Berrotel Ker el mo er Ngike el Melatk el mo Misionari

A rebisop me a remerredel a stake a kirir el kmal mo “kerkikl, el mo ungil loker, a chedaol, e melisiich a reng el ker” er a bek el chad el semeriar el mo misionari lousbech aikakid el ker (mesa General Handbook, 24.4.2).

1. Ngar er ngii a klaumera er kau er a Dios, el Diak a Ulebengelel Chedam; me a Ngelekel, el Jesus Kristo; me a Chedaol Reng?

2. Ngar er ngii a klaumera er kau er a Tngakireng er a Jesus Kristo me a Urerel el Osobelem e Olsobel?

   Kulengit me mouchais er a klaumera er kau lobengkek. Ngera ng mla rulii er a klengar kau a Tngakireng er a Jesus Kristo?

3. Ngar er ngii a klaumera er kau er a Olutel ebangkelio er a Jesus Kristo me a klemra el kirel a Babier er a Mormon?

   Ng mekera klemedengei er kau er a mla moluut el ebangkelio er a Jesus Kristo me a omesubem er a Babier er a Mormon e mla osichii a deleuill er a kau lobengkel a Jesus Kristo?

4. Ke oldubech er a Merredel er a Ikelesia er a Jesus Kristo er a Uriul-klebesei el Santo el profet, chad er a ues, me a ocholt e di chimo el chad el nga er a beluulechad loba ngerachel el kirel a ike el rokui el kiis er a priesthood?

   Ke oldubech er a rechedal a First Presidency me a Chelechad er a Teruich me a terung el Apostol el profet, rechad er a ues, me a ocholt?

   Ke oldubech er a rebebil er a General Authorities me a roungerachel er a Ikelesia er a basio el mngar ngii?

5. A Rubak a mla dmu el kmo a rokui el tekoi a mo keldmokl e beches er Medal Doctrine and Covenants 42:41).

   Ngera uchul e a dolasm el mengikiid er kid er medal a Dios a uldimukl er ngii a diak osengel a mekngit el siasing er a deleboes?

   Sel kuk di klemedengei er kau, e ngera belkul sel doltirakl er a llach er a klikiid er a deleboes?

   Kau ke melasm el mo klikiid a uldesuem me a omerellem?

   Kau ke oltirakl er a llach el kirel a klikiid er a tekoi er a deleboes?

6. Ke oltirakl a osisecheklel a Ikelesia er a Jesus Kristo sel dil kau me a teletelem er a buai me a obengterir a telungalek er kau me a rebebil?

7. Kau ke oldubech malechub ke ouchais a ngii di el osisechakl, omeruul, malechub eng tekoi el ngii omtok a ikel ngara Ikelesia er a Jesus Kristo er a Uriul-klebesei el Santo?

8. Kau ke melasm el mengull er a Chedaol sils, sel om ngara blim me a Ikelesia; e mora rokui el miting; keldmokl el mo melai er a sakrament; e mesmechokl er a klengar kau el oltirakl a llechul ebangkelio?

9. Kau ke melasm el bleketakl er ikel rokui el omoruul?

10. Kau ke mui el harau ongeltacher?

11. Sel kuk di klemedengei er kau, e ngera belkul a oltirakl er a Llach er a Ulekerreuil a Bedenged?

    Ke mo oltirakl er a Llach el kirel a Ulekerreuil a Bedenged?

12. Kau el mo misionari ng sebechem el mo oltirakl aika el llach el bla desaod?

13. (Tial ker a diak moker ngii a lsekum a chad a direkak el ngai a klengeltengat er a templo.) Ke oltirakl a telbiil el bla mruul er a chelsel a templo?

14. (Tial ker a diak moker ngii a lsekum a chad a direkak el ngai a klengeltengat er a templo.) Ke mengull er a chedaol techall loubail a garment loltirakl a mildu er kau er a chelsel a templo? (Mchiuii sel “Oubail a Garment er a Templo” el ngii, a beldukl er iou, el mo er a bek el chedal a ikelesia).

15. Ngera belkul er kau a ouchel reng, luldimukl er a kombesar a oberaod el klengit el mo er a remerredel loba priesthood?

    Ngarngii a oberaod el klengit er a klengar er kau el ngii a kirel mo mesmechokl lobengterir a remerredel loba priesthood el telengtengil a ouchel reng el kirem?

16. Omomdasou e ke klikiid el mo omtechei er a Jesus Kristo me a mla moluut el Ikelesia er Ngii el misionari?