Mo Le Malosi o le Autalavou: O Se Mekasini Fou mo le Autalavou

O le Mo Le Malosi o le Autalavou o se mekasini mo le autalavou. E tofu le lomiga ma savali faagaeetia faaleagaga mai Aposetolo ma isi taitai, molimau ma aafiaga mai le autalavou, gaoioiga malie, ma isi. I itulau taitasi e mafai ona e maua ai musumusuga ma le malosi lea e mafai ona fesoasoani ia te oe e maua ai le olioli o se soo o Iesu Keriso.

E tele tusiga ma gaoioiga i le Mo le Malosi o le Autalavou e lagolagoina au suesuega o tusitusiga paia o loo aofia i le Sau, Mulimuli Mai ia te A‘u i masina taitasi. E mafai ona fesoasoani lenei mea e faamalosia ai au suesuega faaletagata lava ia ma faaleaiga o tusitusiga paia ma faafesootai ai oe ma le autalavou i le lalolagi atoa a o latou suesue i tusitusiga paia lava e tasi. Po o fea lava e te nofo ai, o nei tusiga o le a musuia ma fesoasoani ia te oe a o e taumafai e ola i mea o loo e aoaoina mai tusitusiga paia i aso taitasi!

E fia faalogo le Mo Le Malosi o le Autalavou ia te oe! E mafai ona e fesoasoani e faamanuia le autalavou e pei o outou i le lalolagi atoa. O le faasoaina atu o ou aafiaga i le ola ai i le talalelei e mafai ona musuia ai le autalavou i soo se mea.

Faamolemole auina mai ia i matou soo se mea o mea nei:

• se taimi na e ola faatuatua ai i le talalelei, e tusa lava pe sa faigata,

• se luitau na fesoasoani ai lou faatuatua ma le Atua ia te oe e taulimaina,

• Malamalamaaga pe faapeī le avea ai ma se tagata o le Ekalesia a Iesu Keriso i le mea o loo e nofo ai,

• Se aafiaga na faaali atu ai e se tasi ia te oe le alofa moni faaKeriso

• lau molimau.

• soo se isi lava tala e faaalia ai le ala ua faamanuiaina ai lou olaga e le talalelei

Auina mai lau tala i le ftsoy@ChurchofJesusChrist.org

Na e iloaina e sili atu anotusi e lolomi e le Mo Le Malosi o le Autalavou nai lo mea o le a e maua i le mekasini ua lolomiina? O nei faaopoopoga faaeletonika e mafai ona maua i le ChurchofJesusChrist.org po o totonu o le polokalama o le Gospel Library.

Mo nisi anotusi malie ma faagaeetia, faataitai le polokalama o le Gospel Living! O loo i ai se vaega e tumu i suega pupuu, vitio, fesoasoaniga mo le suesueina o tusitusiga paia, pepa puipui, ma isi mea.

Tagai “Filifiliga Faatekinolosi” mo nisi faamatalaga i anotusi faaeletonika mo le autalavou.