Ministering Principles, Oktoba 2019

Yu Ting Yu Wok long Popaia long Dispela Impoten Hap bilong Ministering?

Ministering em long “hamamas wantaim ol lain husat i hamamas” wankain olsem long “krai wantaim ol lain husat i krai”.(Romans 12-15).

Taim yumi tingting long ministering, em i isi long tingting long halivim ol dispela lain husat i nidim halivim. Yumi wok long toktok long wokim gaden bilong wanpela wido, bringim kaikai long ol sik lain, o givim sampela samting long ol lain husat i wok long painim hat. Yumi tingim kaunsel bilong Paul long “krai wantaim ol lain husat i krai,” tasol yumi wok long lukluk klostu inap long nambawan hap bilong dispela ves—long “hamamas wantaim ol dispela lain husat i hamamas”?.(Romans 12:15). Hamamas wantaim ol dispela lain yumi minister wantaim ol—maski em i min olsem yumi onaim win bilong ol o halivim ol long painim hamamas tru long ol hatpela taim—em i impoten hap long ministering olsem Sevia wokim.

Long hia em tripela tingting em inap halivim (na wanpela long abrusim) taim yumi wok long lukluk klostu long ol gutpela samting God i putim insait long ol laip bilong yumi.

1. Luk Save

Bonnie H Cordon, Jenerol Presiden bilong ol Yangpela Meri, halivim yumi long save gut olsem yumi nid long lukim ol dispela lain yumi wok long minister long ol—i no lukim ol hevi na hat taim bilong ol tasol, tasol tu ol strong, talen, na win bilong ol. Em i tok olsem yumi nid long kamap wanpela “sempion na wanpela gutpela poroman—wanpela husat i klia long stap bilong ol na sapotim ol long hop na driman bilong ol.”¹

Long stori bilong ol sipsip na ol got, Sevia tok olsem ol dispela lain husat bai kamap long han sut bilong Em bai askim: “Bikpela, wanem taim mipela bin lukim yu hangere, na givim yu kaikai? o nek drai na givim yu long dring?

“Taim mipela i lukim yu olsem wanpela man mipela i no save long em na kisim yu kam insait long haus bilong mipela?” (Matiu 25:373–8).

“Ol brata na ol susa, ki tok long dispela em lukim,” Sista Cordon i tok. “Ol lain husat save stap stret bin lukim ol dispela lain husat i gat nid long wanem ol i bin wok long was na lukluk. Yumi tu inap long gat ai long was long halivim na kamfotim, long onaim na tu long driman.”²

2. Painim Ol As Samting long Onaim

Onaim ol win we i bikpela o liklik. Em i ken samting olsem wanpela wok long go thru long sik kensa o go thru long marit i bruk, painim nupela wok o painim wanpela su i lus, kambek strong bihain long wan mun long lusim wanpela i klostu stret long yu o kambek strong bihain long wanpela wik long nogat suga.

Ringim ol long tok bikpela hamamas long ol, go dropim wanpela kat, o kisim ol go long belo long kaikai. Taim yumi sherim ol blesing wantaim, stap wantaim tenkyu long bel bilong yu, na onaim ol blesing na win bilong ol narapela lain, yumi bai “gat hamamas long hamamas tru bilong ol brata bilong yumi.”(Alma 30:34).

3. Lukim Han bilong Bikpela

Sampela taim long hamamas wantaim ol narapela lain i min olsem yumi halivim ol long lukim ol as long hamamas—no meta wanem ol hevi o gutpela samting i kam insait long laip bilong yumi. Dispela liklik trut olsem Papa long Heven i luk save long yumi na redi long litimapim yumi i ken wanpela narakain rot bilong hamamas tru.

Yu inap long halivim ol narapela lain long lukim han bilong Bikpela insait long laip bilong ol taim yu sherim hau yu bin lukim dispela insait long laip bilong yu yet. Daunim yu yet inap long sherim hau Papa long Heven i bin halivim yu thru long ol salens bilong yu. Dispela testimoni inap long halivim ol narapela lain long lukim na luk save long hau Em i halivim ol. (lukim Mosiah 24:14).

4. Noken Sotim Save Bilong Yu long Hamamas

Sori long tok olsem sampela taim yumi i ken sotim save bilong yumi long hamamas wantaim ol narapela, moa yet taim yumi pilim poret long wanem yumi i gat long givim o we yumi stap long laip bilong yumi. Kisim ples bilong painim hamamas tru long hamamas bilong narapela lain, yumi save pundaun i go insait long banis bilong skelim yumi yet wantaim ol. Na olsem Elda Quentin L Cook bilong Kwarom bilong ol Twelpela Aposol i bin tis: “Long skelim blesing em i inap stret long rausim hamamas i go. Yumi i no inap long hamamas na tok tenk yu na long wankain taim jeles.”³

“Hau bai yumi inap long daunim dispela kain pasin we i stap long planti lain tru?” Elda Jeffrey R Holland bilong ol Kwarom bilong ol Twelpela Aposol i askim.“… Yumi ken kauntim ol planti blesing bilong yumi yet na yumi ken luk save long ol win bilong ol narapela lain. Nambawan tru, yumi ken sevim ol narapela lain, gutpela samting moa bilong bel bilong yumi i stap nau.”⁴ Kisim ples bilong skelim yumi yet wantaim ol narapela, yumi ken sapotim ol dispela lain yumi minister long ol. Sherim olgeta taim wanem samting yu laikim long pasin bilong ol o ol famili memba bilong ol.

Olsem Paul i tok gen long yumi, yumi olgeta memba bilong bodi bilong Krais, na taim “wanpela memba i kisim ona, olgeta memba i mas hamamas wantaim dispela.”(1 Corinthians 12:26). Wantaim halivim bilong Papa long Heven, yumi inap long luk save long ekspiriens bilong ol narapela lain, onaim ol win bikpela na liklik, halivim ol long luk save long han bilong Bikpela, na daunim jeles pasin olsem yumi inap long tru tru hamamas wantaim long ol blesing, talen, na hamamas bilong ol narapela lain.

© 2019 by Intellectual Reserve, Inc. All rights reserved. Sios tasol Printim long USA. Tok orait long Inglis: 6/18. Tok orait long tanim tokples: 6/18. Tanim Tok bilong Ministering Principles, October 2019. Tok Pisin. 15771 878