“Ɔsom a ɛnam Nkwadaa ne Mmabunu Dwumadie so,” Laehona, Ahinime 2020

Mfoni no Tom Garner, Isaac Darko-Acheampong, Alexander K. Boateng, ne Jonas Rebicki na wɔde maeɛ

Ɔsom Nnyinasosɛm, Ahinime 2020

Ɔsom a ɛnam Nkwadaa ne Mmabunu Dwumadie so

Yɛreto nsa afrɛ afoforɔ ama wɔn anyini na yɛaboa wɔn wɔ akwantuo no mu yɛ ɔsom no ahiasɛm.

Akwanya abu so de ma Ɔsom a ɛnam Nkwadaa ne Mmabunu dwumadie so. Ebia wo ankasa wɔ nkwadaa ne mmabunu wɔ fie. Ebia woyɛ sodifoɔ wɔ dwumadie no mu anaa wosom mmusua bi a wɔwɔ nkwadaa ne mmabunu. Anaa ebia wonim nkwadaa ne mmabunu bi ( ɛbɛtumi afa yɛn nyinaa ho). Sɛdeɛ ɛteɛ biara no, akwan bebree wɔ hɔ a wɔde dwumadie no anaa nnyinasosɛm no hyira afoforɔ abrabɔ.

Yɛretu mpɔn Abɔm

Botaeɛ a ɛda nkwadaa ne mmabunu akoma so ne sɛ dabiara wɔbɛyɛ te sɛ Agyenkwa no kɛse, ɔno a ɔsomm kann no. Dodoɔ no a wɔdii dwuma no bi ahunu sɛ mprɛ dodoɔ a worekɔ nkan wɔ beaeɛ pii wɔ w’abrabɔ mu no, ɛna wonyini yie boa anaa som afoforɔ.

Nanso wɔ Nkwadaa ne Mmabunu dwumadie mu no, afoforɔ nhyira nhia sɛ wotwɛn sua biribi ansa. Adesua ankasa ma akwanya de som.

Na ɔbabunu a wɔfrɛ no Odiyifoɔ a ɔte Ghana, botaeɛ a ɔde sii n’ani so wɔ Nkwadaa ne Mmabunu dwumadie mu sɛ ɔbɛbɔ adakabɛn no yɛ ahyɛaseɛ koraa. “Ɛyɛ me botaeɛ nso sɛ mɛboa afoforɔ ama wɔahunu deɛ meresua,” Odiyifoɔ na ɔseɛ.

Ɛwɔm sɛ ɔnya nnyɛɛ ɔkyerɛkyerɛni deɛ, ne botaeɛ no anyini ayɛ ade kɛseɛ sene deɛ ɔsusuiiɛ mpo. Seesei asuafoɔ 50 na wɔn ne Odiyifoɔ regye nteteɛ wɔ adakabɛn bɔ mu wɔ hyiadan mu. Na hwan na ɔrekyerɛ Odiyifoɔ ne afoforɔ 50 no adeɛ? Alexander M. ne Kelvin M., wɔn mmienu adi mfeɛ 13. “Yɛpɛ sɛ yɛda ayɛmyɛ nneyɛɛ adi kyerɛ nkorɔfoɔ foforɔ,” Kelvin na ɔseɛ.

Nnansa wɔ dapɛn koro mu mmabunu mmienu yi kyerɛ wɔn a wɔba bɛsua adakabɛn bɔ no adeɛ kwa a wɔnye akatua. Mfasoɔ bi abɛka adakabɛn bɔ adesua no ho. Asuafoɔ bebree a wɔde wɔn kyerɛɛ Asɔre no nam adakabɛn adesua no so asuaa nsɛmpa no na wɔdwenee ho sɛ wɔbɛbɔ asu.

Berɛ a yɛrebɔ mmɔden de aboa yɛn ho no, yɛtumi som afoforɔ berɛ a yɛto nsa frɛ wɔn ma wɔbɛka yɛn ho.

Nkonimdie Akwankyerɛ ma Ɔsom

Sɛ pɛɛwa Mfitiaseɛ titenani, Sabrina Simões Deus Augusto a ɔfiri Curitiba, Brazil, ahunu sɛdeɛ ankasa nkɔsoɔ fa a ɛwɔ dwumadie no mu hyira nkwadaa ne mmabunu wɔ ne pɛɛwa so hɔ. Na wasan ahunu akwan bebree a ɔde deɛ wasua afa ankasa nkɔsoɔ mu wɔ ne dwumadie mu sɛ onuabaa somfo.

“Sɛ metu adomakyɛdeɛ bi mpɔn a, ”Onuabaa Augusto na ɔseɛ, “Mɛtumi de saa adomakyɛdeɛ no ahyira obi a mesom no.”

