Ibukin te Moanrinan—Katauraoaia ami Ataei bwa na Nakonako ma te Atua i aon Kawain te Berita

Anganiia ataei tamnei aika a tei ibukin te onimaki iroun Iesu Kristo, te rairannano, te bwabetito, ao te kamatoa (taraa Gospel Art Book, nos. 1, 111, 103, ao 105). Warekia ke taekinna ma ataei te kaaua n onimaki, ao tuangiia bwa a na tabekirake aia tamnei ngkana e taekinaki te tua ke te otenanti anne. Buokiia ataei ni kaotaia bwa a na kanga tuua ma otenanti aikai n buokiira n riki n ai aron Tamaia are i Karawa ao Iesu Kristo.

Ko na kanga ni buokiia ataei ni kaotaia bwa te onimaki, te rairanano, te bwabetito, ao te kamatoa bon tiaki bwaai aika riki n tii teuana te tai ma bon karikirakea naba tamneira rinanon maiura? Ko kona n kaotia nakoia tamnein te koraa ke te ati ao te aroka ae bubura (ke korei tamneia i aon te burakibooti). Buokiia n iangoi bwaai ake a buoka rikiraken te ati aio ao n riki bwa te aroka ae bubura, n aron te ran, te tano ke te bon, ao te riringa. Buokiia bwa a na ataia ae titebo bwaai aikai ma bwaai ae ti karaoi bwa ti aonga n kaaniaki iai ma te Atua i nanon maiura—karikirakean ara onimaki iroun Iesu Kristo, rairannano ni katoabong, maiuakinan ara berita ngke ti bwabetitoaki, ao kanakin te toa, ao karekean te Tamnei ae Raoiroi.

Tibwaia ma ataei karakinan te firecracker ke rebwetaua man te ai man ana rongorongo Elder Dale G. Renlund “How Can Repenting Help Me Feel Happy?” (Te Rao, Ritembwa. 2017, 12–13, or Riaona, Ritembwa. 2017, 70–71; noora naba te witeo “Repentance: A Joyful Choice” [Gospel Library]). Inanon tain te karaki, kaoia ataei bwa a na iangoia bwa tera ana namakin Elder Renlund. Bukin tera ti namakina te kimwareirei ngkana ti raira nanora? Tibwaia ma ataei te kimwareirei ao te tangira ae ko namakinna ngke ko butiia Tamam are i Karawa bwa e na kabwarai am bure.

4:36

Kaota tamnein ana bwabetito te tia Kamaiu ao ana bwabetito temanna (ke noora Gospel Art Book, nambwa. 35 ke nambwa 103 ke nambwa 104). Tuangiia ataei bwa a na tibwaia bwa tera ae kaokoro ao n titebo imarenan tamnei aika uoua aikai. Ikotaki wareka Mataio 3:13–17 ke “Mwakoro 10: E Bwabetitoaki Iesu” n Karaki man te Nu Tetemanti, 26–29. Anganiia ataei bwa a na kotei bwaai n te tamnei are a ongo n karaki aikai. Tuangiia ataei taekan am tangira ibukin te Tia Kamaiu ao nanom ni kan Iriiria.

1:52

Ongora ke anenea te kuna ae taekan te bwabetito, n aron ae “When Jesus Christ Was Baptized” (Aia Boki n Anene Ataei, 102). Tera ae ti reiakinna i aon te bwabetito man te anene aei? Wareka 2 Nibwaai 31: 9–10, ao kaoiia ataei bwa a na ongora bwa bukin tera ngke e bwabetitoaki Iesu Kristo. Kaoiia bwa a na korei tamneia n te bong are a bwabetitoaki iai.

Kabwarabwara bwa te berita ae tabu bon te berita are i marenan temanna ao Tamara are i Karawa. Ngkai ti kabanea ara konaa n kawakin ara berita nakon te Atua, e berita te Atua bwa e na kakabwaiaira. Koroia i aon te burakibooti Au Berita nakon te Atua ao Ana Berita te Atua Nakoiu. Ikotaki wareka Motiaea 18:10, 13 ao Reirei ma Berita aika Tabu 20:37, ao buokiia ataei n koroi berita ake a kona n kunei i aan atuu n reirei ake a tau ni mena i aana (taraa naba Dallin H. Oaks, “Your Baptism Covenant,” Rao, Beberuare 2021, 2–3). Tibwaia bwa e kanga Tamara are i Karawa n kakabwaiako ngkai ko keiaki n kawakin am berita ngke ko bwabetitoaki.

