“Ang Akong Dalan sa Pakigsaad,” Ang Akong Dalan sa Pakigsaad (2020)
“Ang Akong Dalan sa Pakigsaad,” Ang Akong Dalan sa Pakigsaad
Ang Akong Dalan sa Pakigsaad
Welcome sa Ang Simbahan ni Jesukristo sa mga Santos sa Ulahing mga Adlaw! Ikaw anaa sa dalan nga makahatag nimo og daghang bag-o nga mga kasinatian. Isip imong mga igsoong babaye ug lalaki, ug isip imong mga higala, gusto kami nga motabang kanimo nga maglakaw niini nga dalan aron nga ikaw magpabilin nga malig-on ang imong hugot nga pagtuo ni Jesukristo ug mobati nga komportable diha sa Simbahan.
Nasayod kami nga ang pagsunod sa dalan sa pakigsaad sa Ginoo talagsaon nganha kanimo, apan isip pagsugod gilista namo ang importante nga mga kasinatian nga tingali imong masinati. Kon ikaw usa ka bag-o nga miyembro, maangkon nimo hapit ang tanang kasinatian nga nalista niini nga giya sulod sa usa ka tuig sa imong bunyag ug kompirmasyon. Ang pagdawat sa imong pagtuga ug maselyo ngadto sa imong pamilya mahimong mahitabo sayo sa imong ikaduhang tuig sa pagkamiyembro.
Kon ikaw namiyembro na og sobra sa usa ka tuig, matagamtaman nimo kining tanang kasinatian kon ikaw andam na. Tingali nagsugod na ikaw sa pagsinati sa pipila niini nga kasinatian, kon mao, kini nga giya makatabang nimo sa pagpanindot sa unsay imong gihimo karon. Hinumdomi, ang han-ay ug ang lakang nga imong sundon kinahanglan nga ibase sa imong indibidwal nga mga sirkumstansiya, pagkaandam, ug tinguha.
Samtang imong suhiron kini nga giya, makita nimo nga ang matag deskripsiyon sa kasinatian naglakip og mga butang nga buhatonon ug sa naka-bullet nga lista sa mga kapanguhaan nga mahimo nimong tun-an. Kining mga butang nga buhatonon ug mga kapanguhaan makatabang kaayo kanimo samtang ikaw magpadayon sa imong dalan.
Sugdan nato!
Ngadto sa tigpangalagad nga mga igsoong lalaki ug babae ug sa mga misyonaryo:
Ang inyong tahas sa pagtabang sa bag-o o mibalik nga mga miyembro sa Simbahan yano apan importante kaayo. Ang inyong labing importante nga oportunidad mao ang pagkahimo nila nga tinuod nga higala. Mahimo usab ikaw nga usa ka mentor ug giya ngadto kanila atol sa unang duha ka tuig sa pagkamiyembro.
Kini nga kapanguhaan makatabang kanimo niining importante nga tahas. Basaha tagsa-tagsa ang matag kasinatian niini nga kapanguhaan kauban sa bag-o o mibalik nga mga miyembro, ug tabangi sila sa pagkompleto sa mga buhatonon. Alang sa mga buhatonon nga nagsugod og “Pagkat-on mahitungod,” imong rebyohon ug hisgotan ang mga kapanguhaan nga nalista kauban sa bag-o o mibalik nga miyembro. Buhata ang tanan nga imong mahimo sa pagtabang kaniya nga mobati sa gugma sa Dios, mobati sa imong gugma, ug magpabilin diha sa dalan sa pakigsaad.