Erekyerɛkyerɛ, Irusũa, na Edze Amandzɛɛbɔ Nsɛm a ofi Wiadze Mfɛndzanan Ehyiadzi Robɔ Bra

Nsɛmbisa a odzi do yinom no botum aboa akyerɛkyerɛfo ber a wɔyɛ nhyehyɛɛ dɛ wɔdze wiadze mfɛndzanan ehyiadzi mu amandzɛɛbɔ nsɛm no mu bi bɛkyerɛ adze. Dɛ mbrɛ obehia no, akyerɛkyerɛfo nye elderfo quorum anaa Relief Society presidencyfo bɔ mu fa adwen ber a wɔdwendwen dɛm nsɛmbisa yinom ho.

• Ebɛnadze ntsi na elderfo quorum anaa Relief Society presidencyfo faa dɛm amandzɛɛbɔ asɛm yi dɛ yɛmpɛnsampɛnsam mu? Ebɛnadze na ɔyɛ hɔn enyisom dɛ asɔrmba no bohu na wɔayɛ wɔ adzesũa no n’ewiei.

• Ebɛnadze na onyia no a ɔkasaa no pɛ dɛ asɔrmba nya ho ntseasee? Ebɛn asɛmpa fapem horow na ɔrekyerɛkyerɛ? Osi dɛn na fapem horow yi fa me elderfo quorum anaa Relief Societyfo ho?

• Ebɛn kyerɛwsɛm horow na onyia no a ɔkasa no dze si n’amandzɛɛbɔ nsɛm no tadua? Ana kyerɛwsɛm binom wɔ hɔ a asɔrmba botum akenkan a ɔbɛma hɔn ntsease a ɔdɔ bun mu ara yie a? (Bia ibotum ehu bi wɔ nsɛnsin a ɔwɔ amandzɛɛbɔ nsɛm no ewiei anaa wɔ Kyerɛwsɛm no Kwankyerɛ mu [scriptures.ChurchofJesusChrist.org].)

• Ebɛn nsɛmbisa na mubotum ebisa a ɔbɔboa kuw mba no ma wɔadwendwen amandzɛɛbɔ nsɛm no ho na wɔdze edzi dwuma? Ebɛn nsɛmbisa na ɔbɔboa hɔn ma woehu nkyerɛkyerɛ yi ho mfaso wɔ hɔn abrabɔ mu, hɔn ebusua ebusua mu, na wɔ Ewuradze n’edwuma mu?

• Ebɛnadze na mubotum ayɛ ama Sunsum no aba hɛn nhyiamu no mu? Ebɛnadze na mubotum ayɛ dze epegya hɛn mpɛnsampɛnsamu no, a abrabɔ mu nsɛm, mfatoho nsɛm, ndwom, anaa nsaano mfonyin kã ho? Ebɛnadze na onyia no a ɔkasaa no yɛɛ ama asɔrmba atse n’amandzɛɛbɔ nsɛm no ase?

• Ana onyia no a ɔkasae no maa nsato binom a? Mibesi dɛn botum bɔboa kuw mba no ma woenya atsenkã dɛ wɔdze nsato no bedzi dwuma?

Akwan ahorow pii wɔ hɔ a akyerɛkyerɛfo dze bɔboa asɔrmba ma woesũa efi wiadze mfɛndzanan ehyiadzi amandzɛɛbɔ nsɛm mu na wɔdze edzi dwuma. Mfahoto kakra binom nye yi; akyerɛkyerɛfo botum enya adwenkyerɛ binom so a obedzi dwuma yie wɔ elderfo quorum anaa Relief Society mu.

• Fa nokwar nsɛm toto hɛn abrabɔ ho. To nsa frɛ asɔrmba ma wɔnkan ehyiadzi amandzɛɛbɔ nsɛm a wɔrohwehwɛ nokwar nsɛm a obotum aboa hɔn ma wɔayɛ Nyame n’edwuma dɛ ankorankor anaa dɛ elderfo quorum anaa Relief Societyfo. Mfatoho, ebɛnadze na yesũa a obotum aboa hɛn dɛ asomfo? dɛ awofo? dɛ asɔrmba asɛmpasomafo? Osi dɛn na dɛm amandzɛɛbɔ nsɛm yi nya nhyɛdo wɔ hɛn adwendwen, atsenkã, na ndzeyɛɛ do?

• Hom nyɛ mpɛnsampɛnsamu ekuw ekuw. Kyekyɛ kuw mba no mu ekuw nkakraba, na ma kuw kor biara ehyiadzi no mu amandzɛɛbɔ nsɛm n’afã bi ma wɔnkenkan na wɔnpɛnsampɛnsam mu. Nkyii bisa kuw kor biara ma wɔnkyɛ nokwar a woehu na mbrɛ wɔdze bɔto hɔn abrabɔ ho. Anaa ibotum afa kuw mba a woesũa amandzɛɛbɔ asɛm no n’afã a ɔsonson no ma wɔahyehyɛ ekuw ekuw na wɔnye hɔn ho akyɛ dza woehu.

