Paglig-on sa Bag-o ug Mibalik nga mga Miyembro: Gisugyot nga Latid sa Pagbansay

1. Ablihi ang Librarya sa Ebanghelyo (ang app o ang web page) ug adto sa Mga Tamdanan nga Basahon ug mga Calling, dayon Mga Calling sa Ward o Branch, ug dayon Pagpalig-on sa Bag-o ug Mibalik nga mga Miyembro. (Ang mga materyal nga kinahanglanon ninyo alang niini nga pagbansay makita niini nga seksiyon.) Ablihi ug rebyoha ang “Pagtabang sa Bag-o ug Mibalik nga mga Miyembro nga Magpabilin diha sa Dalan sa Pakigsaad.” Isip magkompanyon o grupo, hisgoti:

   • Ngano nga kining mga kasinatian mahinungdanon sa pagtabang sa katawhan nga mosulod ug magpabilin diha sa dalan sa pakigsaad?

2. Tan-awa ang mga bahin sa bidyo “The Bush Family Story” (diha sa Videos nga seksiyon sa Paglig-on sa Bag-o ug Mibalik nga mga Miyembro) o “The Battina and Sydney Story” ug “The Lynette and Sean Story” (diha sa mga Video nga seksiyon sa Paglig-on sa Bag-o nga Mibalik nga mga Miyembro). Samtang kamo motan-aw sa mga bidyo, pangitaa kon sa unsang paagi nga ang mga aytem diha sa tsart ubos sa “Before Baptism or Returning to Church,” “Soon after Baptism or Returning to Church,” ug “Within the First Year” gigamit sa matag istorya.

   

   7:12
   

   6:44

   Paghisgot:

   • Unsa ang maayo natong gibuhat aron matabangan ang bag-o ug mibalik nga mga miyembro nga mouswag?

   • Unsa ang usa o duha ka dapit nga gibati nato nga pwede natong palamboon?

3. Tan-awa ang bahin sa bidyo nga “The Importance of Friendships.” Paghisgot:

   • Nganong ang pagbaton og tinud-anay nga panaghigalaay kauban sa mga miyembro usa sa labing lig-on nga mga sukaranan sa pagtabang sa bag-o ug mibalik nga mga miyembro sa pagsulod ug pagpabilin diha sa dalan sa pakigsaad?

   • Unsaon nato sa pagtabang nga makamugna og tinud-anay nga panaghigalaay sa mas sayo nga panahon kon posible? Unsaon nato sa pagpadayon kini nga panaghigalaay?

4. Tan-awa ang bahin sa bidyo nga “Working Together.” Paghisgot:

   • Giunsa sa mga miyembro ug mga misyonaryo pagtambayayong aron masangkapan ang panginahanglan sa pamilyang Bush?

   • Unsa ang mahimong palamboon sa atong mga yunit aron mas epektibo ang pagtambayayong sa mga miyembro ug mga misyonaryo niini nga mga paningkamot?

5. Tan-awa ang bahin sa bidyo nga “Blessing New and Returning Members Through Councils.”

   

   5:25

   Paghisgot:

   • Giunsa sa bishopric, konseho sa ward, ug mga miting sa koordinasyon sa mga misyonaryo nagkahiusa sa pagtabang ni Salvador nga mouswag?

   • Giunsa sa himan sa Pag-uswag diha sa Dalan sa Pakigsaad sa pagtabang aron maabagan ang mga lider?

   • Unsa ang mahimong palamboon sa atong yunit aron kini nga mga konseho ug mga miting mas makasangkap sa mga panginahanglan sa bag-o ug mibalik nga mga miyembro?

