“Ugufasha binyuze muri Gahunda y’Abana n’Urubyiruko,” Liyahona, Ukwakira 2020

Amafoto ya Tom Garner, Isaac Darko-Acheampong, Alexander K. Boateng, na Jonas Rebicki

Amahame y’Ugufasha, Ukwakira 2020

Ugufasha binyuze muri Gahunda y’Abana n’Urubyiruko

Guhamagarira abandi gukura no kubafasha mu rugendo ni ipfundo ry’ugufasha.

Uburyo bwinshi bw’ugufasha binyuze muri gahunda y’Abana n’Urubyiruko. Byashoboka ko ufite abana bawe cyangwa urubyiruko i muhira. Byashoboka ko uri umuyobozi muri gahunda cyangwa ufasha mu miryango ifite abana n’urubyiruko. Cyangwa byashoboka ko ujya umenya abana bamwe na bamwe n’urubyiruko (ibi bikwiye kureba hafi ya twese). Uko waba ubayeho kose, hari uburyo bwinshi wakoresha gahunda cyangwa amahame yayo mu guhesha umugisha ubuzima bw’abandi.

Kwizamura ubwacu turi kumwe.

Kwibanda ku bana n’urubyiruko ni ugutumbera kugerageza umunsi ku wundi guhinduka kurushaho nk’Umukiza, we wafashije mu buryo buzira amakemwa. Benshi mu bagize uruhare muri gahunda bize ko uko utera imbere mu byiciro bitandukanye by’ubuzima bwawe, ni ko ugira ubushobozi bwinshi bwo kwita cyangwa gufasha abandi.

Ariko hamwe na gahunda y’Abana n’Urubyiruko, guhesha abandi umugisha ntibigomba gutegereza igihe uzaba hari icyo wize. Igikorwa cyo kwiga ubwacyo gitanga amahirwe yo gufasha.

Ku mugabo ukiri muto witwa Prophet utuye muri Ghana, gushyira intego yo kwiga gucuranga piyano mu Bana n’Urubyiruko byari intangiriro gusa. Prophet ati “Ni intego yanjye kandi gufasha abandi bantu kumenya ibyo ndimo kwiga,”.

N’ubwo ataraba umwigisha, intego ye yamaze kuvamo ikintu kigari kurusha uko yigeze abitekereza. Kugeza ubu hari abanyeshuri 50 barimo kwiga piyano bigira mu nzu y’iteraniro bari kumwe na Prophet. Ubwo ninde urimo kwigisha Prophet hamwe n’abo banyeshuri bandi 50? Alexander M. na Kelvin M., bombi bafite imyaka 13. Kelvin ati “Turashaka kwereka abandi ibikorwa by’ubugwaneza,”.

Iminsi itatu mu cyumweru aba bana babiri bigisha abantu bose baje kwiga amasomo y’ibanze ya piyano ku buntu. Hari inyungu yiyongereye ku masomo ya piyano. Benshi mu banyeshuri baje ku Itorero binyuze mu masomo ya piyano nyuma bize inkuru nziza kandi banzura ko babatizwa.

Igihe dushyira umwete mu kwisubiraho, dushobora gufasha abandi tubararikira kwifatanya natwe.

Inzira iganisha ku ntsinzi kubw’Ugufasha

Nk’umuyobozi w’Ishuri ry’Ibanze ry’urumambo, Sabrina Simões Deus Augusto w’I Curitiba, muri Burezili, yabonye uko ibice byo gutera imbere k’umuntu ku giti cye bya gahunda bihesha umugisha abana n’urubyiruko mu rumambo rwe. Ariko yanabonye inzira nyishi zo gukoresha ibyo yize ku birebana no gutera imbere k’umuntu ku giti cye mu mukoro we nk’ufasha.

Mushiki wacu Agusto ati “Iyo nzamura impano”,“Nshobora gukoresha iyo mpano mpesha umugisha uwo mfasha.”

