Fakahinohino Vave ki he Kamatá

1. Ako ʻa e talateu ki he Tohi Lēsoni ʻa e Faiako Seminelí. ʻAi ke ke maheni mo ha niʻihi ʻo e ngaahi meʻangāue ʻoku fakakau ʻi he tohi lēsoní, hangē ko e Kaveinga ʻo e Seminelí mo e ʻInisititiuti Fakalotú (S&I).

2. Maʻu ha fakahinohino ki he vave hono akoʻí mei hoʻo kouʻotineita S&I pe pule ʻo e polokalamá ki hoʻo taimi-tēpile fakalotofonua ki he seminelí.

3. Fakaʻaongaʻi ʻa e fakahinohino ko ʻeni ki he vave hono akoʻí ke ʻiloʻi ʻa e lēsoni hoko te ke akoʻí.

ʻOku fokotuʻutuʻu ʻa e tohi lēsoni ko ʻení ki ha konga lalahi ʻe ua:

1. Ngaahi lēsoni ʻo e Kalasi Folofolá, ʻa ia ʻoku fekauʻaki mo e naunau ako ʻo e Haʻu, ʻo Muimui ʻIate Aú ki he uike takitaha.

2. Ngaahi lēsoni Teuteu ki he Moʻuí, ʻa ia ʻoku fakataumuʻa ke tokoni ki he kau akó ke nau teuteu ki he ngaahi tūkunga faingataʻa ʻoku nau lolotonga fehangahangai mo iá pe te nau fehangahangai mo ia ʻi he kahaʻú.

ʻOku ʻi ai ha vakai fakalūkufua ʻi he uike takitaha ʻo e Haʻu, ʻo Muimui ʻIate Aú mo e konga ʻo e Teuteu ki he Moʻuí. ‘Oku kau ʻi he vakai fakalūkufuá ʻa e:

1. Ngaahi taumuʻa ʻo e lēsoní.

2. Ngaahi fakakaukau ki he teuteu ʻa e tokotaha akó.

3. Naunau mei he lēsoní ʻe ala fiemaʻu ki ai ha fanongonongo kimuʻa ke teuteu, hangē ko e ngaahi fakakaukau ki he lēsoni fakataumuʻá, ʻū laʻipepa tufa, ʻīmisi, mo e ngaahi vitiō kuo fokotuʻu atú.

ʻE lava ke muimui ha kalasi semineli angamaheni ki ha ʻasenita hangē ko ʻení:

1. Talitali lelei ʻa e kau akó (miniti ʻe 2–3)

2. Fakataha lotu (miniti ʻe 8–10)

   1. Himi

   2. Fua lotu

   3. Poupou fakalaumālie mei ha tokotaha ako pe fakamanatu ʻa e fakataukei fakatokāteliné

3. Lēsoni

4. Lotu tuku

Te ke maʻu ha ngaahi faingamālie ʻi he kahaʻú ki ha ako lahi ange. ʻI he taimi ní, feinga ke ke maheni mo hoʻo kau akó pea ʻai ke ke maheni mo e naunau fakalēsoní.