6. Sa sama nga seksiyon diha sa Paglig-on sa Bag-o ug Mibalik nga mga Miyembro sa Librarya sa Ebanghelyo, ablihi ang Ang Akong Dalan sa Pakigsaad ug adto sa “Ang Akong Dalan sa Pakigsaad” nga pasiuna. Basaha og dungan kini nga pahina ug hisgoti unsaon nga ang Ang Akong Dalan sa Pakigsaad magamit aron sa pagtabang sa bag-o ug mibalik nga mga miyembro. Pagrebyo og labing minos duha ka kasinatian sulod sa Ang Akong Dalan sa Pakigsaad. Paghisgot:

   • Sa unsang paagi nga ang tigpangalagad nga mga igsoong lalaki ug babaye ug ang mga misyonaryo makatambayayong aron makatabang sa bag-o o mibalik nga mga miyembro?

   • Sa unsang paagi nga kini nga mga kasinatian makatabang sa bag-o ug mibalik nga mga miyembro nga makat-on sa ebanghelyo, mobati sa Espiritu, ug makamugna og mahangtoron nga panaghigalaay sa ubang mga miyembro?

7. Pagplano kon unsaon ninyo sa pagtabang sa bag-o ug mibalik nga mga miyembro nga inyong gipangalagaran nga maka-akses sa Ang Akong Dalan sa Pakigsaad. Kon sila naggamit og Android nga device, ma-download nila ang Librarya sa Ebanghelyo nga app gikan sa Google Play store dinhi. Kon sila naggamit og iOS nga device, ma-download nila ang Librarya sa Ebanghelyo nga app gikan sa Apple App Store dinhi. Mahimo usab kamo nga mohatag og giprinta nga kopya. (Timan-i: Ang bag-o ug mibalik nga mga miyembro makakita sa Ang Akong Dalan sa Pakigsaad pinaagi sa pag-adto sa Mga Hamtong ug dayon Bag-o o Mibalik nga mga Miyembro diha sa Librarya sa Ebanghelyo.)

Ang report sa Pag-uswag sa Dalan sa Pakigsaad gamiton aron sa pagtabang sa bag-o ug mibalik nga mga miyembro nga masubay ang ilang pag-uswag subay sa dalan sa pakigsaad atol sa ilang unang duha ka tuig nga pagkamiyembro sa Simbahan o sa pagbalik ngadto sa kalihokan sa Simbahan. Magamit usab kini sa pagsuporta sa mga tawo nga gitudloan sa mga misyonaryo. Anaa kini alang sa lokal nga mga lider pinaagi sa Mga Report nga menu diha sa Member Tools nga app ug sa LCR.

Ang report sa Pag-uswag sa Dalan sa Pakigsaad giusa sa Isangyaw ang Akong Ebanghelyo nga app nga gigamit sa mga full-time nga misyonaryo. Kon ang impormasyon gi-update sa usa niini, ang usa awtomatik nga ma-update. Ang report kinahanglan nga gamiton isip usa ka importante nga gamit sa pakig-alayon sa lokal nga mga lider. Kinahanglan nilang ablihan ug rebyohon kini kanunay, lakip na isip kabahin sa mga miting sa konseho sa ward, mga miting sa pagsabot-sabot [coordination meeting], ug kon sila makigtagbo sa mga full-time nga misyonaryo.

Ang mosunod nga mga lider maka-akses ug maka-update sa pag-uswag sa bag-o o mibalik nga miyembro pinaagi sa Pag-uswag sa Dalan sa Pakigsaad:

• Bag-ong miyembro (lakip na ang mga ginikanan sa mga bata)

• Bishopric (lakip na ang mga klerk ug mga sekretarya)

• Kapangulohan sa korum sa mga elder (lakip na ang mga sekretarya)

• Kapangulohan sa Relief Society (lakip na ang mga sekretarya)

• Lider sa misyon sa ward (lakip na ang kaabag nga lider sa misyon sa ward)

