Mauaina o Fesoasoaniga Faalelagona ma Faalemafaufau i se Faalavelave Faafuasei

E fesoasoani le Tautua mo Aiga i taitai o le Ekalesia e tausia tagata taitoatasi o feagai ma luitau faaleagafesootai ma faalelagona e ala i le tuuina atu o punaoa e ogatusa ma mataupu faavae o le talalelei.

E mafai e le Tautua mo Aiga ona tuuina atu le lagolago o le soifua maloloina faaleagafesootai, faalelagona, ma faalemafaufau pe a mavae se faalavelave po o se mala. Pe a oo i luitau ia e le mafai ona tatou puleaina, e tofu i tatou ma auala eseese e tali atu ai. O nisi taimi tatou te tauivi ai, ma e le afaina lena mea. I nisi taimi, atonu tatou te tali atu ma le maufetuunai e ala i le faaaogaina o o tatou malosiaga ma punaoa. E le o se mea e le masani ai mo i tatou le tali atu ma se tuufaatasiga o tauiviga ma malosiaga.

O auaunaga mo le tausiga faalelagona mo faalavelave faafuasei e mafai ona tuuina atu faaletagata pe faatekinolosi foi. I se faalavelave faafuasei, e taulai atu le Tautua mo Aiga i le tuuina atu o le fesoasoani muamua faalemafaufau. E aofia ai i lenei mea le tuuina atu o le faamoemoe ma punaoa. O nei auaunaga e le manaomia ai ni pepa o galuega.

O isi auaunaga e aofia ai:

• Auaunaga o Feutagaiga mo Taitai o le Ekalesia

• Punaoa mo Fesoasoaniga a le Tagata Lava Ia

• Sauniuniga faalelagona ma faalemafaufau mo faalavelave faafuasei

• Iloiloga o manaoga faalelagona

• Lagolago mo le tausiga faalelagona mo tagata taitoatasi, aiga, ma vaega i faalavelave faafuasei

• Fesootaiga i punaoa faaopoopo

Mo se fesoasoani i manaoga faalesoifua maloloina faalelagona pe faalemafaufau, e mafai ona e maua atili i punaoa o le soifua maloloina faalemafaufau i le vaega Fesoasoani o le Olaga o le uepisaite a le Ekalesia. E mafai foi ona e faafesootaia lou epikopo mo se tagata na faasino mai e feiloai ma se fautua o le Tautua mo Aiga (i nofoaga o loo maua ai).