O Se Aiga o Mekasini i le Lalolagi Atoa

Na amata ia Ianuari 2021, ona amata lolomi e le Ekalesia ni mekasini faavaomalo se tolu: o le Uo (mo tamaiti ua ta‘i 3–11 tausaga), Mo le Malosi o le Autalavou (mo le autalavou ua ta’i 11–18 tausaga), ma le Liahona (mo tagata matutua). O nei mekasini na suia ai mekasini e fa talu ai a le Ekalesia, o le tolu lea sa na o le faaPeretania na lolomiina ai.

Ina ua latou fofogaina mai nei mekasini fou, sa ta‘ua e le Au Peresitene Sili, “O lo matou manao ia lesitala tagata o le ekalesia i soo se mea ma taliaina lenei faatosinaga e lagolago ai le faatuatua i o latou loto ma aiga” (Tusi a le Au Peresitene Sili, 14 Aokuso, 2020).

O loo matou galulue malosi ia mautinoa pe e te sau mai Slovenia po o Sepania, Madagascar po o Massachusetts, o nei mekasini e mo oe. O lea la, pe e te tautala i le faaKorea po o Kiripati, pe o lou fale e piliki pe ofe, pe na papatisoina oe i le 80 tausaga talu ai pe na o ananafi, o nei tusiga e atagia ai lau molimau, lou aafiaga, ma lou aiga o le faatuatua. O se tasi lena o faamanuiaga maoae o nei mekasini i le lalolagi atoa: latou te tuufaatasia i tatou ma faamanatu mai ia i tatou o i tatou uma lava o se aiga o le Ekalesia i le lalolagi atoa.

O le i ai o mekasini e tolu i le lalolagi atoa o le a faatagaina ai pe tusa ma le 97 pasene o tagata o le ekalesia e maua se mekasini lolomi i masina taitasi po o isi masina uma. (I aso ua mavae, o nisi o gagana sa na o le tasi le mekasini na mauaina i le tausaga!) Siaki le itulau FFS lenei mo nisi faamatalaga mo nisi faamatalaga e uiga i le auala o le a lolomiina soo ai anotusi o mekasini i gagana eseese.

I le faaputuga o Mekasini i le Gospel Library, o le a e vaaia ai se tile mo mekasini taitasi e tolu i le lalolagi atoa, faapea foi ma se tile mo na o le lomiga faatekinolosi mo talavou matutua ua ta‘ua o le TM Faalevaiaso. E mafai ona e aoao atili e uiga i nei lomiga taitasi iinei i le vaega “E Uiga i Mekasini a le Ekalesia”.