Kaotii tamnein bwaai ake e karaoi Iesu Kristo i nanon Ana tai ni mwakuri nakoia ataei, (ibukin tabeua katooto, taraa Gospel Art Book, nambwa. 33–49). Tuangiia ataei bwa a na kabwarabwara bwa tera ae e karaoia Iesu n tamnei akanne. Wareka Motiaea 18:8–10, 13, ao kaoia ataei bwa a na kakauongo ni kawai ake a kona ni kawakini iai berita aika a tabu n te bwabetito (taraa naba “My Baptismal Covenant,” Riaona, Aokati 2023, 10–11). E na kanga te berita n te bwabetito n bitii aron ara mwakuri ni katoa bong? Kaoiia ataei bwa a na bon korei tamneia ngke a buoka temanna n aron are e karaoia Iesu.

Kaoa temanna ae e a tibwa tia ni bwabetitoaki ao n kamatoaaki nakon te kiraati bwa e na tibwaia bwa tera arona ngke e kamatoaaki. Tuanga te aomata anne bwa e na taekinna bwa tera nanon te riki bwa kaain Ana Ekaretia Iesu Kristo ibukiia Aika Itiaki ni Boong aika Kaitira. Buokiia ataei bwa ana iangoi kawai ake a kona ni kawakin iai aia berita n te bwabetito ngkai membwa ngaiia n te Ekaretia. Tibwaia bwa a kanga karaoan bwaai aikai n buokiko n namakina te kukurei ni kaainakin ana Ekaretia Kristo.

Kaota tamneia aomata ake a mena n Ranin Moomon (taraa Gospel Art Book, nambwa. 76), ao tuangiia ataei bwa ana kabwarabwara te bwai ae a kona n nooria n te tamnei. Karakina rongorongon Aramwa ao ana aomata ngke a bwabetitoaki ikekei (taraa Motiaea 18:1–17; “Aramwa n Ranin Moomon,” n Karaki n Ana Boki Moomon). Manga taraa Motiaea 18:8–9 ao kaoiia ataei bwa a na katei kaina bwa e na buokiia n uringii bwaai are a kukurei nanoia aomata ni karaoi ngkai membwa ngaiia n ana Ekaretia Kristo. Tibwaua te tai ae ko a tia n kakoauaa bwa membwa n te Ekaretia a ibuobuoki n anga aikai.

2:41

Wareka Reirei ao Berita aika Tabu 33:15, ao tuangiia ataei bwa a na kakauongo nakon te bwaintangira ae onoti are ti anganaki iroun Tamara are i Karawa ngkana ti bwabetitoaki ao n kamatoaaki. Bwa aonga n reiakina riki ae bati bwa e na kanga ni buokiia te bwai n tituaraoi ae te Tamnei ae Raoiroi, bootaki ao rinanoa Ioane 14:26; I-Karatia 5:22–23; 2 Nibwaai 32:5; 3 Nibwaai 27:20. Ko kona naba n rinanon te kaongora “A Special Gift” (Liahona, Aug. 2023, 18–19).

I mwaain te kiraati, butiia aia karo ataei bwa ana tibwaia bwa a kanga ni kakabwaiaaki bukina ngkai iai irouia ana bwaintituaraoi te Tamnei ae Raoiroi. E kanga ni buokiia? A kanga n ongo bwanaana?

Bootaki anenea te kuna ae taekan te Tamnei ae Raoiroi, n aron “The Holy Ghost” (Aia Boki n Anene Ataei, 105). Buokiia ataei bwa ana oota bwa tera reiakinara man te anene aio bwa e na kanga n buokiira te Tamnei ae Raoiroi.

Buokiia ataei bwa ana iangoi kawai are a na kona n reitaki iai ma raoraoia ae e raroanako aia tabo ni maeka, n aron korean te reta, kanakoan am imeeri, ke te taetae iaon te tareboon. Reireiniia ae Tamara are i Karawa e kona n taetae nakoira n aanga aika a bati rinanon te Tamnei are Raoiroi. Kabonganaa ana rongorongo Beretitenti Dallin H. Oaks “How Does Heavenly Father Speak to Us?” ni buokiia ataei n ataia ae aanga ake e kona n taetae iai te Tamnei ae Raoiroi bon te taetae nakon ara iango ao nanora (Te Rao, Maati. 2020, 2–3, ke Riaona, Maati. 2020, F2–F3).