Mushiki wacu Augusto yigishije umwe mu bavandimwe yaherewe umukoro uko bakora shokola ziteye nk’ibihumyo. Uwo mushiki wacu ubu akora akanagurisha shokola kugirango yunganire umushahara w’umuryango we. Mushiki wacu Augusto yagize ati “Nyuma y’amezi, nagize umugisha ubwo undi muvandimwe yanyigishije uko nakora imigati irimo ubuki nagurisha,” “Kuzamura no gusangiza abandi impano zacu bishobora guhesha ubuzima bwacu umugisha kandi bigakuza imibanire yacu nk’abafasha.”

© 2020 na Intellectual Reserve, Inc. Uburenganzira bwose burarinzwe. Cyacapiwe muri Leta Zunze Ubumwe z’Amerika. Byemejwe mu Cyongereza: 6/19. Icyemezo cy’ubusemuzi: 6/19. Ubusemuzi bwa Ministering Principles, October 2020. Kinyarwanda. 16725 716

Ni gute Gahunda y’Abana n’Urubyiruko Yashobora Kugufasha mu Ugufasha?

Rarikira abandi kugira uruhare muri gahunda y’Abana n’Urubyiruko.

Ushobora kurarikira imiryango y’urubyiruko n’abana ufasha kugira uruhare muri gahunda y’Abana n’Urubyiruko. Bashobora kuba bashishikajwe no kugira uruhare mu bikorwa, iterambere ry’umuntu ku giti cye, cyangwa se ibice bya gahunda byo kwiga inkuru nziza. (Ku yandi makuru ajyanye n’ugufasha binyuze muri Ngwino, Nkurikira, reba “Ugufasha binyuze muri Ngwino, Nkurikira,” muri Liyahona.ya Nzeri 2020)
Shyigikira intego zabo.

Nk’abafasha mu miryango ifite urubyiruko, muri mu mwanya w’umwimerere wo gushyigikira intego bashobora kuba batumbereye mu Bana n’Urubyiruko. Nubwo intego zabo ari izabo ku giti cyabo, niba umenye ibibashishikaje, ushobora gutanga ubafasha mu buryo bunyuranye. Ibi bishobora kuba mu buryo bwo kubona ibikoresho by’ubuhanzi barimo gushaka, gukora nk’umucamanza mu bikorwa byabo byo gukora ibisuguti, cyangwa guhinduka umujyanama mubyo ufitemo ubumenyi. Uzi uko bahindura amavuta mu modoka? Kudoda imyenda yacitse? Uri inzobere mu kubaza ibibazo abashaka akazi? Ushobora kwemera gusangiza ubumenyi cyangwa ubuhanga ufite niba babishishikariye.
Rarikira abandi mu iterambere ryo ku giti cyawe.

iterambere ryo ku giti cy’umuntu ntabwo rigenewe abana n’urubyiruko. Ushobora kugira uruhare muri gahunda ubwawe utitaye ku myaka ufite. Ubwo umara umwanya uteza imbere ibice by’ubuzima bwabwe bwa roho, imibanire, imiterere y’umubiri n’ubwenge, uzaba witeguye gufasha neza kurushaho utitaye ku wo mwahura uwo ariwe wese. Kandi nka Prophet wo muri Ghana, ushobora guhesha abandi umugisha ubararikira kugiriramo uruhare hamwe nawe, haba ari mu gutegura amasomo ya piyano, kujya mu myitozo, cyangwa kwigira ururimi hamwe.
Gira ugufasha intego.

Zirikana kumara umwanya kubw’ugufasha buri munsi. Ibi bishobora kuba kohereza ubutumwa bwanditse cyangwa ugasurana ukareba uko ibintu bigenda cyangwa gutegura umuhuro. Bishobora kuba gufata igihe cyo gushyira kuri karindari iminsi y’amavuko y’abo ufasha cyangwa ukabakurikira ku mbuga nkoranyambaga ugamije kumenya ibibashishikaza cyangwa ibyo barigukora muri iyo minsi. Gufata nibura iminota itanu ugatekereza kucyo undi muntu akeneye bibyara ibitekerezo bihumetswe bishobora gukora ikinyuranyo.