Сургаал ба Гэрээнүүд 84:1–32

Арван хоёр төлөөлөгчийн чуулгын ахлагч Нийл Л.Андэрсэны дараах үгийг харуулахыг бод. Суралцагчдыг түүний асуултын талаар ямар бодолтой байгаагаа болон хэрхэн хариулахаа хуваалцахад урь.

Суралцагчид ёслолууд тэдний амьдралд хэрхэн тус болохыг бодож байгаагүй байж мэднэ. Та ёслолуудын талаарх бодол, мэдрэмжээ эргэцүүлэн бодохыг суралцагчдаас хүсэж болох юм. Үүний тулд та дараах өөрийгөө үнэлэх үнэлгээг үзүүл.

84-р хэсгийг судлахдаа Ариун Сүнснээс өгөх мэдрэмжийг хүлээн авахдаа соргог байж мөн санваарын ёслолоор дамжин амьдралд нь ирж болох Бурханы хүчний талаар илүү ихийг мэдэхэд суралцагчдыг урь.

Та дараах мэдээллийг суралцагчидтай хэрхэн хуваалцахаа бодож үз.

Хэрэв суралцагчид энэ тухай дурдаагүй бол та ариун сүмд бидний аврал, өргөмжлөлд зайлшгүй шаардлагатай санваарын ёслолуудыг гүйцэтгэдэг гэдгийг онцолж болно.

Та 6–18-р шүлэгт Их Эзэн Өөрийн санваарыг Адамд хүртээж, энэ нь Мосегийн үе хүртэл үргэлжилсэн талаар дурдсан гэдгийг хуваалцаж болно. Түүнчлэн Есүс Христ Ааронд болон түүний үр удамд санваарыг өгсөн. Өнөөдөр Есүс Христийн сэргээгдсэн Сүмд Түүний санваар хэрэгжсэн хэвээр байгааг та онцолж болох юм. Ариун сүмийн ёслолуудыг гүйцэтгэхэд шаардагдах бүх санваарын эрх мэдэл Есүс Христээс ирдэг.

Энэ бол суралцагчдаас ёслол гэж юу болохыг асуух тохиромжтой цаг байж ч магадгүй. Хэрэв тэд үүнийг тайлбарлаж чадахгүй байвал та энэ талаар мэдлэг өгөх судрыг тэднээр судлуулж болно. Ёслол нь санваарын эрх мэдлээр гүйцэтгэдэг ариун, албан ёсны үйл юм гэдгийг ойлгоход тэдэнд тусал. Зарим ёслол бидний авралд зайлшгүй шаардлагатай.

Та баптисм, ариун ёслол, тайтгаруулах болон удирдамж өгөх адислал, патриархын адислал, Ариун Сүнсний баталгаа болон бэлэг, ариун сүмийн хишиг, лацдан холболт зэрэг санваарын ёслолуудыг самбарт жагсааж болно.

Бид санваарын ёслолуудаар дамжуулан амьдралдаа бурханлаг чанарын хүчийг хүлээн авч чадна гэдгийг олж тогтооход нь суралцагчдад тусал.

Энэ үнэний талаарх ойлголтоо гүнзгийрүүлэхэд нь суралцагчдад туслахын тулд самбарт жагсаасан ёслолуудаас илүү дэлгэрэнгүй мэдэхийг хүсэж буй нэг ёслолоо сонгоход тэднийг урь. Уг ёслолын талаар өөрт байгаа хоёроос гурван асуултаа бичих цагийг тэдэнд гаргаж өг. Эсвэл та доор жагсаасан гурван асуултыг харуулж, эргэцүүлэн бодоход урьж болно.

Суралцагчдад сонгосон ёслолынхоо талаар илүү ихийг мэдэж авч, асуултынхаа хариултыг олохын тулд тэнгэрээс томилогдсон эх сурвалжаас хайхыг санал болго. Тэд үүнийг бие даан эсвэл ижил ёслолыг сонгосон бусад хүнтэй хамт гүйцэтгэж болно. Ариун сүмийн хишиг (27.2) ба лацдан холболтыг (27.3) судлахаар сонгосон хүмүүс ChurchofJesusChrist.org дахь Ерөнхий гарын авлага: Есүс Христийн Хожмын Үеийн Гэгээнтнүүдийн Сүмд үйлчлэх нь гарын авлагаас хэрэгтэй мэдээллээ олж авч чадна. Мөн тэд өөрсдийнх нь үйлдсэн ёслолууд амьдралд нь бурханлаг чанарын хүчийг мэдрэхэд тусалсан хувийн туршлагаа тунгаан бодож болно.

Хангалттай хугацаа өнгөрсний дараа, хувиараа эсвэл бүлгээрээ юу олж мэдсэнээ ангийнхантай хуваалцахыг тэднээс хүс.

Санваарын ёслолуудын ач холбогдлын талаар сурсан зүйлээ эргэцүүлэн бодоход нь суралцагчдад туслахын тулд та тэднээр дараах асуултуудын заримд эсвэл бүгдэд хариулуулж болно. Тэд асуулт сонгож, хариултаа ангийнхантайгаа хуваалцаж болно.

Санваарын ёслолуудаар дамжуулан амьдралдаа хүлээн авсан Бурханы хүчний талаар бодол, мэдрэмжээ хуваалцахыг бод.

Та энэ хичээлийн туршид төгс эзэмших сургаалын эшлэл, судрын түлхүүр үг хэллэгийг цээжлэхэд нь суралцагчдад туслахаас гадна дараагийн хичээлүүд дээр давтаж болно. “Тиймийн тул, үүний ёслолуудад бурханлаг чанарын хүч илэрхийлэгддэг” гэдэг нь уг судрын түлхүүр үг хэллэг юм. “Төгс эзэмших сургаалыг давтах үйл ажиллагаа” хэсгийн хавсралт материалуудад цээжлэх үйл ажиллагаанд зориулсан санаанууд бий.