Tibwaua te taneiai ngke te Tamnei ae Raoiroi e reitaki ma ngkoe, rinanon am iango ke rinanon te namakin inanom (taraa Reirei ao Berita aika Tabu 6:22–23; 8:2–3; taraa naba Henry B. Eyring, “Open Your Heart to the Holy Ghost,” Riaona, Aug. 2019, F2–F3). Kaota am koaua nakoia ataei bwa te Tamnei ae Raoiroi e kona n buokiia ni kawai n aron naba aikanne.

Buokia ataei ni kinai taai ngkana a namakina te Tamnei—te katooto, ngkana a anenea te anene i bukin te Tia Kamaiu ke ngkana a karaoa te bwai ae tamaroa ibukiia tabeman aomata. Buokiia ni kinaa namakin n tamnei are e karokoa te Tamnei ae Raoiroi, riki Ana wirikiriki are na karaoaki nanona. N am iango ao e aera ngkai e anganira namakin aikai te Tamnei ae Raoiroi? Buokiia ataei n iangoi baika ti riai n karaoi bwa ti aonga n ongo ana tuatua te Tamnei ae Raoiroi nakoira. Tuangia arom ni kakauango nakon te Tamnei ae Raoiroi.

Kaoiia ataei bwa ana karana “Jesus Introduced the Sacrament to the Nephites” i nanon Scripture Stories Coloring Book: Ana Boki Moomon (2019), 26. Tuangiia bwa ana taekina te bwai ae a iangoia aomata ake i nanon te tamnei. Wareka nakoia ataei mwakoro man 3 Nibwaai 18:1–12 ke “Jesus Shares the Sacrament,” inanon Karaki man Ana Boki Moomon. Tera ae ti kona ni karaoia bwa ti na uringa Iesu Kristo n tain te toa?

Tuangiia ataei bwa ana tuangko tabeua bwaai aika a na riai n ururing bwa ana karaoia, n aron kabaean aia kau ke tebokan baia i mwain ae a amwarake. Bukin tera e kakawaki uringakin bwaai aikai? Wareka Moronaai 4: 3 nakoia ataei, ao kaoiia bwa ana kakauongo nakon baike ti beritan bwa tina ururingnga n tainako ngkana ti anaa te toa. Bukin tera e kakawaki bwa ti na ururinga Iesu Kristo? Buokiia ataei ni kaotaia bwa e kanga te kariki ma te ran ake n te toa n buokiira n uringnga bwa tera ae e a tia n karaoia i bukira Iesu (taraa Moronaai 4:3; 5:2).

Koreia iaon te burakibooti “I berita bwa n na …” Wareki tataron te toa nakoia ataei (taraa Reirei ao Berita aika Tabu 20:77, 79). Ngkana a ongo te berita ae ti karaoia nakon te Atua, tooki teutana ao buokiia n kabwanina te kibuntaeka i aon te burakibooti ma te berita are a ongo.

Tera ae nanonaki ni katoka i aom aran Iesu Kristo? Buokiia ataei ni kaekaa te titiraki aio, tibwaa te katooto i aon te bwai teuana ae ti katokai arara i aona. Bukin tera ti korei arara i aon bwaai aikai? Bukin tera ngkai e tangiria Iesu Kristo ni kan katokaa Arana i aora? Tibwaa te kabwarabwara mai iroun Beretitenti Russell M. Nelson: “Katokaan aran te Tia Kamaiu i aora bon katanoataan ao te kakoaua nakoia tabeman—n ara mwakuri ao n ara taetae—bwa Iesu bon te Kristo” (“Aran te Ekaretia ae e Eti,” Riaona, Nobembwa 2018, 88).

Buokiia ataei bwa ana kinai kakabwaia ake a karekei ibukin te nakoanibonga. N anganakiia tabeua iango, ko kona ni kaota te witeo ae “Blessings of the Priesthood” (Gospel Library). Iangoia ni koroi ni karinanii kakabwaia aikai i aon te burakibooti. Bukin tera ngkai a kakawaki kakabwaia aikai nakoira? Kakoaua bwa kakabwaia aikai a roko nakoira ibukin Iesu Kristo ao mwaakan Ana nakoanibonga.

