Vahevahe ʻo e Ngaahi Maʻuʻanga Tokoni ʻa e Siasí
ʻE lava ke hoko ʻa e Ko Hono Vahevahe ʻo e Ngaahi Maʻuʻanga Tokoni ʻa e Siasí—kau ai e ngaahi kalasi fakafalala pē kiate kitá, ngaahi kalasi EnglishConnect, ngaahi kulupu fakaakeake mei he maʻunimaá, mo e ngaahi kalasi mo e polokalama fakaakó—ko ha founga mālohi ke tokoniʻi ai e kakaí ke fakatupulaki ʻenau moʻuí mo nau kumi ha feituʻu ʻi hotau ngaahi ʻātakai ʻo e Kau Māʻoniʻoni ʻi he Ngaahi ʻAho Kimui Ní.
ʻI he taimi ne ʻi māmani ai ʻa Sīsū Kalaisí, naʻá Ne tokoniʻi e kakaí ʻi heʻenau ngaahi fiemaʻu fakatuʻasinó pehē foki ki heʻenau ngaahi fiemaʻu fakalaumālié. Naʻá Ne fafangaʻi ʻa e fiekaiá mo fakamoʻui ʻa e mahakí. Naʻá Ne hiki hake kinautolu mo fakafiemālieʻi ʻa kinautolu ne feohi mo Iá. Te tau lava foki ʻo fai e meʻa tatau ʻaki hono vahevahe ʻa e ngaahi maʻuʻanga tokoni ʻa e Siasí ke feau e ngaahi fiemaʻu fakatuʻasino mo fakalaumālie ʻa e kakaí he ʻahó ni.
Ngaahi Maʻuʻanga Tokoni ʻa e Siasí
ʻOku fakalele ʻe he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻa e ngaahi maʻuʻanga tokoni ko ʻeni ʻoku fakatefito ʻi he tuí. ʻOku mau talitali lelei ʻa e tokotaha mei he tui fakalotu takitaha ke kau mai. Tuku ke tau tupulaki, fehokotaki mo feakoʻaki fakataha.
EnglishConnect
Fakatupulaki hoʻo taukei ʻi he lea Faka-Pilitāniá ʻi hoʻo ako mo fakaangaanga ʻi ha kulupu fepōtalanoaʻaki longomoʻui.
Ivi Matuʻuaki Fakaelotó
Ako e ngaahi taukei ngāue ke levaʻi ʻaki e ngaahi pole ʻo e moʻuí mo lehilehiʻi hoʻo moʻui lelei fakaelotó.
BYU–Pathway Fakaemāmani Lahí
Feinga ke maʻu ha tohi fakamoʻoni ako mo e lavameʻa associate mo ha mataʻitohi bachelor ʻi he ʻinitanetí ʻi ha totongi fakaʻatuʻi.
FamilySearch
Maʻu taʻetotongi ha ʻū lekooti ʻe laupiliona ke faʻu ʻaki ho ʻakau fakafāmilí mo kumi hoʻo ngaahi kuí
ʻInisititiuti maʻá e Kakai Lalahi kei Talavoú
Kau ki ha ngaahi kalasi, ako, mo ha ngaahi ʻekitivitī ʻoku fakatefito ʻia Sīsū Kalaisi ke tokoni atu ke tataki hoʻo tupulaki fakalaumālié mo e fakatuʻasinó.
Ngaahi Kalasi Semineli maʻá e Toʻu Tupú
Fakamālohia hoʻo fakavaʻe ki ha ako fakalaumālie ʻi he toenga ʻo e moʻuí mo e fakalakalaka fakatātutahá ʻaki hoʻo fekumi ʻi he ngaahi akonaki ʻa Sīsū Kalaisí.
Fakaakeake mei he Maʻunimaá
ʻAlu ki ha fakataha ʻo ha kulupu tokoni ʻoku fakatahaʻi ai ʻa e ngaahi sitepu fakaakeake kuo fakamoʻoniʻi ʻoku ʻaongá, mo e tui ki he ʻOtuá.