• Hwehwɛ nsɛmbisa ho nyiano. To nsa frɛ kuw mba no ma wonyiyi nsɛmbisa a ɔtse dɛ dza odzi do yinom a ɔfa ehyiadzi amandzɛɛbɔ nsɛm no ho no ano: Ebɛn asɛmpa nokwar na yehu no wɔ amandzɛɛbɔ nsɛm yi mu? Nokwar yinom no, yebesi dɛn botum dze abɔ bra? Ebɛn nsato na nhyira ho anohoba na wɔdze mae? Ebɛnadze na amandzɛɛbɔ asɛm yi kyerɛkyerɛ hɛn fa edwuma a Nyame pɛ dɛ yɛyɛ ho? Anaa hyehyɛ woara wo nsɛmbisa kakra a ɔbɛhyɛ kuw mba nkuran ma wɔadwendwen amandzɛɛbɔ asɛm noho adɔ bun mu anaa wɔdze nokwar nsɛm a ɔkyerɛkyerɛ no bedzi dwuma. Ma kuw mba no kwan ma wonyi nsɛmbisa yi no mu kor na wɔnhwehwɛ ne nyiano wɔ amandzɛɛbɔ nsɛm no mu.

• Hom nkyɛ nsɛnkã horow mfi amandzɛɛbɔ nsɛm no mu. To nsa frɛ asɔrmba ma wɔnkyɛ nsɛnkã horow a ɔwɔ ehyiadzi amandzɛɛbɔ nsɛm no mu a okenyan hɔn ma wɔhyɛ hɔn asodzi mã wɔ nkwagye na nkwagye ntowdo edwuma no ho. Hyɛ hɔn nkuran ma wonsusu mbrɛ wobesi bɛkyɛ nsɛnkã yinom dze ehyira obi n’abrabɔ, a hɔn adɔfo na nkorɔfo a wɔsom hɔn no kã ho.

• Kyɛ adzesuadze a ɔfa adze bi ho. Dzi kan serɛ kuw mba no mu kakrabi ma wɔmfa ndzɛmba bi mfi hɔn fie mbra a wobotum dze akyerɛ adze afa ehyiadzi mu amandzɛɛbɔ nsɛm no ho. Nhyiamu no mu no, bisa kuw mba no ma wɔnkyerɛkyerɛ mbrɛ dɛm ndzɛmba no si fa amandzɛɛbɔ asɛm no ho mu nna mbrɛ asɛm no si da hɔn abrabɔ ho.

• Yɛ adzesua ho ahoboa dɛ ebɛkyerɛkyerɛ no wɔ fie. Bisa kuw mba no ma wondzi dwuma ebien ebien mfa nyɛ fie ewimbir adzesuadze ho nhyehyɛɛ a ogyina ehyiadzi amandzɛɛbɔ nsɛm do. Wobotum eyi nsɛmbisa bi dɛ iyinom ano: Yebesi dɛn botum ayɛ ma amandzɛɛbɔ nsɛm no ayɛ mfaso ama hɛn ebusua ebusua? Yebesi dɛn botum nye hɔn a yɛsom hɔn no akyɛ amandzɛɛbɔ nsɛm yi?

• Kyɛ Sũahu horow. Hom mbɔ mu nkenkan nsɛnkã dodowara mfi ehyiadzi amandzɛɛbɔ nsɛm no mu. Bisa kuw mba no ma wɔnkyɛ mfatoho a ɔkyerɛ anaa otsĩ nkyerɛkyerɛ a nsɛnkã yinom kyerɛkyerɛ no mu no, mfi kyerɛwsɛm no mu na fi hɔn abrabɔ mu.

• Hwehwɛ kasasin bi. Ma kuw mba no nhwehwɛ ehyiadzi amandzɛɛbɔ nsɛm no mu a wɔrohwehwɛ kasasin binom a wɔwɔ ho ntseasee. Bisa hɔn ma wɔnkyɛ kasasin no na dza woesũa efi mu. Bisa hɔn ma wɔnkyɛ mbrɛ nkyerɛkyerɛ yinom si boa hɔn ma wɔyɛ Ewuradze n’edwuma?

Epɛ adwenkyerɛ horow fa mbrɛ ibesi bosũa na akyerɛ adze efi wiadze mfɛndzanan ehyiadzi nsɛm horow mu a, hwɛ “Ideas for Learning and Teaching from General Conference.” (Click “Ideas for Study wɔ “Wiadze Mfɛndzanan Ehyiadzi” ase wɔ Asɛmpa Nwoma Korabea mu.)