3:5

Buokiia ataei ni kunei tamnei ake a kamataata aron te Atua ni kabonganaa Mwakana n kakabwaiaira. Te katooto, a kona ni kunea tamnein te aonaaba are E karaoia ibukira, te katooto ngke e kamaiua te aoraki, ao otenanti aika a tabu are E a tia ni katauraoia ibukira (taraa Gospel Art Book, nos. 3, 46, 104, 105, 107, 120). Tibwauaia bwa bukin tera ngkai ko kakaitau ibukin te nakoanibonga ao te naan kakabwaia ake e uotii. Buokiia ataei bwa a na iangoi bwaai ake a rinanona ngke a kakabwaiaaki ni mwaakan ana nakoanibonga te Atua.

Teuana mai ibuakon anga ike ti karekei iai kakabwaia man mwaakan te Atua i nanon maiura bon rinanon otenanti man te nakoanibonga (taraa Reirei ao Berita aika Tabu 84:20). Ni buokiia ataei bwa ana reiakina te koaua aio, ko konaa ni koroi ni karinanii kiibu aikai i aon te burakibooti: 3 Nibwaai 11:21–26, 33 (bwabetito); Moronaai 2 (kamatoa); Moronaai 4–5 (te toa). A kona ataei n tatabemaniia nako n rinea teuana mai ibuakon kibuntaeka aikai ao n kanikinaea te otenanti are a kabwarabwaraa. Kaoiia ataei bwa a na tibwaia bwa a kanga n tia ni kakabwaiaki man karekean otenanti man te nakoanibonga.

Buokiia ataei bwa ana oota ae a na karekea te mwaaka mai iroun te Atua ngkai a bwabetitoaki ao n kawakinii aia berita aika tabu n te bwabetito. Titirakiniia ataei bwa e na kanga te mwaaka aio ni buokiia.

Warekia ma ataei Mareko 3:14–15, ao kaotia nakoia te tamnei n te bwai are e riki ao n kabwarabwaraaki naba ikekei (n aron Gospel Art Book, nambwa. 38). Tuangiia ataei ngkana arona bwa a tia n noora temanna ae e katabuaki ibukin te nakoa ke n katabuaki nakon aobitin te nakoanibonga (ke bon tuangiia ibukin taneiai ake ko a tia n karekei). E kanga n titeboo anne nakon are e karaoia te Tia Kamaiu ma Ana Abotoro? Buokiia ataei ni koroi i aon te burakibooti wewete ke aobitin te nakoanibonga ake a kona n anganaki membwa n te Ekaretia, n aron te tia reirei ke te tia kairiiri n te bootaki. Irarikin aobiti ke wewete n tatabeua nako, ko kona n koreia bwa tera ae kona ni karaoia te aomata ma te wewete anne ke te kariaiakaki n te aobiti. Tuangiia ataei bwa e kanga te kamatoaaki iroun temanna i aan ana kairiiri kiing n te nakoanibonga n tia ni buokiko n karaoa am beku.

Buokiia ataei bwa ana iangoa te bwai teuana ae ko na kainanoa iai te kiing ibukina, n aron te kaa ke te mataroa. Tera ae e na riki ngkana arona bwa akea iroum te kiing? Ikotaki wareka Reirei ao Berita aika Tabu 65:2, ao tibwa am koaua ibukin kakawakin karekean kiingin te nakoanibonga. Ko konaa naba n mataku n te witeo “Where Are the Keys?” (Gospel Library) ao kakaea bwa tera ae e reireirei i aona Unimwaane Gary E. Stevenson ibukin kiingin te nakoanibonga.

2:51

Kaota teuana tamnein te tembora ke e raka riki. Tuangiia ataei bwa tera ae e karika te tembora bwa te tabo ae e onoti. Kamataata ae i aon tembora ni kabane e koreaki ae kangai: “E tabu iroun te Uea—Ana Auti te Uea.” Tuangiia ataei bwa tera nanon “E Tabu iroun te Uea. Bukin tera ngkai e aranaki te tembora bwa Ana auti te Uea? Tera ae ti reireinaki n aei ibukin te Tembora? Ngkana iai mai buakoia ataei ae a tia n rin n te tembora, a kona n tibwaia bwa tera aia namakin ngke a mena ikekei. Ngkana ko a tia n rin n te tembora, tibwauaia bwa ko kanga n namakina tamnein te Uea ikekei, ao maroroakinna bwa bukin tera ngkai te tembora bon te tabo ae tabu nakoim.

