දේවසේවයේ මෙම වැදගත් කොටස ඔබට මගහැරී ඇත්ද?

තරුණ කාන්තා ප්‍රධාන සභාපතිනිය බොනී එච්. කෝර්ඩන්, අප දේවසේවය කරන අයව දැකීමට අවශ්‍ය බව තේරුම් ගැනීමට අපට උපකාර කරයි - ඔවුන්ගේ බර හා අරගල පමණක් නොව ඔවුන්ගේ ශක්තීන්, කුසලතා සහ සාර්ථකත්වයන්ද එයට ඇතුළත්. අප “ඔවුන්ගේ තත්වයන් ගැන දන්නා සහ ඔවුන්ගේ අපේක්ෂාවන් හා අභිලාෂයන් සඳහා සහයෝගය දක්වන - ශූරයකු හා විශ්වාසවන්තයෙකු විය යුතු බව ඇය කියා සිටියාය.¹

බැටළුවන්ගේ හා එළුවන්ගේ උපමාවෙන්, තම දකුණු පැත්තේ සිටින අය මෙසේ අසනු ඇති බව ගැලවුම්කරුවාණන් පැවසූ සේක: ස්වාමිනි, කොයි කලෙක ඔබවහන්සේ බඩගිනිව සිටිනවා දැක කෑම දුනිමුද? නොහොත් පිපාසිතව සිටිනවා දැක බොන්ට දුනිමුද?

“කොයි කලෙක ඔබවහන්සේ ආගන්තුකව සිටිනවා දැක පිළිගතිමුද?” (මතෙව් 25:37–38).

“සහෝදර සහෝදරියනි, ප්‍රධාන වචනය දැකීමයි” කෝර්ඩන් සහෝදරිය පැවසුවාය. “ධර්මිෂ්ටයන් අවශ්‍යතා ඇති අයව දුටුවේ ඔවුන් බලාසිටිමින් හා හඳුනාගත් නිසාය. අපටත් උපකාර කිරීමට සහ සැනසීමට, සැමරීමට හා සිහින දැකීමට සෝදිසියෙන් යුතු ඇසක් සහිතව සිටිය හැකිය.”²

විශාල හෝ කුඩා සාර්ථකත්වයන් සමරන්න. එය පිළිකාවක් වැළඳීම ඔස්සේ ගමන් කිරීම හෝ සබඳතාවක් කැඩී යාම ඔස්සේ ගමන් කිරීම, නව රැකියාවක් සොයා ගැනීම හෝ නැතිවූ සපත්තුවක් සොයා ගැනීම, ආදරණීයයෙකු අහිමි වීමෙන් මාසයක් තිස්සේ කම්පාවීම හෝ සීනි නොමැතිව සතියක් ජීවත්වීම විය හැකිය.

සුභ පැතීමට අමතන්න, කාඩ්පතක් යවන්න, නැතහොත් දිවා ආහාරය සඳහා පිටතට යන්න. අපගේ ආශීර්වාද එකට බෙදාගැනීමෙන්, කෘතඥතාවෙන් යුතුව ජීවත්වීමෙන් සහ අන් අයගේ ආශීර්වාද හා සාර්ථකත්වයන් සැමරීමෙන් අපට “අපගේ සහෝදරයන්ගේ ප්‍රීතිය තුළ අපටද ප්‍රීති විය හැකිය” (ඇල්මා 30:34).

සමහර විට අන් අය සමඟ ප්‍රීතිවීම යනු අපගේ ජීවිතවලට කුමන දුෂ්කරතා හෝ ප්‍රීතියක් තිබුණත් - ප්‍රීතිවීමට හේතු දැකීමට ඔවුන්ට උපකාර කිරීමයි. ස්වර්ගික පියාණන් අප ගැන දන්නා අතර අපව නඟා සිටුවීමට සූදානම්ව සිටින බව දැනගන්නා සරල සත්‍යය ඇදහිය නොහැකි තරම් ප්‍රීතියක් විය හැකිය.

ස්වාමින්වහන්සේගේ හස්තය ඔවුන්ගේ ජීවිත තුළ දැකීමට, එය ඔබේ ජීවිතයේ දුටු ආකාරය බෙදාගැනීමෙන් ඔබට අන් අයට උදව් කළ හැකිය. ඔබගේ අභියෝග වලදී ස්වර්ගික පියාණන්වහන්සේ ඔබට උපකාර කළ ආකාරය බෙදාගැනීමට තරම් අවදානමට ලක්වන්න. මෙම සාක්ෂිය අන් අයට උන්වහන්සේ ඔවුන්ට උපකාර කළ ආකාරය හඳුනාගැනීමට සහ පිළිගැනීමට උපකාරී වේ (බලන්න මොසායා 24:14).

අවාසනාවකට මෙන්, සමහරවිට විශේෂයෙන් අපට පිරිනැමිය යුතු දේ හෝ අප ජීවිතයේ කොතැනද යන්න පිළිබඳව අපට අනාරක්ෂිත බවක් දැනෙන විට අපට අන් අය සමඟ ප්‍රීතිවීමට ඇති හැකියාව සීමා කළ හැකිය. තවත් කෙනෙකුගේ සතුටින් ප්‍රීතිය සොයා ගැනීම වෙනුවට, අපි සැසඳීමේ උගුලට වැටෙන්නෙමු. ප්‍රේරිතයන් දොළොස්දෙනාගේ ගණපූර්ණයෙහි වැඩිහිටි ක්වින්ටින් එල්. කුක් ඉගැන්වූ පරිදි: “ආශිර්වාද සංසන්දනය කිරීමෙන් ප්‍රීතිය දුරු වේ. අපට එකවර ස්තුතිවන්ත සහ ඊර්ශ්‍යා විය නොහැක.”³

ප්‍රේරිතවරුන් දොළොස්දෙනාගේ ගණපූර්ණයේ වැඩිහිටි ජෙෆ්රි ආර්. හොලන්ඩ් මෙසේ ඇසුවේය “සෑම කෙනෙකුටම පාහේ මෙවැනි ප්‍රවණතාවක් ජය ගන්නේ කෙසේද?” “… අපට බොහෝ ආශිර්වාද ගණන් කළ හැකි අතර අන් අයගේ ජයග්‍රහණ අගය කළ හැකිය. සියල්ලටම වඩා, අපට අන්‍යයන්ට සේවය කළ හැකිය. එය හදවත සඳහා මෙතෙක් නියම කර ඇති හොඳම ව්‍යායාමයයි.”⁴ සංසන්දනය කරනවා වෙනුවට, අප දේසේවය කරන අයව අපට වර්ණනා කළ හැකිය. ඔවුන් හෝ ඔවුන්ගේ පවුලේ සාමාජිකයන් ගැන ඔබ අගය කරන දේ නිදහසේ බෙදාගන්න.