Kalelapak Kan ohng Irail me Men Wiahla Misineri
Pisop kan oh preseden en steik kan luhkada en “kalelapakih irail ni loal, ni ngehn ropirop, oh ni kamarain” rehn emen emen me men wiahla misineri sang ni ahr doadoahngki peidek kan pah (kilang Pwuhk en Kaweid Doadoahk, 24.4.2).
-
Mie ahmw pwoson reh oh kadehdepen Koht Sahm Soutuko; Sapwellime Iehroso, Sises Krais; oh Ngehn Sarawio?
-
Mie ahmw kadehde en Sapellimen Krais Tomwpen Dihp oh Eh ketin wia Sounkomour oh Soundor?
Menlahu ehukiong ie ahmw kadehde. Ia mwomwen tomwpen Sises Krais eh sewesehda omw mour?
-
Mie omw kadehde en Kopwurupwurdohn rongamwahu en Sises Krais oh mehlelpen Pwuhk en Mormon?
Ia mwomwen omw wehwehki kopwurupwurdohn rongamwahu en Sises Krais oh omw onopiki duwen Pwuhk en Mormon eh kalaudehla omw ehu ohng Sises Krais?
-
Komw utung Preseden en Mwomwohdiso en Sises Krais en Souleng en Imwin Rahn-akan me wia soukohp, ohl sarawi, oh sounkihla kaudial oh ihte ih aramas pohn sampah me kolokol oh ahneki mweimwei en doadoahngki kih koaros en prihsduhd?
Komw utung irail kan me towe Presedensi Keieu oh Pwihn en Wahnparon Ehk-riemen ko me irail wia soukohp kei, ohl sarawi kei, oh sounkihla kaudial kei?
Komw utung irail teikan me pil iang wia Kaun Lapalap en Mwomwohdisoht oh irail kan me kakaun Mwomwohdisoht nan sahpwomw?
-
Kauno mahsaniher me mehkoaros pahn kin “wiawi ni mwakelekel” mwohn Silahngi (Padahk oh Inou kan 42:41).
Dahme kahrehda nannantihong mwakelekel mwohn Koht iangahki soikala kilel oh kasdo suwed kan?
Sang ni pein omw wehwe, ia wehwehn momourki kosonned en mour mwakelekel?
Komw kin nantihong en ahneki lamalam oh wiewia mwakelekel?
Komw kin momourki kosonned en mour mwakelekel?
-
Komw kin idawehn padahng kan en Mwomwohdiso en Sises Krais nan ahmw mour oh nan ahmw wiewia rehn tohn ahmw peneinei oh mehteikan?
-
Komw kin utung de pwungki sohte lipilipil padahk, wiewia kan, de koasoandi kan me uhong Mwomwohdiso en Sises Krais en Souleng en Imwin Rahn-akan?
-
Komw kin nantiong wauneki Rahn en Sapad, ni imwomwi oh ni imwen kaudek; iang mihting kan; kaunopohng oh warohng ale kamadipw sarawi; oh momourki mour me wauneki kosonned oh koasoandi kan en rongamwahuo?
-
Komw kin nantiong en kin mehlel nan mehkoaros me komw kin wia?
-
Komw kin pwapwain meirong en eisek-kis-ehu (Daiding) ni unsek?
-
Sang ni ohmw wehwe, ia wehwehn ahmw kin momourki Mahsen en Eripit?
Komw kin peikiong Mahsen en Eripit?
-
Ni omw wia misineri mehlel men ke pahn idawehn koasoandi pwukat me kita apwtehn koasoaia pene?
-
(Komw en kihsang peidek wet ni omwi pahn kapeidek towe men me sohte endauhla.) Komw kin kolokol inou kan me komw wiadahr nan tehnpas sarawi?
-
(Komw en kihsang peidek wet ni omwi pahn kapeidek towe men me sohte endauhla.) Komw kin wauneki omwi karmend sarawi ni omwi pahn likawihki nin duwen kawehwehu nan tiahk sarawi en inisadori? (Wadek lepin lokaia “Likilikawih Karmend”, me iang pah, ong toweh kan koaros.)
-
Ia wehwehn kouluhla ohng uhk, iangahki wehkada dihp toutou ohng kaun en prihsduhd men?
Mie dihp toutou nan omwi mour me anahne en kanseno ong prishduhd kan pwehn wia kisehn omwi koluhla?
-
Ni omw madamadau, komw warohng en wiliandi Sises Krais oh Sapwellime Mwomwohdiso kopwuropwurdo ni misineri men?
Likawih Karmend en Tehnpas Sarawi
“Karmend en prihsduhd sarawio kin katamandohng kitail kahdeng en nan tehnpas sarawi, oh kahdengo wia kilelepen Sises Krais. Ni omw kin likawiada karmendo, ke kin likawiada kilel sarawi en Sises Krais. Liklikawih karmendo wia mehn kasansal en omw inou en kin idahwen Ih. Karmend wia ehu kasalepen amw inou kan nan tehnpas sarawi. Ke anahne likawih karmend ni rahn oh ni pwohng sang ni omw mour pwon. Ahnsou me e anahne kohkihsang soangen kamwekid kei me sohte kak wiawi ahnsou me ke likawihki karmend, ken mwadangete kapwurehiong mwuri. Ni ahmw kin kolokol ahmw inou kan, iangahki ahmw ansou mwahu en likouki karmend nin duwen kaweid nan tiahk en inisadori, ke pahn alehdi Sapwellimen Sounkomouro kalahngan laud, silasil, kehl, oh manaman” (Pwuhk en Kaweid Doadoahk, 26.3.3.2).