Papah sang ni Kohdo, Idawehniehdo

Ansou me Ofelia Trejo de Cárdenas malipilipiong en apwalih me pwulopwul kan nan ward Mexico City, e ahneki pepehm en karanihla emen emen nan tohn sukuhl kan pwe en kak kalaudehla eh koaiek en padahngki oh kakehlaka irail.

E kosoia, “Ma I sohte pahn esehla nei tohn sukuhl kan oh ma irail sohte pahn kin kehn ei limpoak ong irail, irail pahn kakete sohte kamelele ie ansou me I padpadahk ong irail de ansou me I wiewia ei kadehde,” “Ihte me re pahn esehn me I wiahte Soun padahk en Santi Skuhlte.”

Apw ia mwomwen Sister Cárdenas eh pahn kak wiahla kempoakepah men ma e pahn kin wiahte eh padapadahk pak ehu nan wihk koaros? E diarada pasapeng ehu nan mehn mesihn en kapehse kan. Doadohngki mehn kepehse me kin adaneki WhatsApp, ih oh nah tohn sukuhl kan kin doadoahngki ong ehupenen sukuhl sang ni arail kin intingpene oh pil kin kosoipene. Eri, nan rahn koaros mwohn Santi Skuhl kin tep, emen tohn sukuhl kin sawaskihda kadaralahng emen tohn sukuhl iren pwuhk sarawi ehu ong ni mehn kasukuhl me pahn wiawi sang ni pein arail madmadau. Mwurin wadek iren pwuhk sarawi kan oh madmadau kan, tohn sukuhl kan kin sapengodo ni pein arail madmadau.

“Ansou me re kin wadek iren pwuhk sarawi o, irail kin kadaredo mwomwen mesen aramas me peren pwe en kasalehiong ie me re wadek oh onopiki iren pwuhk sarawio oh me irail medeweier,”Sister Cardenas kosoia. Ansou me e kin lel ehu ansoun kasukuhl ni ehu rahn sarawih kan, tohn sukuhl kan kin onopadahr pwe irail en kin iang patehng kasukuhl en rahno.

Ehupene en ehu ehu rahn wet ahpw kapaiada emen tohn sukuhl me ah nohno oh pahpa sohte nohn kehlail nan Mwomwodiso wet.

“I kin inenen pereniki ansou me I kin kilang ah kin kohdo iang sarawi pwehki I ese me ni ansou me e pahn lela, e anahne lelohng kasongosong tohto,” Sister Cardenas kosoia. “I kopworopworki me iren pwuhk sarawi kan oh madmadau kan me ienge tohn sukuhl kan kin kadarpeseng oh iren pwuhk sarawi oh madmadau me e kin kadarpeseng me inenen kakehlakahla ih.”

Sister Cardenas kosoia me papah sang ni iren pwuhk sarawi kan sohte kauhdi ah kasukuhl en rahn sarawi kan oh me irail kin ehukipene nan ehu ehu rahn akan.

“Ai kounopada kin iangahki kapakapki nei tohn sukuhl kan koaros,” e kosoia. “Ih kin medewe irail kaidente rahn sarawi kan ahpw nan wihk oh koaros. Emen emen irail ahneki anahn me wekisang emen emen. Emen emen iei seri en Koht. I kin wie medemedewe irail ni ansou me I kin kokounopda ai padahk.”

Oh e kin rong, ni ansou me e kin padahk—koaros ong nah tohn skuhl kan oh Ngehn Sarawi.

“Sounpadahk o me wia Ngehno,” me e kin rong sang ni ngihl en nah tohn sukuhl kan. “Ih anhne tehk mwahu irail pwehki dahme irail kin kosoia iei Ngehno me kin kihkiong irail.”

Carla Gutiérrez Ortega Córdoba kapaidahki ah wia emen toweh en an Sister Cárdenas perehn kasukuhl kan rahn sarawi kan pwehki sang ni apwal oh papah me kin kapelpene. Carla kasalehda songen mwekid wet ong songesongen wasa tohto, me iangahki:

• Koukounopadahn: Ehukiwei iren pwuhk sarawi kan oh madmadau kan sewese tohn sukuhl kan en kounopada ong ehu ansou en kasukuhl. e kawehwe nda, “Wadek pwuhk sarawi rahn koaros kin sewesei kitailda oh kalaudehla atail wehwe.”

