Ngwino, Unkurikire

Kwigisha, Kwiga no Gushyira mu bikorwa Ubutumwa bwo mu Giterane Rusange

Amahuriro y’abakuru n’Imiryango y’Ihumure bagira uruhare rw’ingenzi mu kazi k’agakiza n’ikuzwa. Mu materaniro yabo yo ku Cyumweru, baganira k’ukuntu bashyira mu bikorwa inyigisho z’ubutumwa buheruka bwo mu giterane rusange mu mihate yabo muri uyu murimo. Ubuyobozi bw’ihuriro ry’abakuru n’ubw’Umuryango w’Ihumure buhitamo ubutumwa bwo mu giterane rusange bwo kwigiramo muri buri teraniro ryo ku Cyumweru, bagendeye ku byo abanyamuryango bakeneye n’ubujyanama buturuka kuri Roho. Rimwe na rimwe, umwepiskopi cyangwa umuyobozi w’urumambo yaba nawe yatanga igitekerezo cy’ubutumwa. Muri rusange, abayobozi bakwiye guhitamo ubutumwa buva ku banyamuryango b’Ubuyobozi bwa Mbere n’Ihuriro ry’lntumwa Cumi n’Ebyiri. Ariko rero, ubutumwa ubwo ari bwo bwose bwo mu giterane rusange giheruka vuba bwaganirwaho.

Abigisha bibanda k’ukuntu bafasha abanyamuryango gushyira mu bikorwa inyigisho zo mu butumwa bw’igiterane rusange mu buzima bwabo. Abayobozi n’abigisha bashaka uburyo bwo gushishikariza abanyamuryango kwiga ubutumwa bwatoranyijwe mbere y’amateraniro.

Ku yandi makuru ku byerekeye amateraniro y’ihuriro ry’abakuru n’ay’Umuryango w’Ihumure, reba General Handbook: Serving in The Church of Jesus Christ of Latter-day Saints, 8.2.1.2, 9.2.1.2, ChurchofJesusChrist.org.

Gutegura Kwigisha

Ibibazo bikurikira bishobora gufasha abigisha uko bategura gukoresha ubutumwa bwo mu giterane rusange mu kwigisha. Nkuko bikenewe, abigisha bajya inama hamwe n’ubuyobozi bw’ihuriro ry’abakuru n’ubw’Umuryango w’Ihumure uko batekereza byimbitse kuri ibi bibazo.

Kubera iki ubuyobozi bw’ihuriro ry’abakuru cyangwa ubw’Umuryango w’Ihumure bahitamo ubu butumwa bwo kuganirwaho? Ni iki biringira ko abanyamuryango bamenya kandi bakora nyuma yo kuganira ubu butumwa?
Ni iki ubwiriza ashaka ko abanyamuryango basobanukirwa? Ni ayahe mahame y’inkuru nziza ari kwigisha? Ni gute aya mahame areba ihuriro ry’abakuru cyangwa Umuryango w’Ihumure wanjye?
Ni ibihe byanditswe bitagatifu ubwiriza yakoresheje kugira ngo ashyigikire ubutumwa bwe? Mbese hari ibindi byanditswe bitagatifu abanyamuryango bashobora gusoma kugira ngo byagure ugusobanukirwa kwabo? (Wabona bimwe mu bisobanuro bisoza by’ubutumwa cyangwa mu Ifashayobora ry’Ibyanditswe bitagatifu [scriptures.ChurchofJesusChrist.org].)
Ni ibihe bibazo nashobora kubaza byafasha abanyamuryango gutekereza byimbitse no gushyira mu bikorwa inyigisho ziri mu butumwa? Ni ibihe bibazo bizabafasha kureba akamaro k’izi nyigisho mu buzima bwabo, mu miryango yabo no mu murimo wa Nyagasani?
Ni iki nshobora gukora kugira ngo nzane Roho mu iteraniro ryacu? Ni iki nashobora gukoresha kugira ngo noze ikiganiro, harimo inkuru, ibigereranyo, umuziki, cyangwa igihangano? Ni iki ubwiriza yakoze kugira ngo afashe abanyamuryango gusobanukirwa ubutumwa bwe?
Mbese ubwiriza yaba yatanze ubutumire ubwo ari bwo bwose? Ni gute nafasha abanyamuryango kwiyumvamo icyifuzo cyo kugira icyo bakora kuri ubwo butumire?

