Ministering Principles, Disemba 2019

Wanem samting Krismas Stori i Tisim Yumi long Ministering

“Dispela em i taim yumi laikim stret long wanwan yia. Singim wanpela singsing; Krismastaim klostu bai kamap. Tokim dispela trupela stori long bon bilong Jisas, taim olsem bebi, em i bin kam long dispela graun”.(“The Nativity Song,” Children’s Songbook, 52).

Krismastaim em i wanpela naispela taim tru taim ol sipsip, ol lain bilong lukautim sipsip, ol ples bilong slip bilong ol sipsip, na ol sta i kwiktaim tru kisim nupela mining. Ol i kamap impoten lain insait long stori bilong wanpela long bikpela samting we i kamap long histori bilong man: bon bilong Jisas Krais. Planti ol famili putim long soim neitiviti ples long ol hom bilong ol. Ol narapela wok long ridim stori bilong bon bilong Em o go insait long wanpela drama. Olsem olgeta stori bilong Krais, dispela stori bilong bon bilong Em i gat ol lesen yumi inap long lainim long ministering long sherim lait bilong Em long laitim dispela wol. “Dispela stori bilong Krismas em i stori bilong lav,” Presiden Henry B Eyring, Nambatu Kaunsela long Nambawan Presidensi i tok.

“… Long ol dispela stori bilong bon bilong Krais, yumi lukim na pilim Em husat tru bipo na Em husat tru nau. Dispela em i litimapim hevi bilong yumi long dispela rot. Na dispela bai mekim yumi long lus tingting long yumi yet na long litimapim hevi bilong ol narapela.”¹

I no bin gat rum bilong ol long haus bilong silip.”(Luk 2:7)

Wasman bilong silip i bin feil long mekim rum bilong Sevia, tasol yumi no nid long mekim dispela asua! Yumi ken givim rum long Sevia long ol lewa bilong yumi taim yumi givim rum long ol brata na susa bilong yumi long ol tebol bilong yumi, ol hom bilong yumi, na ol pasin bilong yumi. Planti famili pasin yumi inap long mekim swit moa na tu gutpela memori taim yumi bringim kam insait ol narapela lain. Daiana na famili bilong em i gat pasin long invaitim wanpela man o meri long holim Krismas wantaim ol. Olgeta Disemba, ol i save diskasim na mekim disisen husat ol i laik long invaitim.² Ating famili bilong yu i ken statim wankain pasin. Ating wanpela yu wok long minister long em inap long laik tru long joinim famili bilong yu long singsing ol fevret Krismas singsing wantaim yupela. Yu i ken mekim rum tu long Kristmas kaikai bilong yupela long wanpela husat ating i nogat famili long dispela hap.

Wanem moa beta wei long hamamasim Sevia tasol long bihainim eksampol bilong Em long bringim narapela i kam insait? Tingim olsem Em i save invaitim “olgeta long kam long em na kaikai long ol gutpela samting bilong em; na i no tanim baksait long wanpela husat i kam long em, bilak o wait, husat i stap long kalabus na husat i fri, man na meri; na em i tingim ol dispela lain husat i nogat bilip; na olgeta i wankain olsem God, Ju na tu Jentail.”(2 Nifai 26:33). Givim rum na wokim pasin bilong bringim ol narapela kam insait.

“Na bin stap long sem ples ol lain bilong lukautim sipsip i stap long fild, na was long ol sipsip long nait” (Luk 2:8)

Em i luk stret olsem ol lain bilong lukautim sipsip i bai stap namel long ol nambawan lain long welkamim dispela bebi Sevia. Ol profet bilong bipo bin tok long Jisas Krais olsem dispela “Man Bilong Lukautim Sipsip bilong Isrel” (Sam 80:1) na dispela “Man Bilong Lukautim Sipsip long olgeta ples graun” (Sam 80:11 Nifai 13-41). Na Krais Emyet bin tok, “Mi em dispela gutpela Man Bilong Lukautim Sipsip, na save long ol sipsip bilong mi“.(Jon 10:14). Long save long ol sipsip bilong yumi na long was i stap em i ki long liklik hap bilong lukautim sipsip na ministering olsem Sevia i wokim.

Wantaim ol lait i sain nambaut na ol kainkain bilas, i gat planti long lukim long Krismastaim. Tasol ating bikpela samting i gutpela moa long dispela sisen yumi inap painim taim yumi tingim long tanim lukluk klostu bilong yumi long ol dispela lain yumi minister long ol na stap was long ol lain bilong yumi yet. Long stap was i ken olsem yumi luksave long feiveret kaikai bilong wanpela o askim wanpela long ol plen bilong ol long holide. Yumi stap was taim yumi lukim na bungim ol nid bilong ol narapela—wantaim tu dispela klia samting na samting i no klia tumas.