Ngaahi Meʻa Fakapaʻanga Fakatāutahá
Ako ke faʻu mo muimui ki ha patiseti, taʻofi ʻa e fakamoʻuá, mo fakahū paʻanga fakapotopoto.
Ko Hono Kamata mo Hono Fakatupulaki ʻEku Pisinisí
Ako ke feau e ngaahi fiemaʻu ʻa e kau kasitomaá, faʻu ha ngaahi founga fakamāketi, mo tauhi hoʻo ngaahi lekōtí.
Kumi ha Ngāue Lelei Ange
Ako ke hā makehe ki he kau pule ngāué, fakatupulaki ha taukei ʻi he kumi ngāué, fengāueʻaki mo e niʻihi kehé, mo e teuteu ki ha ngaahi ʻinitaviu.
Ako ki ha Ngāue Lelei Ange
Ako ke fekumi, faʻu, mo fakaʻaliʻali ʻa e akó mo e ngaahi palani ngāue maʻuʻanga moʻuí.
Tokoni ki he Moʻuí
Ngaahi maʻuʻanga moʻui ki he ngaahi pole ʻi he moʻuí hangē ko e ngaohikoviá, ohi fānaú, pekiá, faingataʻaʻia fakaesinó, tauhi fānaú, ponokālafí, taonakití, mo e ngaahi meʻa lahi.
JustServe
Kumi ha ngaahi faingamālie ngāue tokoni fakalotofonua ʻoku fenāpasi mo hoʻo ngaahi manakó mo e taukeí.
Ngaahi ʻAkauni Mītia Fakasōsiale Fakaʻofisiale ʻa e Siasí
Ko e maʻuʻanga tokoni ʻe taha te ke lava ʻo vahevahe, ko e ngaahi sēnolo mītia fakasōsiale ʻa e Siasí. ʻI hoʻo muimui ki aí, te ke maʻu mo vahevahe faingofua e ngaahi pōpoaki ʻo e ʻamanaki leleí, melinó, mālohingá, mo e ʻofá ki he fāmilí mo e ngaahi kaungāmeʻá. ʻOku ʻi ai ha lisi ʻa e Siasí ki he “Ngaahi ʻAkauni Mītia Fakasōsiale Fakaʻofisiale ʻa e Siasí maʻá e Kau Taki ʻo e Siasí mo e Ngaahi Kulupú.” ʻE lava ke ueʻi ʻe he ngaahi post mei he ngaahi ʻakauni ko ʻení, ke ʻunuʻunu ofi ange ai ʻa e kakaí kia Sīsū Kalaisi mo fakalahi ʻenau tokanga ke hū ki ha vā fetuʻutaki ʻo e fuakava mo Iá.
Founga ke Vahevahe ai ʻa e fakakaukaú ʻi he Mītia Fakasōsialé
ʻI hoʻo vahevahe ʻa e fakamatala fekauʻaki mo e Siasí ʻi hoʻo ʻakauni mītia fakasōsialé:
-
Fakakaukau ke post ha ngaahi fakakaukau ʻokú ke maʻu ʻi hoʻo ʻalu ki he lotú, lotua ha fakahinohinó, pe ko e lau ʻo e folofolá, ʻi hoʻo ʻakauni mītia fakasōsiale fakatāutahá.
-
Fakahaaʻi hoʻo houngaʻia ʻi he ngaahi tāpuaki ʻa e ʻOtuá pea mo e mālohi faifakamoʻui ʻa Sīsū Kalaisí.
-
Vahevahe ha post mei ha ʻakauni ʻo e Siasí. Tuku ha fakakaukau fakataautaha mo ha fakaafe, pe fakakaukau ke fai ha fehuʻi tauʻatāina fekauʻaki mo e tuí.
-
Vahevahe pe post ha meʻa kuó ke ako ʻi ha kalasi moʻui fakafalala pē kiate kita, kalasi ʻinisititiuti, pe kalasi EnglishConnect, pea fakaafeʻi hoʻo ngaahi kaungāmeʻá ke mou haʻu fakataha.