Kapaseisen Interfiu fan iten Ekkewe repwe Misineri
Pisop me presetenin steik ra ketiw ar repwe “fori interfiu repwe unusoch, me epinukunukoch, me ourouroch” ren emon me emon ekkewe ra mochen repwe misineri ren ar aea ekkewe kapaseis mi tettenitiw (nengeni Pukenapen Emwen, 24.4.2).
-
Mi wor om nuku non me eu kapasen pwäratä usun Kot ewe Sam mi Napanap; Noun we At, Jises Kraist; me ewe Ngun mi Fel?
-
A wor om kapasen pwäratä usun ewe Achasefan an Jises Kraist me usun Wisan pwe I om Chon Amanau me Chon Angasano?
Kose mochen apasa om kapasen pwarata ngeniei. Ifa usun ewe Achasefan an Jises Kraist a siwini manauom?
-
A wor om kapasen pwäratä usun ewe Niwinsefaniton ewe kapas allimen Jises Kraist me ewe ennetin ewe Puken Mormon?
Ifa usun om weweiti usun ewe niwinsefaniton ewe kapas allimen Jises Kraist me om kaeo ewe Puken Mormon a apochokunano nefinom ngeni Jises Kraist?
-
En mi etiwa ewe Presetenin Ewe Mwichefenin Jises Kraist ren Aramas mi Pin non Fansoun Soponon pwe i ewe soufos, chon osini, me chon pwäratä me i ewe emon chok aramas won fonufan a mwumwuta ne aea meinisin ekkewe kien pristut?
En mi etiwa chon ewe Aewin Presetensi me ewe Mwichen Engon me Ruemon Aposel pwe ir soufos, chon osini, me chon pwäratä?
En mi etiwa ekkewe pwan ekkoch Meinap Unus me ekkewe souemwenin ewe Mwichefen non pwisin neniom?
-
Ewe Samon a apasa pwe mettoch meinisin repwe fis non nimenimoch me mwen I (Doctrine and Covenants 42:41).
Pwata om achocho ngeni nimenimoch me mwen Kot mi pachenong om kopwe emonungaw seni sasing mi ngaw?
Seni om weweiti, met wewen ne apwonueta ewe annukun nimenimoch?
En mi achocho ngeni an epwe wor nimenimoch mi pung non om ekiek me mwokutukut?
En mi anneasochisi ewe annukun nimenimoch?
-
En mi tapweno mwirin ekkewe asukunen Ewe Mwichefenin Jises Kraist non om mwokututuk mi monomon me pwano ngeni chon om famini me ekkoch?
-
En mi etiwa ika pesei och afanafan, foffor, ika annuk mi ungeni ekkewe chon ewe Mwichefenin Jises Kraist ren Aramas mi Pin non Fansoun Soponon?
-
En mi achocho ne epini ewe ranin Sabbath, non imw me non fan; fiti om kewe mwich; mwoneta ngeni me angei ewe sakrament non minenimoch; me manaueni manauom epwe fich ngeni ekkewe annukun ewe kapas allim?
-
En mi achocho kopwe wenechar non mettoch meinisin en mi fori?
-
En mi chon monatiw unusen eu ne engon?
-
Seni om weweiti, met wewen ne apwonueta ewe annukun nimenimoch?
En mi aneasosichi ewe Kapasen Emirit?
-
Usun emon misineri kopwe manau anongonong won ekkei nongonong sia porous usun?
-
(Ei kapaseis a ketiweu nupwen interfuni emon chon ewe Mwichefen ese endow.) En mi apwonueta ekkewe pwon mi pin ka fori me non ewe tempel?
-
(Ei kapaseis a ketiweu nupwen interfuni emon chon ewe Mwichefen ese endow.) En mi osufonu om tufich mi pin om kopwe ufouf ewe uf mi pin ussun mi affat me non ewe angangepinin initiatory? (Anneani ewe mak “Ufouf ewe Ufoufen non Tempel mi Pin” mi pachenong fan, ngeni emon me emon chon ewe mwichefen).
-
Met wewen ngonuk om kopwe aier, mi pachenong pwarata ennetin tipis ngeni nouwisen pristut?
Mi wor tipis mi anieput non manauom mi auchea an epwe wesino me ren souemwinin pristut pwe pekin om aier?
-
En mi ekieki pwe ka nimenimoch ne tupuni Jises Kraist me An ewe kapas allim mi niwinsefanito usun emon misineri?
Ufouf ewe Ufoufen non Tempel
“Ewe garmen ren ewe pristut mi pin a achema ngeni kich ewe pwonupon non ewe tempel, me ena pwonupon a esisinata Jises Kraist. Nupwen ka ufoufeta ufom garmen, ka wata wom ew esisinen Jises Kraist mi pin. Ufoufan ina ew anen om pwarano ussun om mochen fori seni non netipom om kopwe tapweno mwirin. Ewe garmen pwan ina ew achechemen om kewe pwon mi pin non tempel. Kopwe ufouf ewe garmen neran me nepwin non unusesn manauom. Ika pwe epwe pwinititiw ren urumot ewe ese weweoch an epwe fis nupwen om ufouf ewe garmen, kutta om kopwe mwitir ne ufouf sefan. Nupwen ka apwonueta om kewe pwon mi pin, pachenong ewe tufich mi pin ne ufouf ewe garmen ussun mi awewetiw non kewe amwonetan angangepin non ewe initiatory, epwe wor om watten anemecheres ngeni an ewe Chon Amanau umoumoch, tumun, pochokun, me manaman” (Pukenapen Emwen, 26.3.3.2