• Patehng: “Kitail koaros kosoi. Met kahreiong ai esehla iengei tohn sukuhl kan laud, ni kompokepah oh ni riomw mwanakapw oh peinakapw kan.”

• Limpoak: “Sister Cárdenas aleiukada ni ah koledi pehmwen. Nan aht perehu, se kin pehm duwehte nan ahnsou en soutik en peneinei, me duwehte ke wie mwomwohd mpen riomw pwutak oh serepein kan. E inenen kesempwal.”

• Ngehn Sarawi: “Se kehn insenamwahu, ngehn kehlail nan aht perehu pwehki kiht koaros ahniki soangen madamau ehute rehn Ngehno.”

• Kadehde: “Kohdo, Idahweniehdo sewese ie ien kin kounopada wia ai kadehde. Ih inenen wehweki laud duwen Pwuhk en Mormon oh Pwuhk Sarawi. E kihongie ei kak ehukiong iengei tohn sukuhl kan dahme I kin koledi nan sukuhl oh ehukiong aramas akan wasahn ei doadoahk.”

Ansou me Greg oh Nicky Christensen, sang Kentucky, USA, wadek duwen Inou en Abrahmic nan iren pwuhk sarawi kan iangahki neira pwutak silimen, irail diarada me e inenen apwal en kawehweiong irail. Irail koasonehdi me emen emen ni duwen peneinei ehu pahn pein onopiki inou en Abrahamic oh ehuki dahme re diarada.

Greg kosoia, “Se alehdi ire kei me inenen kaselel oh kapwuriamwei.” “Nait seri-sounpar-waluh esehda me udahn eden Abraham mwowehu adaneki Abram. Edehu wekidekiong Abraham pwehki eh wiahda inou ehu ong Kauno me e pahn sohpeisang dihp oh wekiong mour me pwung. I inenen pwuriamweikihla ah kak medewehda soahng ko.”

Irail koaros koledi soahngkei me kapw oh irail koaros ehuki duwen inou en Abrahamic oh ia wehwe ong Souleng en Imwin-Rahn-akan rahnwet.

Nicky kosoia, “Mwowehu, se kin mwohdpene oh emenemen kin wadek ehu ire tikitik mwuri emen wadek nait pwuhk sarawi kan ni ansou en wadawad en onopiki pwuhk sarawi.” “Ahpw, Kohdo, Idahweniehdo inenen kakehlaka ong padahk sang ni Ngehno. Eri, met ansou me se kin onop pene, I kin ahneki pepehm sang rehn Ngehno ien kin wekid mwomwen ai padahk ong ni mwohmw ehu me pahn kin mwahu ong anahn en peneinei.”

Doadoahngki Kohdo, Idawehniehdo sohte sewesehte arail peneinei en kehlail oh inengieng onopiki rongamwahu o, ahpw e pil sewese Greg oh Nicky papah ong anahn en palingehn ong neira seri kan.

Nicky kosoia, “Kohdo, Idawehniehdo sewese ie ien padahngki ong nei seri kan.” “E pil sewese ie ien kak powehdi songesongen kahpwal akan me I kin ahneki ong nei seri kan. I aneki pepehm kehlail ong Ngehno, I rong kanaiehng, oh I alehdi pepehm kan ong ia mwomwen ei pahn kak sewese emenemen nei seri ka.”

Greg kin pereniki padahk en rongamwahu me kin reirei me Kohdo, Idawehniehdo sewesehkin ie nan ei peneinei. E nda, “Nait pwutak kan wekpeseng nan wasa kan ni mwomwen arail wehweki duwen rongamwahu o.” . “CKohdo, Idawehniehdo kieng kitail mehn sawas ekei pwehn sewese emen emen neitail serihkan en kak wewehki oh esehla nan dahme re anahne kan. Ni atail pahn kin kilikilang arail keirda nan limpoak en rongamwahu oh kilikilang arail kak pein medewehda ia mwomwen arail pahn doadoahngki rongamwahu nan arail mour kan wia kapai kaselel ehu.”