Taim Cheryl bin kwiktaim stret lusim man bilong em, Mick em i bin bagarap stret. Taim nambawan Krismas bilong em we man bilong em i no stap klostu, dispela sori bilong stap em yet i bin gro. Tenk yu tru , ministering sista bilong em Shauna i bin stap wantaim em. Shauna na man bilong em, Jim, invaitim Cheryl long planti holide wokabaut. Ol i bin lukim kout bilong Cheryl i wok long bagarap na mekim disisen long wokim wanpela samting. Sampela de pastaim long Krismas, Shauna na Jim bin baim wanpela Krismas presen bilong Cheryl: wanpela naispela nupela kout. Ol bin luksave long fisikol nid bilong Cheryl long wanpela wom kout tasol tu long ol filing nid long kamfot na stap klostu long em. Ol i kam gut long halivim long ol dispela nid na traim bes bilong ol na putim aut gutpela eksampol long hau yumi tu inap stap na was long ol lain bilong yumi yet.³

“Ol lain i save lukautim ol sipsip i tok olsem long wanpela narapela, Larim yumi nau go nau long Betlehem”.(Luk 2:15)

“Larim yumi go nau” em i wanpela invetesen we i pulap long hamamas tru! Ol lain i save lukautim sipsip i no bin ting olsem ol poroman bilong ol bin tait tumas long mekim dispela wokabaut. Ol i no bin go isi tasol long Betlehem ol yet. Ol i bin lukluk long wanpela narapela na tok, “Larim yumi go nau!”

Taim yumi i no inap long invaitim ol poroman bilong yumi long go lukim pikinini sevia, yumi inap long invaitim ol long pilim spirit bilong Krismas (o dispela spirit bilong Krais) taim ol i sev wantaim yumi. “Wei long apim dispela Krismas spirit em long putim han i go aut wantaim planti samting long ol lain stap klostu long yumi na givim yumi yet,” Bonnie L Oscarson, husat pastim i bin Jenerol Presiden bilong ol Yangpela Meri i tok.⁴ Tingim tasol olsem yu wok long holim wanpela kendol. Ol narapela inap tru long lukim na kisim gutpela long dispela lait bilong kendol bilong yu, tasol tingim tasol dispela gutpela bel ol inap long pilim sapos yu yusim kendol bilong yu long laitim kendol bilong ol na larim ol long holim dispela lait ol yet.

Krais Emyet bin tisim ol dispela lain husat i bihainim Em bai kisim dispela lait bilong laif.(lukim Jon 8:12). Long sev olsem Em i bin wokim i wanpela wei yumi inap long bihainim Em na hamamas long dispela lait em i promisim yumi. Olsem na sherim dispela lait na invaitim ol narapela long sev wantaim yu! Hau bai yu na ol dispela lain yu wok long minista long ol sev wantaim? Taim yupela wok wantaim yupela i ken wokim ol kaikai yupela save laikim stret o givim wanpela saprais long wanpela wantaim wanpela liklik presen o nogat. Taim yupela wok wantaim yupela inap long pilim dispela lait we i kam long bihainim eksampol bilong Krais long sevis.

“Ol i tokaut i go long olgeta hap dispela hap toktok we wanpela i bin tokim ol long dispela pikinini” (Luk 2:17)

Em i isi long tingim tasol dispela bikpela hamamas bilong ol lain i save lukautim sipsip taim ol i sherim dispela gutpela trupla nius long bon bilong Krais wantaim planti lain. Ol ensel hamamasim em, dispela Mesaia ol profet i bin tokaut long em i kamap pinis! Em i stap hia! I tru olsem, long sherim dispela gutnius bilong Sevia em i wanpela bikpela samting insait long dispela Netiviti stori. Ol ensel i bin singsing. Dispela sta i bin pointim wei. Na ol lain bilong lukautim sipsip i bin tokaut i go long olgeta hap.

Yumi inap long putim nek bilong yumi i go insait tu long dispela Krismas stori na sherim gutnius na testifai long Sevia. “Taim yu i gat dispela privilis long makim Sevia long ol ministering wok bilong yu, askim yu yet, Hau na mi ken sherim dispela lait bilong gospel wantaim dispela man o meri o famili?’” Sister Jean B Bingham, Rilif Sosaiti Jenerol Presiden i bin tis. “Wanem samting Spirit i wok long tokim mi long wokim?”⁵

Hia em sampela aidia long yu long tingim taim yu wok long lukluk long save hau yu inap long sherim testimoni bilong yu long Sevia and gospel bilong Em:

Painim wanpela skripsa we i holimpasim filing bilong yu long Sevia o tokaut long wai yu tenk yu long Em. Sherim dispela wantaim ol dispela lain yu minister long ol.
Salim wanpela teks o sosol midia toktok wantaim wanpela Krismas vidio. I gat sampela gutpela vidio long ChurchofJesusChrist.org!
Tokim wanpela poroman long wanpela spesol memori o pasin we i mekim yu tingim gen Krais.

Gat feit olsem Holi Gos bai berim witnes long dispela trut long testimoni bilong yu, olsem tasol Em i bin berim witnes long Simeon na Anna olsem dispela bebi Jisas i bin dispela Sevia (lukim Luk 2:26, 38).

“Long tru tru onaim kamap bilong [Jisas Krais] long dispela wol, yumi i mas wokim olsem Em i bin wokim na putim han i go aut long sori pasin na marimari long ol lain poroman na meri bilong yumi,” Elda Dieter F Uchtdorf bilong Kwarom bilong ol Twelpela Aposol i bin tok. “Dispela yumi inap long wokim long wanwan de, long toktok na long wok, Larim dispela kamap olsem Krismas tredisen bilong yumi, no meta yumi stap long wanem hap—long kamap liklik moa gutpela long narapela, fogivim narapela moa, long lusim pasin bilong jasim ol narapela, gat moa tenkyu long bel , na moa laik long givim na long sherim ol planti samting yumi i gat wantaim ol lain husat i stap long nid.”⁶

© 2019 by Intellectual Reserve, Inc. All rights reserved. Printim long USA. Tok orait long Inglis: 6/18. Tok orait long tanim tokples: 6/18. Tanim Tok bilong Ministering Principles, December 2019. Tok Pisin. 15773 878