Ibitekerezo by’Igikorwa

Hari uburyo bwinshi abigisha bashobora gufashamo abanyamuryango kwigira no gushyira mu bikorwa ubutumwa bw’igiterane rusange. Dore ingero nkeya; abigisha baba bafite ibindi bitekerezo bizakora neza mu ihuriro ry’abakuru cyangwa Umuryango w’Ihumure.

Dushyire mu bikorwa ukuri mu buzima bwacu. Tumira abanyamuryango gusubiramo ubutumwa bwo mu giterane rusange bashakamo ukuri gushobora kuba kwabafasha gusohoza umurimo w’Imana yabahaye ku giti cyabo cyangwa nk’ihuriro ry’abakuru cyangwa Umuryango w’Ihumure. Nk’urugero, ni iki twiga gishobora kudufasha nk’abafasha? nk’ababyeyi? nk’abanyamuryango b’ababavugabutumwa? Ni gute ubu butumwa bugira uruhare mu bitekerezo, ibyiyumviro, ndetse n’ibikorwa byacu?
Muganirire mu matsinda. Gabanya abanyamuryango mu matsinda mato, ndetse unahe buri tsinda igice gitandukanye cy’ubutumwa bw’igiterane rusange kugira ngo babusome banabuganireho. Noneho usabe buri tsinda gusangiza ukuri babonye n’uko kubareba. Cyangwa ushobora gukora amatsinda agizwe n’abanyamuryango bize ibice bitandukanye by’ubutumwa maze ubareke basangizanye ibyo bize.
Murebe ibisubizo by’ibibazo. Tumira abanyamuryango gusubiza ibibazo nk’ibikurikira byerekeye ubutumwa bw’igiterane: Ni ukuhe kuri kw’inkuru nziza tubona muri ubu butumwa? Ni gute uko kuri twagushyira mu bikorwa? Ni ubuhe butumire n’imigisha yasezeranijwe byatanzwe? Ni iki ubu butumwa butwigisha ku murimo Imana ishaka ko dukora? Cyangwa uzane ibibazo bike bishishikariza abanyamuryango gutekereza byimbitse ku butumwa cyangwa ku gushyira mu bikorwa ukuri bwigisha. Wemerere abanyamuryango gutoranya kimwe muri ibi bibazo no gushaka ibisubizo mu butumwa.
Musangize amagambo yo mu butumwa. Tumira abanyamuryango gusangiza ubutumwa bw’igiterane bubahumekamo kuzuza inshingano zabo mu murimo w’agakiza n’ikuzwa. Bashishikarize kuzirikana uko bashobora gusangiza ayo magambo kugira ngo bagire uwo bahesha umugisha, harimo abo bakunda n’abantu bafasha.
Musangize isomo ry’ikintu gifatika. Mbere y’igihe, tumira abanyamuryango bake kugira ngo bazane ibintu bakuye mu rugo bashobora gukoresha bigisha ibyerekeye ubutumwa bw’igiterane. Mu iteraniro, saba abanyamuryango gusobanura uko ibyo bintu bifitanye isano n’ubutumwa kandi n’uko ubutumwa bureba ubuzima bwabo.
Tegura isomo ryo kwigisha mu rugo. Saba abanyamuryango gukorana ari babiri babiri kugira ngo bategure isomo ry’umugoroba w’umuryango mu rugo rishingiye ku butumwa bw’igiterane. Bashobora gusubiza ibibazo nk’ibi: Ni gute twashobora gutuma ubutumwa bugira akamaro ku miryango yacu? Ni gute twashobora gusangiza ubu butumwa abantu dufasha?
Sangiza ubunararibonye. Musomere hamwe amagambo yavuzwe n’abandi avuye mu butumwa bw’igiterane. Saba abanyamuryango gusangiza ingero ziva mu byanditswe bitagatifu n’izo mu buzima bwabo zigaragaza cyangwa zishimangira inyigisho zigishijwe muri aya magambo.
Shaka imvugo. Tumira abanyamuryango gushaka ubutumwa bw’igiterane bashaka imvugo z’ingirakamaro kuri bo. Basabe gusangiza imvugo n’ibyo bazigiramo. Basabe gusangiza ukuntu izi nyigisho zidufasha gusohoza umurimo wa Nyagasani.

Ku bindi bitekerezo byinshi k’ukuntu biga ndetse bakigisha ubutumwa bw’igiterane rusange, reba “Ibitekerezo byo Kwiga no Kwigisha biva mu Giterane Rusange.” (Kanda “Ibitekerezo byo kwiga” mu “Giterane Rusange” mu Isomero ry’Inkuru nziza.)