• Mga misyonaryo sa ward

8. Aron ma-akses ang report, ablihi ang Member Tools nga app (o Leader and Clerk Resources [LCR] nga online), adto sa Reports, ug dayon pilia ang Pag-uswag sa Dalan sa Pakigsaad. Ikaw adunay opsiyon sa pagpili og usa sa tulo ka seksiyon: Bag-ong mga Miyembro, Mibalik, ug Gitudloan. Ang matag seksiyon mopakita og sukaranan nga impormasyon mahitungod niadtong nabunyagan sulod sa nangaging duha ka tuig ug nagpuyo sa inyong yunit ug kadtong kasamtangan nga gitudloan sa mga misyonaryo. Kon motan-aw sa Mibalik nga mga Miyembro nga seksiyon, ang mosunod nga mga lider adunay akses nga modugang og mibalik nga miyembro human makadawat og pagtugot gikan sa mibalik nga miyembro nga idugang sila:

   • Bishopric (lakip na ang mga klerk ug mga sekretarya)

   • Kapangulohan sa elders quorum

   • Kapangulohan sa Relief Society

   • Lider sa misyon sa ward (lakip na ang kaabag nga lider sa misyon sa ward)

   Rebyoha ang lista sa bag-o o mibalik nga mga miyembro ug hisgoti kon giunsa nila pag-uswag.

9. Pilia ang ngalan sa bag-o o mibalik nga miyembro (o pilia ang View Details diha sa LCR ug iOS). Dugang nga impormasyon mahitungod sa pag-uswag sa indibidwal ang makita. Paghisgot:

   • Unsa ang relasyon tali niini nga impormasyon ug sa Ang Akong Dalan sa Pakigsaad?

   • Unsa ang kinahanglan nga mahitabo aron matabangan nga mouswag ang atong bag-o o mibalik nga mga miyembro?

10. Kadtong adunay akses sa pag-edit mahimong:

    • Morekord sa attendance sa miting sa sakramento. (Timan-i: Kon ang bag-o o mibalik nga miyembro dili makatambong sa miting sa sakramento tungod sa mga problema sa kahimsog, markahi sila og mitambong kon ang bag-o nga miyembro nakapahigayon og sakramento sa panimalay o nakatambong sa miting sa sakramento sa online nga pamaagi.)

    • Idugang ang ngalan sa higala ngadto sa impormasyon sa bag-o o mibalik nga miyembro.

    • I-update ang mga baroganan nga natudlo (mga leksiyon sa mga misyonaryo human sa bunyag).

    • Seguroha nga ang impormasyon mahitungod sa tigpangalagad nga mga igsoong lalaki ug babaye insakto.

11. Ang in-app nga mga notipikasyon motumaw kon ang Pag-uswag sa Dalan sa Pakigsaad sa indibidwal nagsugyot og minos nga pag-apil sa kalihokan sa Simbahan.

12. Ang bag-o ug mibalik nga mga miyembro mahimo usab nga mo-update sa ilang kaugalingon nga pag-uswag. Ipapangita sa bag-ong miyembro ang ilang profile gikan sa directory diha sa Member Tools. Sunod, ipatulpok sa miyembro ang Pag-uswag sa Dalan sa Pakigsaad.

13. Ang mga presidente sa korum sa mga elder ug Relief Society maoy responsable sa pagseguro nga ang impormasyon sa miyembro na-update sa sakto nga paagi. Mahimo nilang isalig sa uban kini nga responsibilidad. Hisgoti kon kinsa ang mo-update sa impormasyon sa miyembro, kapila kini i-update (mas maayo kon labing minos kada semana), ug unsaon paggamit sa Pag-uswag sa Dalan sa Pakigsaad diha sa konseho sa ward ug sa sinemana nga pakigsabot nga mga miting.

14. Ipakita ang bahin sa bidyo nga “How Temples and Family History Strengthen New Members.”

    

    5:13

    Hisgoti kon sa unsang paagi nga ang inyong mga paningkamot makatabang sa bag-o ug mibalik nga mga miyembro nga magpabilin sa dalan sa pakigsaad (tan-awa sa Juan 15:16) ug sa kataposan makadawat sa tanang ordinansa sa kaluwasan ug kahimayaan. Planoha kon unsa ang buhaton sa inyong yunit aron maamumahan ang bag-o ug mibalik nga mga miyembro ingon man kadtong gitudloan sa mga misyonaryo sa inyong kongregasyon.