Ide për t’u Përgatitur për të Marrë Pjesë në Konferencën e Përgjithshme

Ne duhet t’i qasemi konferencës së përgjithshme me pyetje në mendje. Plaku Diter F. Uhtdorf dha mësim: “Përgjigje për lutjet tuaja të posaçme mund të vijnë drejtpërdrejt nga një bisedë e veçantë apo një fjali konkrete. Herë të tjera, përgjigjet mund të vijnë nga një fjalë, fjali apo këngë në dukje pa lidhje. Një zemër e mbushur me mirënjohje për bekimet e jetës dhe një dëshirë e sinqertë për të dëgjuar dhe ndjekur fjalët e këshillës do të përgati[t]in rrugën për zbulesë vetjake” (“Konferenca e Përgjithshme – Bekim i Pazakontë”, Liahona, shtator 2011, f. 5).

0:57

Pra, ndërsa përgatiteni për konferencën e përgjithshme, mendoni rreth pyetjeve që i keni bluar në mendjen tuaj, shkruajini ato dhe më pas dëgjoni për përgjigjet që Zoti do t’ju dërgojë nëpërmjet shërbëtorëve të Tij gjatë konferencës së përgjithshme.

Përveç përgjigjeve për pyetjet tuaja, Zoti mund të ketë gjëra të tjera që Ai dëshiron t’ju thotë. Jini të hapur ndaj çfarëdo mesazhesh që Ai mund të ketë për ju. Nëse i luteni Atij dhe kërkoni sinqerisht ndihmë për ta dëgjuar e dalluar zërin e Tij, Ai do t’ju ndihmojë t’i gjeni ato mesazhe që janë posaçërisht për ju gjatë konferencës së përgjithshme. Për ta zhvilluar këtë marrëdhënie dhe aftësi, shikoni se si çdo Apostull i Zotit e “dëgjon Atë”.

Një arsye përse e duam kaq shumë konferencën e përgjithshme, është se ajo na jep një mundësi për të dëgjuar Apostujt e Zotit Jezu Krisht të bëjnë atë që u thirrën të bënin – të japin dëshmitë e tyre si dëshmitarë të veçantë të Tij. Ndërsa i dëgjoni mesazhet e tyre, dëgjoni veçanërisht për atë që ata e japin mësim rreth Jezu Krishtit. Shikojeni këtë si një mundësi për të thelluar besimin tuaj te Shpëtimtari dhe ungjilli i Tij.

Nëse dëshironi të mësoni më shumë rreth këtyre dëshmitarëve të veçantë të Jezu Krishtit, ka burime të shkëlqyera në faqen e Kishës në internet. Këto burime janë një mënyrë e shkëlqyer për të mësuar rreth udhëheqësve të Kishës dhe për ta thelluar dëshminë tuaj për thirrjet e tyre të veçanta.

Ashtu siç Ai ka mesazhe për ju, Perëndia dëshiron t’iu flasë të gjithë fëmijëve të Tij. Mendoni për dikë që e njihni, i cili do të përfitonte nga të dëgjuarit e zërit të Zotit gjatë konferencës së përgjithshme. Ka shumë mënyra për t’i ftuar të tjerët të përjetojnë konferencën e përgjithshme:

• Ftojini miqtë dhe pjesëtarët e familjes ta shohin konferencën me ju.

• Shpërndani përmbajtje frymëzuese, pika të spikatura dhe citime nga konferenca në mediat shoqërore. Kisha ofron burime në internet që mund të shpërndahen.

• Ndihmoni për t’i përgatitur fëmijët dhe rininë që të përfshihen në veprimtari e burime që janë në dispozicion në internet.

Konferenca e përgjithshme mund të jetë një gosti për njohuri shpirtërore dhe zbulesë. Për t’ju ndihmuar që të mbani mend përvojat shpirtërore që i patët, ju mund të shkruani në ditarin tuaj se për cilat pyetje morët përgjigje, cilat biseda ju frymëzuan dhe në çfarë mënyrash dëshironi të përmirësoheni. Gjithashtu mund t’ua shprehni mendimet tuaja njerëzve që i doni. Mendoni se si ju ka afruar konferenca më pranë Krishtit dhe çfarë do të bëni për të vazhduar që ta ndiqni Atë dhe fjalët e profetëve të Tij. Ashtu siç dha mësim Presidenti Henri B. Ajring, Këshilltar i Dytë në Presidencën e Parë: “Nëse i mirëbesoni Perëndisë sa të dëgjoni për mesazhin e Tij në çdo predikim, këngë dhe lutje në këtë konferencë, ju do ta gjeni atë. Dhe nëse shkoni e bëni atë çfarë Ai do që ju të bëni, fuqia juaj për t’i mirëbesuar Atij do të rritet dhe me kohë ju do të pushtoheni nga mirënjohja [kur të zbuloni se] Ai ka arritur t’ju mirëbesojë juve” (“Mirëbeso tek Perëndia, Pastaj Shko dhe Bëj”, Liahona, nëntor 2010, f. 73).

Këtu janë burime shtesë për të shtuar përvojën tuaj të konferencës së përgjithshme:

• Të Mësojmë nga Mesazhet e Konferencës së Përgjithshme

• “5 Steps for Making Conference Stay with You” [“5 Hapat për të Bërë që Konferenca të Mbetet me Ju”]

• Muzikë frymëzuese nga konferenca e përgjithshme dhe më tepër

• Veprimtari dhe histori shtesë të konferencës së përgjithshme për fëmijët

• “Çfarë është Konferenca e Përgjithshme?”

Hidhini një sy materialit Mënyrat për ta Parë ose Dëgjuar Konferencën e Përgjithshme Drejtpërsëdrejti për të ditur se si ta shikoni.