Fakafeʻiloaki ʻa e Ngaahi Kaungāmeʻá ki he Kau Faifekaú

Fakafeʻiloaki ha Kaungāmeʻa

Ko hono fakaafeʻi ko ia ha kaungāmeʻa ke feʻiloaki mo e kau faifekaú, ko ha founga maʻongoʻonga ia ke vahevahe ai ʻa e ongoongolelei ʻo Sīsū Kalaisí. ʻOku ʻafioʻi mo ʻofeina kakato ʻe he Tamai Hēvaní hoʻo ngaahi kaungāmeʻá pea te Ne tokoni atu ke ke ʻiloʻi ʻa e taimi mo e founga ke ke fai ai ʻa e fakaafe kiate kinautolu ke nau feʻiloaki mo e kau faifekaú.

Kimuʻa peá ke fakafeʻiloaki hoʻo ngaahi kaungāmeʻá ki he kau faifekaú, fakapapauʻi ʻoku nau fiemālie ki he sitepu ko iá pea tokoniʻi ke nau ʻiloʻi e meʻa ke nau ʻamanaki atu ki aí.

Meʻa ke ʻAmanaki ki ai ʻi ha Feʻiloaki mo e Kau Faifekaú

Ko e taimi te ke fakafetuʻutaki ai hoʻo ngaahi kaungāmeʻá ki he kau faifekaú, fakafetuʻutaki ki he kau faifekaú ke tokoni ke nau maʻu ha mahino ki he ngaahi fiemaʻu, ngaahi meʻa manako mo e ngaahi fehuʻi ho ngaahi kaungāmeʻá. Kau fakataha atu mo ho ngaahi kaungāmeʻá ʻi ha fealeaʻaki ki he ongoongoleleí mo ha ngaahi lēsoni fakafaifekau fakahangatonu mo e kau faifekaú pe ʻi he ʻinitanetí. ʻE tokoni lelei hoʻo kau atú, ki he aʻusia ho kaungāmeʻá ʻi he ako fekauʻaki mo Sīsū Kalaisi mo ʻEne ongoongoleleí.