Siʻi Ngaahi Mātuʻa,

ʻOku totonu ke maluʻi mo tokangaekina ʻa e fānau kotoa pē. Naʻe tā ʻe Sīsū ha sīpinga ʻo e meʻá ni ʻi he Tohi ʻa Molomoná, ʻi Heʻene tāpuakiʻi mo lotua ʻa e fānau kotoa pē (vakai, peesi K20–23). Te tau tāpuekina mo maluʻi fēfē nai ʻa e fānau ʻoku tau ʻiló? Ko ha ngaahi fakakaukau ʻeni:

• Te tau lava ʻo maluʻi fakatuʻasino ʻa kinautolu pea akoʻi ke nau fakaʻapaʻapaʻi e sino ʻo e kakai kehé (peesi K12–13).

• Te tau lava ʻo maluʻi fakalaumālie ʻa kinautolu ʻaki hano poupouʻi ke nau maʻu ʻa e sākalamēnití (peesi K2–3).

• Te tau lava ʻo akoʻi kinautolu ke nau kole tokoni ʻi he taimi te nau fie maʻu aí (peesi K14–15).

Te ke lava ʻo fili ha taha ʻo e ngaahi pōpoaki ko ʻení ke lau fakataha ia mo e fāmilí. Fakapapauʻi ʻoku ʻiloʻi ʻe hoʻo fānaú ʻa e lahi ʻa hono ʻofaʻi kinautolú!

ʻOku mau ʻofa atu,

Ko e Kaumeʻá