Ikotaki wareka Reirei ao Berita aika Tabu 97:15–17. Tuangia ataei bwa a na kakaea te bwai ae kantaningaia te Uea irouia ake a rin n Ana auti ae tabu. Bukin tera ti riai n tau bwa ti aonga n rin n Ana auti? I nanon tain te marooro, maroroakinna nakoia ataei taekan te beeba ni kariaiakaki n rin n te tembora, n ikotaki ma aron karekeana. Ko kona n kaoa temanna kaain te bitiobiriki bwa e na tibwaia ma ataei bwa tera aron te intawiu ibukin karekean te beeba n kariaiakaki n rin n te tembora ao tera taian titiraki.

Tuangiia ataei bwa ana buokiko n rinanon riki te berita ae tabu are ti karaoia ma te Atua ngkana ti bwabetitoaki ao bwa tina kabooua ngkana ti anaa te toa (taraa e Motiaea 18:10, 13; Reirei ao Berita aika Tabu 20:77, 79). Kaota tamnein te tembora, ao kabwarabwaraa bwa a mwaiti riki ana kakabwaia Tamara are i Karawa are E kan anganiira i nanon te tembora.

Korea te mataroa are e kairira nakon te kawai. Tuangiia ataei bukin tera ngkai e ibuobuoki bwa e na iai te kawai ae e na touaki. Ikotaki wareka 2 Nibwaai 31:17–20, ike Nibwaai e kabootaua te berita ae tabu nakon te mataroa ao e kaoira bwa ti na reitinako iaon te kawai imwiin te bwabetito. A mwaiti riki berita aika tabu ae a na karaoaki imwiin te bwabetito, n ikotaki ma berita aika tabu ake a karaoaki i nanon te tembora. Kabwarabwaraa ae Beretitenti Nelson e a tia n arana te kawai aio bwa “kawain te berita.”

Maroroakina te tai ike temanna e karaoa te bwai nakoim ae ko bon aki kona n karaoia ibukim. Kaoiia ataei bwa ana tibwai naba aia taneiai ae aekan anne. Kabwarabwaraa bwa ngkana ti nakon te tembora, ti kona n karekei otenanti aika tabu n ai aron te bwabetito ibukiia tabeman ake a tia ni mate. Ti kanga n riki n ai aron Iesu ngkana ti karaoi mwakuri i bukiia mate? Tera ae e a tia ni karaoia te Tia Kamaiu ibukira ae ti aki kona ni karaoia i bon ibukira?

Kaoiia ataei tabeman ake a tia ni bwabetitoaki bwa a na tibwaa te bwai are a rinanona. Titirakiniia bwa aekakira nanon te tembora. Kaungaia bwa ana tibwaa te namakin ae e roko irouia ngke a karaoa te mwakuri ibukiia aia bakatibu.

Korea tamnein te aroka iaon te burakibooti, n ikotaki ma wakaana ao mwaangana. Tuangiia ataei bwa ana iangoia bwa e kanga te utu ni kabotauaki bwa ai aron te aroka. Arana wakaana bwa Bakatibu, arana mwaangana bwa Kanoara, ao arana biroton te aroka bwa Ngkoe. Bootaki n wareka te kibuntaeka aio man Reirei ao Berita aika Tabu 128:18.: “Bwa ti aki kona ni kakororaoaki n akeaia [ara bakatibu]; ke ana aki kona ni kakororaoaki raoi ngkana aki kakororaoaki iroura.” Maroroakin titiraki n aron aikai: “Bukin tera ngkai ti kainnanoiia ara bakatibu? Bukin tera ngkai a kainanoira kanoara? A kanga n tia ni buokiira ara karo, tibura, ao ara bakatibu?” Kaoiia ataei bwa ana ukora ni kabanea Reirei ao Berita aika Tabu 128:18 ni kakaea te kibuntaeka ae e kabwarabwaraa bwa tina kanga n buokiia ara bakatibu.

Mwakuri ma aia karo ataei n tatabemaniia n kunei aran aia bakatibu are e kainnanoa te otenanti n te tembora (taraa FamilySearch.org).