Hau Spirit Ken (na Bai) Halivim Yu Long Minista

Askim long Kisim Kaunsel Papa long Heven i laikim yumi long toktok wantaim em thru long preya. Preya i no larim yumi kam klostu moa long Em tasol, tasol em i banisim tu ol “blesing we God i laik pinis long givim tasol i sanap antap long sampela samting long askim bilong yumi long ol.”² “Taim yumi prei na painim long save gut long bel bilong ol,” Sista Cordon i tok, “Mi testifai olsem Papa long Heven bai direktim yumi na Spirit bilong Em bai go wantaim yumi,”³

Noken Wet long Wanpela i Tokim Yu long Wokim Go het na wokim. Stap “na bisi long wokim samting” (Doktrin na ol Kavanen 58:27), na yu bai painim olsem bai yu kisim kaunsel long ol hat wok bilong yu na bai yu megnifaim ol. “Go het wantaim ol sevis na wok bilong yumi em i wanpela impoten wei long redim yumi long revelesen,” Presiden Dallin H. Oaks, Nambawan Kaunsela long Nambawan Presidensi i tok. “Long stadi bilong mi long ol Skripsa mi lukim olsem planti long ol revelesen long ol pikinini bilong God i save kam taim ol i wok long wok stap, i no taim ol i sindaun tasol long ples bilong ol na wetim long Bikpela long tokim ol long wanem nambawan step long kisim.”⁴

Kisim Kaunsel bilong Momon. Yumi i no nid long sindaun nating tasol na wari nambaut long sapos dispela tingting em i wanpela i tokim yu o nogat. I no taim yumi gat isi ki bilong Momon long save: Sapos yu i gat tingting em i tokim yu long wokim gutpela samting na long bilip o long halivim ol narapela long bilip long Krais, yu i ken save em i kam long God (lukim Moronai 7:16).

Noken Wari long En. “Kalap tasol i go insait long wara na swim,” Elder Jeffrey R. Holland bilong Kwarum bilong ol Twelpela Aposol i tok. “Go het long olsem long lain i gat nid. Noken kamap olsem man i no inap long muv na wok lok laik save sapos yu i mas wokim wanpela swim go bek o wanpela swim olsem dok. Sapos yumi bihainim ol as tingting olsem ol i tisim yumi, stap stret wantaim ol prishud ki, na wok long painim Holi Spirit long soim rot long yumi, yumi i no inap long feil.”⁵

Stret Wei. Sista Susan Bednar (meri bilong Elda David A. Bednar bilong Kwarom bilong ol Twelpela Aposol) i wanpela bikpela eksampol long bihainim ol tingting. Elda Bednar i sherim olsem, bihain long prei “long ai bilong spirit long lukim ol dispela lain husat i gat nid,” em i save lukluk raun long ol lain insait long haus lotu na planti taim “save pilim wanpela liklik tas long visit wantaim o mekim wanpela fon kol long wanpela man o meri,” “Na taim Sista Bednar save kisim dispela kain filing, em i save kwiktaim bekim na harim tok. Em i planti taim olsem bihain tasol long ‘amen’ i pinis long benediksen, em bai toktok wantaim wanpela yangpela o holim pas wantaim wanpela sista or, bihain tasol long kamap long haus, kwiktaim bai kisim fon na mekim wanpela fon kol.”⁶

Long Strong Long Bungim Pen Long Taim Nogut. Poret long pasin bilong tanim baksait na filing bilong sem, filing olsem yu no inap, o olsem yu bai givim problem inap long stopim yumi long bihainim wanpela tingting long minista. “Long kainkain taim na kainkain wei, yumi olgeta save pilim olsem yumi i no inap, no save gut, ating pilim tu olsem yumi i no gutpela inap,” Elda Gerrit W. Gong bilong Kwarom bilong ol Twelpela Aposol i tok. “Tasol long ol feitful hat wok bilong yumi long lavim God na long minista long ol neiba bilong yumi, yumi inap long pilim lav bilong God na nidim wei bilong litimapim tingting long laip bilong ol na bilong yumi long ol nupela na moa holi wei.”⁷

Wanpela brada i sherim hau em i bin gat tupela tingting long putim han i go aut long man bilong wanpela meri husat i bin laik long kilim em yet. Tasol bihain tru em i bin askim dispela man long go long kaikai long belo wantaim em. “Taim mi tok, ‘Meri bilong yu i laik kilim em yet. Dispela i bin mas traipela samting moa yet long yu. Bai yu laik toktok long en?’ em i krai tasol, brada hia i sherim. “Mitupela i bin gat wanpela toktok we i gat gutpela bel na klostu stret long lewa na kamapim wanpela gutpela pasin bilong poroman na tras long liklik taim tasol. ”⁸