Sherim Lait bilong Sevia long Krismas

Taim mi bin painim 11 pela krismas, Sande Skul tisa bilong mi, Brada Deets, tokim ol klas bilong mipela olsem sapos mipela i ken memorasim ol Atikol bilong Feit na tokim em wanem mining bilong ol, em bai baim ol buk bilong olgeta skrispsa bilong mipela yet.

Brada na Sista Deets bin wanpela yangpela marit, tupela wok long statim laip bilong ol tasol. Mi no bin save gut sapos Brada Deets inap long baim wanpela presen bilong wanpela man. Tasol mi mekim disisen olsem sapos em i bin ting ol Atikol bilong Feit i impoten tru long memoraisim, mi ken kisim dispela salens.

Bihain long mi pinisim olgeta 13 pela, taim i bin go pinis na mi lus tingting long promis bilong em.

Bihain, long Krismas Dei, mi kisim wanpela karamap wantaim nem bilong mi long en. Mi bin opim dispela long painim buk bilong olgeta skripsa bilong mi yet, wantaim wanpela kat long strongim bel bilong mi long ridim ol olgeta taim. Dispela em i bin long 1972, na inap i kam long dispela dei mi gat yet ol dispela skripsa. Ol i gat bikpela valu long mi.

Em i no hamas long baim dispela presen tasol dispela gutpela pasin em bin soim long mi na sakripais em i laik tasol long mekim long mi, dispela lusim mi wantaim wanpela bikpela laik long stadim tok bilong God. Mi traim long bihainim eksampol bilong Brada Deet long ministering long givim ol presen i gat mining long ol dispela lain klostu long mi, wantaim hop olsem mi inap long blesim laip bilong ol narapela olsem em i bin blesim laip bilong mi.

Taim ol dispela lain husat i wok long plenim wod Krismas pati bilong mipela i bin askim mi long visitim wanpela memba bilong sios husat i no save kam long sios moa na invaitim em long kam stap insait long dispela progrem, mi mas tok olsem mi bin poret liklik. Mi bin bungim Darren wanpela taim tasol bipo, taim em i bin kam stap insait long wanpela wod ektiviti bipo. Em i bin putim wanpela motobaik hetban long pohet bilong em. Em i bin pasim longpela waitpela gras bilong em long ponitel, em i bin gat longpela waitpela mausgras, na tupela han bilong em pulap long ol tatu.

Nau, wantaim wanpela komiti memba, mi bin wok long sanap long duastep bilong Darren, na wok long tingting long wanem samting bai mi tokim em. Em i askim mipela long go insait, na mipela bin tokim em wai mipela i bin go long lukim em. Em i tok, “O, mi bai laik tru long wokim dispela!”

Em i bin mekim wanpela naispela wok tru, halivim long mekim dispela ektiviti i gat mining tru bilong planti lain. Liklik taim bihain, ministering kompenian bilong mi na mi yet bin kisim askim long visitim Darren olgeta taim. Em i save hamamas tasol long lukim mipela, na mipela bin gat sampela gutpela toktok tru wantaim em. Mi tok tenk yu olsem dispela insperesen long invaitim em long kam stap insait long dispela program bilong wanpela wod ektiviti bin lid i go long wanpela rileisensip we mi holim klostu.

Long hia em sampela samting yu inap long wokim long mekim stret tru ol dispela lain yu save minista long ol bai save yu wok long tingim ol, moa tru long dispela taim bilong yia.

1. Sampela taim wanpela fonkol o teks mesis i save mekim ol nambawan samting i kamap. Long statim wanpela stori wantaim ol narapela wanpela liklik “Halo, yu orait tasol?” i ken mekim wanpela senis.

2. Join insait long selebresen bilong ol taim em i orait long yu yet. Krismas i ken kamap wanpela gutpela taim long lainim long ol wankain bilip yumi i gat. Krismas i ken kamap wanpela gutpela taim long lainim long ol wankain bilip yumi i gat.

3. Prei long ol long wanwan nem. Askim Papa long Heven long halivim yu long tingim sampela wei long bringim ol klostu moa long Pikinini Man bilong Em.

4. Ol isi tru presen planti taim ol man i save holim long tingting. Ol presen i no nid long ol i mas bikpela samting long wanpela long lavim. Presen bilong taim, presen bilong harim, long sherim wanpela foto o memori—ol dispela i ken olsem presen bilong lewa.

5. Givim dispela presen bilong testimoni. Askim ol long sherim lav bilong ol long Sevia wantaim yu, na ofaim long sherim lav bilong yu long Sevia wantaim ol.

6. Invaitim ol narapela long kam long wanpela Krismas sevis. Sampela lain i laik wosip tasol ol i no save long go we. Invaitim ol long kam na wosip wantaim yu.

7. Pulumapim hom bilong ol wantaim pis. Larim ol save olsem ol misinari i gat wanpela spesol Krismas mesis ol i ken sherim, wanpela we i bai bringim hop na lav long lewa bilong ol.

Ol nid bilong olgeta wanwan kongregesen em i narakain. Sampela i save kisim gutpela long ogenaisim bikpela moa ektiviti. Ol narapela kongregesen i ken kisim gutpela long samting liklik na isi. Ol dispela lain i stap insait long plenim na ogenaisim ol ektiviti i save prei long tingting long hau long mitim ol nid we i stap.

• Ol memba long tripela stek long Paris, France, bin halivim long sapotim wanpela Light the World bung we wanpela talen so na fesin so i bin stap insait long en. Ol redim ol samting we ol i bin givim long ol refuji na ol lain husat i wok long stap nogat hom.

• Charlotte North Carolina Central Stek bin holim wanpela “Krismas raun long Wol” ektiviti bilong komuniti, wantaim wanpela bung long selebretim Krais wantaim kaikai, tumbuna pasin displei bilong ol narapela hap bilong wol, musik, ol sevis projek, na netiviti bilong ol pikinini.

• Ol memba bilong Vero Beach Florida Stek bin joinim wanpela komuniti tokaut gen long wai yumi save selebretim Krismas. Ol bin donetim ol toi long ol komuniti siariti grup. Wanpela kuaia bilong Primary i bin singsing, na planti sios i bin gat ol but long putim ol infomesen bilong ol.

• Jacksonville Florida South Stek bin putim aut wanpela Sevia bilong dispela Wolpilai bilong dispela komuniti.