Onuabaa Augusto kyerɛɛ onuabaa baako a wɔde no hyɛɛ ne nsa sɛdeɛ wɔyɛ twokoleti anonneɛ. Saa onuabaa yi yɛ anonneɛ no tɔn de boa n’abusua sikasɛm. “Abosome kakra akyi, onuabaa bi hyiraa me kyerɛɛ me sɛdeɛ yɛyɛ ɛwoɔ paanoo a mɛtumi atɔn,” Onuabaa Augusto na ɔseɛ. “Yɛretu mpɔn na yeakyɛ y’adomakyɛdeɛ no tumi hyira yɛn ho yɛn ho abrabɔ na ɛhyɛ yɛayɔnkofa mu kena sɛ anuamaa asomfo.”

Sɛn na Nkwadaa ne Mmabunu Dwumadie no Bɛboa Wo ama Wasom?

To nsa frɛ afoforɔ ma wɔmmɛ di dwuma wɔ Nkwadaa ne Mmabunu dwumadie no mu.

Wobɛtumi ato nsa afrɛ mmusua a wosom wɔn no mma ama wɔabɛdi dwuma wɔ Nkwadaa ne Mmabunu dwumadie no mu. Wɔn ani bɛgye sɛ wɔka dwumadie no ho, wɔ ankasa nkɔsoɔ mu, anaa mpo asɛmpa sua fa mu wɔ dwumadie no mu. (Nkransɛm dodoɔ a ɛfa ɔsom a ɛnam Bra, Di M’akyi, hwɛ “Ɔsom a ɛnam Bra, Di M’akyi,” wɔ Ɛbɔ 2020 Laehona) mu.
Tae wɔn botaeɛ akyi.

Sɛ ɔsom nuabarima anaa nuabaa a mosom mmusua a wɔwɔ mmabunu, mo wɔ ɔbɔadeɛ akwanya sɛ motae botaeɛ bi a wɔreyɛ no akyi wɔ Nkwadaa ne Mmabunu mu. Ɛsane sɛ wɔn botaeɛ yɛ wɔn ankasa dea nti, sɛ wonim deɛ wɔn ani gye ho a, wobɛtumi aboa wɔ akwan hodoɔ so. Yei bɛtumi ayɛ sɛ worehwehwɛ adwinneɛ a wɔrehwehwɛ, som sɛ ɔtɛmmuafoɔ ma wɔn bisikiti yɛ mu, anaa wobɛyɛ ɔboafoɔ wɔ beaeɛ a wo nimdeɛ wɔ. Wonim sɛdeɛ wɔsi sesa ngo a ɛwɔ kaa mu? Pam ntaadeɛ a ateteɛ? Woyɛ nimdefoɔ wɔ adwuma hwehwɛ nsɛmmisa mu? Wobɛtumi ne wɔn akyɛ nimdeɛ anaa nyansa a wowɔ sɛ wɔn ani gye ho a.
To nsa frɛ afoforɔ ma wɔn mmra wo ankasa nkɔsoɔ mu.

Wɔnkoraa ankasa nkɔsoɔ mmaa nkwadaa ne mmabunu nko ara. Wo ankasa wobɛtumi adi dwumadie no ɛmfa ho ne mfeɛ a wadie. Berɛ a worepɛ berɛ atu mpɔn wɔ honhom, honam ne adwenemu wɔ w’abrabɔm no, na wasiesie wo ho yie sɛ wobɛsom ankorankorɛ, ɛmfa deɛ wobɛhyia no biara ho. Te sɛ Odiyifoɔ wɔ Ghana, wobɛtumi ahyira afoforɔ berɛ a woto nsa frɛ wɔn ma wɔ ne wodi dwuma, sɛ worehyehyɛ adakabɛn adesua, wokɔ apɔmutenetene adesua, anaa wosua kasa bi bɔm.
Ma ɔsom nyɛ botaeɛ.

Dwene ho sɛ wobɛpɛ berɛ dabiara de asom. Ɛbɛtumi ayɛ sɛ wode nkransɛm resoma anaa wobɛgyina baabi ahwɛ sɛdeɛ nneɛma rekɔ anaa wobɛhyehyɛ nkabom dwumadie bi. Ɛbɛtumi ayɛ sɛ wopɛ berɛ sese wɔn a wosom wɔn no awoda anaa wobɛdi wɔn akyi wɔ nkutahodie dawubɔ so apɛ adeɛ a wɔn ani gye ho anaa wɔayɛ a ɛnkyɛreeɛ. Wode sima num pɛ redwene deɛ obi hia ho bɛtumi de wo akɔ nkanyan adwene a ɛbɛtumi ada nso.