Worehwere Ɔsom Fa A Ɛhia Yi anaa?

Bonnie H. Cordon, Maayewa Amansan Titenani, boa ma yɛteaseɛ sɛ ɛwɔ sɛ yɛhunu wɔn a yɛsom wɔn no—ɛnnyɛ wɔn nnesoa ne brɛ, mmom wɔn ahoɔden, adomakyɛdeɛ ne nkonimdie. Ɔse ɛwɔ sɛ yɛyɛ wɔn “nkonimdifoɔ ne gyidifoɔ—obi a ɔnim wɔn tebeam na ɔboa wɔn wɔ anidasoɔ ne dibea hwehwɛ mu.”¹

Wɔ nnwan ne mpɔnkye abɛbusɛm no mu, Agyenkwa no kaa sɛ wɔn a wɔbɛhunu wɔn ho wɔ Ne nsa nifa so no bɛbisa sɛ: “Awurade, da bɛn na yɛhunuu wo sɛ ɛkɔm de woɔ, na yɛmaa wo aduane, anaasɛ sukɔm de woɔ na yɛmaa wo nsuo nomeeɛ?

“Da bɛn na yɛhunuu wo sɛ woyɛ ɔhɔhoɔ, na yɛfaa wo kɔɔ fie?” (Mateo 25:37–38).

“Anuanom mmarima ne mmaa, asɛmfua titire no ne hunuui,” Sister Cordon na ɔseɛ. “Ateneneefoɔ no hunuu wɔn a na wɔwɔ ahohiamu ɛfiri sɛ na wɔrewɛn na wɔrehwɛ. Yɛn nso yɛbɛtumi ayɛ aniwa a ɛrewɛn na yɛaboa akyekyere werɛ, akae na yɛaso ho daeɛ.”²

Kae nkonimdie sɛ ɛsua anaasɛ ɛso. Ɛbɛtumi ayɛ kansa yareɛ ko anaasɛ awaregyaeɛ mu fa, adwuma foforɔ hwehwɛ anaasɛ mpaboa a ayera hwehwɛ, anaasɛ woretena hɔ nnawɔtwe a worenni asikyire.

Frɛ obi bɔ n’aba so, gya abasobɔ krataa hɔ, anaasɛ fa obi kɔdidi awia berɛ. Sɛ yɛbɔm kyɛ yɛn nhyira, na yɛde aseda bɔ bra, na yɛkae afoforɔ nhyira ne nkonimdie a, “yɛadi dɛ wɔ yɛnuanom dɛ no ho”(Alma 30:34)

Ɛtɔ da a yɛ ne afoforɔ ani regyeɛ no kyerɛ sɛ yɛboa wɔn ma wɔhunu botaeɛ a enti wɔn ani gyeɛ—ɛmfa ho ne ahokyerɛ anaasɛ anigyeɛ a ɛba y’abrabɔ mu. Nokorɛ tiawa sɛ Ɔsoro Agya ani ko yɛn ho na wayɛ krado sɛ ɔbɛpagya yɛn no yɛ anigyeɛ farebae soronko.

Wobɛtumi aboa afoforɔ ama wɔahunu Awurade no nsa wɔ wɔn abrabɔ berɛ a wo ne wɔn kyɛ sɛdeɛ wahunu no wɔ wabrabɔm. Nokorɛ mu ma wɔn hunu sɛdeɛ Ɔsoro Agya no aboa wo wɔ w’ahokyerɛ berɛ mu. Saa adansedie yi bɛtumi aboa afoforɔ ama wɔahunu na wɔakae sɛdeɛ Waboa wɔn (hwɛ Mosaya 24:14).

Awerɛhosɛm ne sɛ, ɛtɔ da a yɛtumi si yɛn ankasa tumi a yɛ ne afoforɔ de bɛgye y’ani no ho kwan, titire no berɛ a yɛdwene sɛ yɛn ho ntɔ yɛn wɔ deɛ yɛ wɔ anaasɛ tebea a yɛwɔ mu wɔ abrabɔm no ho. Sɛ yɛbɛnya anigyeɛ wɔ afoforɔ dɛ mu no, yɛtɔ mfatoho fidie mu mmom. Na sɛdeɛ Elder Quentin L. Cook a ɔka Asomafoɔ Dumienu Kuo no ho kyerɛ no: “Sɛ yɛde nhyira toto ho a ɛrekame ayɛ sɛ yɛrepam ɛdɛ afiri hɔ. Yɛntumi nyɛ anisɔfoɔ ne anibrebrefoɔ berɛ korɔ no ara.”³

“Ɛbɛyɛ dɛn na yeatu saa suban a abu so wɔ obiara ho yi ase?” Elder Jeffrey R. Holland a ɔka Asomafoɔ Dumienu Kuo no ho bisa. “… Yɛbɛtumi akenkan yɛn nhyira dodoɔ no na yɛbɛtumi abɔ afoforɔ aba so wɔ wɔn nkonimdie ho. Ne yie mu no, yɛbɛtumi asom afoforɔ, akoma mu dwumadie a ɛyɛ fɛ a wɔakyerɛ.”⁴ Sɛ yɛbɛyɛ mfatoho no, yɛbɛtumi abɔ wɔn a yɛsom wɔn no aba so. Firi w’akoma mu ne wɔn nkyɛ deɛ w’ani gye fa wɔn ne wɔn abusuafoɔ ho