaogaina se masini Android, e mafai ona latou sii maia le polokalama mai le faleoloa o le Google Play iinei. Afai latou te faaaogaina se masini iOS, e mafai ona latou sii maia le polokalama mai le Apple App Store iinei. E mafai foi ona e tuuina atu se kopi ua lolomiina. (Manatua: E mafai e tagata fou ma tagata ua toe foi mai ona maua le O Lo’u Ala o Feagaiga e ala i le alu i Tagata Matutua ona sosoo ai lea ma Tagata Fou po o Tagata Ua Toe Foi Mai i le Gospel Library.)

O le lipoti o le Alualu i Luma i le Ala o Feagaiga e faaaoga e fesoasoani ai i tagata fou ma tagata ua toe foi mai e siaki ai lo latou alualu i luma i luga o le ala o feagaiga i o latou uluai tausaga e lua o le avea ai ma tagata o le Ekalesia po o le toe malosi mai i le Ekalesia. E faaaoga foi e lagolago ai tagata o loo aoaoina e faifeautalai. O loo avanoa mo taitai i le lotoifale e ala i le lisi autu o Lipoti i le polokalama o Meafaigaluega a Tagata o le Ekalesia ma le Punaoa mo Taitai ma Failautusi (PTF).

O le lipoti o le Alualu i Luma i le Ala o Feagaiga e o faatasi ma le polokalama o le Tala’i La’u Talalelei e faaaoga e faifeautalai faamisiona. Pe a faafouina faamatalaga i se tasi o na faamatalaga, e otometi lava ona faafou le isi. E tatau ona faaaoga le lipoti o se meafaigaluega faamaopoopo autu e taitai i le lotoifale. E tatau ona latou tatalaina ma iloiloina e le aunoa, e aofia ai o se vaega o le aufono a le uarota, fonotaga faamaopoopo, ma pe a latou feiloai ma faifeautalai faamisiona.

E mafai e taitai nei ona faaaoga ma faafou le alualu i luma o se tagata fou po o se tagata ua toe foi mai e ala i le Alualu i Luma i le Ala o Feagaiga:

• Tagata fou (e aofia ai matua o fanau)

• Au Epikopo (e aofia ai failautusi)

• Au peresitene o le korama a toeaina (e aofia ai failautusi)

• Au peresitene o le Aualofa (e aofia ai failautusi)

• Taitai misiona a le uarota (e aofia ai le taitai misiona fesoasoani a le uarota)

• Faifeautalai a le uarota

8. Ina ia maua le lipoti, tatala le polokalama o Meafaigaluega mo Tagata o le Ekalesia (po o le Punaoa mo Taitai ma Failautusi [LCR] i luga o le initoneti), alu i Lipoti, ona filifili lea o le Alualu i Luma i le Ala o Feagaiga. O le a e maua le filifiliga e filifili ai se tasi o vaega e tolu: Tagata Fou o le Ekalesia, Toe Foi Mai, ma le O Loo Aoaoina. O vaega taitasi o loo faaali mai ai faamatalaga autu e uiga ia i latou o e na papatisoina i totonu o le lua tausaga talu ai ma nonofo ai i lau iunite ma i latou o loo aoaoina i le taimi nei e faifeautalai. Pe a maimoaina le vaega o Tagata ua Toe Foi Mai, e mafai e taitai nei ona faaopoopo se tagata ua toe foi mai pe a uma ona maua le faatagaga mai le tagata ua toe foi mai e faaopoopo i ai:

   • Au Epikopo (e aofia ai failautusi)

   • Au peresitene o le korama a toeaina

   • Au peresitene o le Aualofa

   • Taitai misiona a le uarota (e aofia ai le taitai misiona fesoasoani a le uarota)

   Toe iloilo le lisi o tagata fou pe o tagata ua toe foi mai ma talanoaina pe o faapefea ona latou alualu i luma.

9. Filifili le igoa o se tagata fou pe o le tagata ua toe foi mai (pe filifili le Maimoa i Faamatalaga Auiliili i le LCR ma le iOS). O loo faaali mai faamatalaga faaopoopo e uiga i le alualu i luma o le tagata. Talanoaina:

   • O le a le sootaga i le va o lenei faamatalaga ma le O Lo’u Ala o Feagaiga?

   • O le a se mea e tatau ona tupu e fesoasoani ai i o tatou tagata fou taitoatasi pe o tagata ua toe foi mai ia alualu ai i luma?

10. O i latou e i ai le faatagana e faasa’oina e mafai ona:

    • Faamaumau le auai o le sauniga faamanatuga. (Manatua: Afai e le mafai e le tagata fou po o le tagata ua toe foi mai ona auai i le sauniga faamanatuga ona o mafuaaga o le soifua maloloina, faailoga i latou o loo auai pe afai ua mafai e le tagata fou ona maua le faamanatuga i le fale pe auai i sauniga faamanatuga e ala i metotia maotua.)

    • Faaopoopo le igoa o se uo i faamatalaga o le tagata fou po o le tagata ua toe foi mai.

    • Faafou mataupu faavae na aoaoina (lesona a faifeautalai pe a uma le papatisoga).

    • Ia mautinoa e sa’o faamatalaga e uiga i uso ma tuafāfine o auaunaga.

11. O le a faaali mai faaaliga i totonu o le polokalama pe a faailoa mai e le Alualu i Luma i le Ala o Feagaiga a se tagata le faaitiitia o le auai i gaoioiga a le Ekalesia.

12. E mafai foi e tagata fou ma tagata ua toe foi mai ona faafouina lo latou lava alualu i luma. Tuu atu i le tagata fou e saili lo latou talaaga otooto mai le lisi o meafaigaluega i le Member Tools. O le isi, tuu atu i le tagata e oomi le Alualu i Luma i le Ala o Feagaiga.

13. O peresitene o korama a toeaina ma le Aualofa e nafa ma le faamautinoaina ua faafouina faamatalaga o tagata o le ekalesia i le taimi e tatau ai. E mafai ona latou faamatuu atu lenei tiutetauave. Ia talanoaina po o ai o le a faafouina faamatalaga o tagata o le ekalesia, pe faafia ona faafouina (e sili atu ia le itiiti ifo ma le vaiaso), ma pe faapefea ona faaaoga le Alualu i Luma i le Ala o Feagaiga i fonotaga a le aufono ma fonotaga faamaopoopo a le uarota i vaiaso taitasi.

14. Faaali atu le vaega o le vitio “How Temples and Family History Strengthen New Members.”

    

    5:13

    Ia talanoaina pe faapefea e au taumafaiga ona fesoasoani i tagata fou ma tagata ua toe foi mai e tumau i le ala o feagaiga (tagai i le Ioane 15:16) ma iu ai ina maua sauniga uma o le faaolataga ma le faaeaga. Fuafua mea o le a faia e lau iunite e faafailele ai tagata fou ma tagata ua toe foi mai faapea foi i latou o loo aoaoina e faifeautalai i la outou faapotopotoga.