O Lo’u Ala o Feagaiga

Afio mai i le aiga o Le Ekalesia a Iesu Keriso o le Au Paia o Aso e Gata Ai! O loo e i ai i se ala o le a aumaia ai ia te oe le tele o aafiaga fou. I le avea ai ma ou uso ma tuafafine, ma o ni au uo, matou te mananao e fesoasoani ia te oe e savali i lenei ala ina ia e tumau ai i le taula i lou faatuatua ia Iesu Keriso ma lagona le i ai i se aiga i le Ekalesia.

Matou te iloa o le mulimuli i le ala o le feagaiga a le Alii o le a tulaga ese ia te oe, ae o se vaega amata ua matou lisiina iinei ni aafiaga autu e te ono maua. Afai o oe o se tagata fou o le ekalesia, e mafai ona e maua toetoe lava o aafiaga uma o loo lisiina i lenei taiala i totonu o le tasi le tausaga talu lou papatisoga ma le faamauga. O le mauaina o lou faaeega paia ma le faamauina i lou aiga e mafai ona tupu i le amataga o lou tausaga lona lua o lou auai.

Afai ua silia ma le tausaga talu ona avea oe ma se tagata o le ekalesia, e mafai ona e olioli i nei aafiaga uma i le taimi lava e te saunia ai. Atonu ua uma ona e maua nisi o nei aafiaga; afai o lea, o le taiala lenei o le a fesoasoani ia te oe e faaleleia ai mea o loo e faia i le taimi nei. Manatua, o le faatulagaga ma le saoasaoa e te mulimuli ai e tatau ona faavae i ou tulaga taitoatasi, saunia, ma le manao.

A o e iloiloina lenei taiala, o le a e iloa ai o faamatalaga taitasi o aafiaga e aofia ai aitema faatino ma se lisi o punaoa e mafai ona e suesueina. O nei aitema ma punaoa faatino e mafai ona fesoasoani tele ia te oe a o e agai i luma i lou ala.

Tatou amata!