Olsisechakl, Omesuub, e Oltirakl a Klumech er a Klou el Ongdibel

A ikal beldukl el ker a sebechel mo ngosuterir a re sensei sel longedmokl el mo ousbech e lolsisechakl a klumech el ngara klou el ongdibel. Al ousbech, a resensei me a oungerachel er a chelchad er a remeklou el sechal me a Cheldebechel er a Rolngeseu a chedcheduch e omdasu el kirel aikal ker.

• Ngera uchul e a chelechad er a remeklou el sechal me a Cheldebechel er a Rolngeseu a ngileltii tial klumech el mo soadel? Ngera sorir al bol subii e kutmeklii a rechedal a Ikelesia sel bol merek el chelcheduch el kirel tial klumech?

• Ngera ikel soal ngkel mengedecheduch a bo lungil medengei a rechedal a ikelesia? Ngera el subel er a ebangkelio a lolisechakl? Ng mekerang e a aikal osisechakl a bo lousbech a Remeklou el Sechal me a Cheldebechel er a Rolngeseu er ngak?

• Ngera el bades er a chedaol llechukl a lulesbech ngkel mengedecheduch loldubech a klemechel? Ngarngii a lmuut el bebil er a bades el sebechir a rechedad el chemuiu el ngii a mo dochel a klemedengei er tir? (Keleng sebechem el metik a bebil el ngara endnote er a klumech malechub a Topical Guide [scriptures.ChurchofJesusChrist.org].)

• Ngera el ker a sebechek longer el ngii a mo ngosuterir a rechad el momdasu e oltirakl ikal osisechakl er a chelsel tial klumech? Ngera el ker a mo ngosuterir el mesa ulsbechellel a ikal osisechakl er a klengar er tir, chelsel a telungalek er tir, me a chelsel a urerel a Rubak?

• Ngera a sebechek el rulii el nguu a Chedaol Reng el mera miting er kemam? Ngera ikel sebechek lousbech el mo dochelir el moungil a losaod, uldimukl a cheldecheduch, mengaisisiu a tekoi, chelitakl, me a sunga? Ng milkera milngedcheduch ra lolngeseu er a rechad el mo ungil medengelii a tekingel?

• Ngkel mengedecheduch ng mlo odars a ngiidi el ongit? Ng mekera a kulngeseu er a rechad el momelchesiu er a klemeriar reng el mo meruul a ikal ongit?

Ng kmal betok a teletael el ngii a mo ngosuterir a rechad el suub e oltirakl a klumech el ngara klou el ongdibel. A ikakid a bebil ra okesiu; ng kel olsisechakl a locha olab a bebil ra uldasu el ngii a oureor er a quorum malchebub a Relief Society el omngarngii.

• Ousbech a klemerang er a klengar er a kid. Molengit er a rechad el mo omes er a klumech er a ongdibel e osiik a klemerang el sebechel ngosuterir el kutmokl aikel ureor el Dois a milsa tal chad malchub eng Chelechad er a Remeklou el Sechal me a Cheldebechel er a Rolngeseu. El di ua tiang, ngera dosuub el sebechel ngosukid er a ngercheled? el chedam me a chedil? chedal a ikelesia el misionari? Ng mekera tial klumech a bol besiuellii a udesued, rengud, me a doruul?

• Moldekdad er a rechad el mo mesaod. Momii el mo dersesei a rechad el dmak, e besterir a kakerous el bliongel er a klumech er a ongibel el bo longuiu e mesaod. E olengit er tir me bo louchais aikel klemerang el biltik e mekera lousbech. Malechub eng sebechem loldekdak er a rechad el milsuub a kakerous el blingelel tial klumech e mesterir a techall el chedcheduch el kirel aikel biltik.

• Mosiik a a nger el mora ker. Molengit er a rechad me bo longer a ker el uaikal beldukl el kirel a klumech er a ongdibel: Ngera ikel klemerang er a ebangkelio el de betik er tial klumech. Ng mekera bo dousbech a ikal klemerang? Ngera el ongit me a yaksok er a klengeltengat a mlodars? Tia el klumech ngerang osisecheklid el kirel a urerel a Dios el soal a doruul. Malechub e ke kutmokl a bebil ra ker el ruleterir a rechad el mo ungil lomdasu el kirel tial klumech malechub e te mo oltirakl a klemerang el lolsisechakl. Besterir a techelir a rechad el mo melilt a derta er a ikal ker e bo losiik a nger er a chelsel a klumech.

• Mochais a tekoi er a chelsel a klumech. Molengit er a rechad el mo ouchais a mildung el tekoi el ngara klumech er a ongdibel el ngii a omekrael er tir el mo kudmokl a ngerchelir er a urerel a olsobel me a diak a ulebengelel klengar. Momekduch a rengrir el mo omes el kmo te mekerang bo louchais aikal mildung el tekoi el mo omekngeltengat er a tara chad, uldimukl a rebetik ra rengrir me a rechad loldingel er tir.

• Mouchais er a suobel el ousbech a klalou. Ke di ma kot, e olengit er a rebebil er a rechad el mo ngmai a klalou er a blirir el tir a sebecherir el ousbech el olisechakl er a klumech er a ongdibel. Chelsel a miting, molengit er a rechad el mo smodii el kmo ng mekera ikal klalo a domekesiu er ngii el mora klumech e mekera bo lousbech er a ngii er a klengar er tir.

• Mkedmeklii a suobel el bo lolisechakl er ngii er a blai. Molengit er a rechad el mo dmak a reterung e bo longedmokl er a mo suobel er a ongdibel er a blai loba klumech er a ongdibel. Ng sebecherir el onger a uaikal ker: Ng mekerang a bo doruul aikal klumech el mo klou a ututelel el mora telungalek er a kid? Ng mekera sebeched louchais er tial klumech el mora rechad el doldingel er tir?

• Mouchais a tekoi el blam siseb er ngii. Bom dak el menguiu a bebil er a mildung el tekoi el ngara klumech er a ongdibel. Molengit er a rechad el mouchais a okesiu el ngara chedaol llechukl me a klengar er tir el ngii ochotii malechub eng smisichii a suobel el mlosisechakl er a ikal mildung el tekoi.

• Mosiik a mekedeb el tekoi. Molengit er a rechad me bo losiik el ngara klumech er a ongdibel, e lomes a mekedeb el tekoi el ngii a klou a ultutelel el mo er tir. Molengit er tir me bo louchais a ikal mekedeb el tekoi me a ikel le siluub er ngii. Molngit er tir el mo ouchais el kmo ng mekera aikal osisechakl bol nogsuterir el kudmokl a urelel a Rubak.

A lmuut el bebil ra teletelel a omesuub me a olsisechakl er a klumech er a klou el ongdibel, mesa “}Uldasu er a Omesuub me a Olsisechakl er a Klou el Ongdibel.” (Betir a “Uldasu er a Omesuub” ngar cheungel a “Klou el Ongdebel” er a Gospel Library.)