Mi Inap Long Halivim Wanpela Long Senis?

Yumi bin kamap wantaim save long senis. Long gro i go long santu potensel bilong yumi em i as bilong ekspiriens bilong yumi long dispela laip. Wanpela long ol nambawan gol bilong yumi long ministering em long halivim ol narapela long kam long Krais na mekim senis i impoten long go bek long stap wantaim Em. Tasol bikos long laik bilong wanwan bilong ol yet, wok bilong yumi long halivim ol long kamap moa olsem Krais em i sot.

Long hia em sevenpela pawaful skul i kam long Sevia long hau yumi inap long halivim ol narapela long ol hatwok bilong ol long senis na kamap moa olsem Em.

1. Noken Poret long Invaitim Senis

   Sevia i no bin poret long invaitim ol narapela long lusim ol olpela wei bihain na holim pas ol tising bilong Em. Em i bin invatim Pita na Jems long lusim wok bilong ol na “kamap fisamen bilong ol man” (Mak 1:17). Em i bin invaitim dispela meri husat bin stap insait long pamuk pasin long “go, na noken sin gen” (Jon 8:11). Em i bin invaitim dispela yangpela rits man long lusim pas bilong em wantaim ol samting bilong dispela graun na bihainim Em (lukim Mak 10:17–22). Yumi tu i ken nogat poret na soim lav taim yumi invaitim ol narapela long mekim senis na bihainim Sevia.

2. Tingim Em i Sois Bilong Ol long Senis

   Dispela kain senis Sevia i invaitim yumi no inap long fosim. Sevia i bin tis na invaitim, tasol Em i no bin fosim. Dispela yangpela rits man i bin “go wantaim sori” (Matiu 19:22). Long Capernaum, planti bilong ol disaipol bilong Em i bin “go bek,” na Em i bin askim ol Twelpela sapos ol tu bai go (lukim Jon 6:66–67). Sampela bilong ol lain bilong Jon Baptais bin laik long bihainim Sevia, ol narapela i no bin laik (lukim Jon 1:35–37; 10:40–42). Yumi inap invaitim ol narapela long kamap moa olsem Em, tasol yumi no inap long mekim disesen long senis bilong ol. Na sapos ol i no yet laik long senis, yumi i mas noken giv ap—na tu noken pilim olsem yumi bin feil.

3. Beten long Save Bilong ol Narapela long Senis

   Long Beten Bilong Em Long Ol Narapela, Jisas i bin askim God olsem ol disaipol bilong Em bai noken bungim ol samting nogut, bai ol i kamap moa olsem Em na Papa, na bai ol i pulap wantaim lav bilong God (lukim Jon 17:11, 21–23, 26). Na long save olsem Pita bai nidim strong long ol hatwok bilong em long gro i go long wok bilong em, Sevia i bin beten long em (lukim Luk 22:32). Ol beten bilong yumi long ol narapela i ken mekim kamap samting i narakain (lukim Jems 5:16).

4. Tisim Ol long Trastim Pawa bilong Em

   Thru long Sevia tasol bai yumi i ken senis tru na gro i go long dispela santu potensel yumi olgeta i gat. Em i “wei, trut na laip: nogat man bai kam long Papa, tasol long [Em]” (Jon 14:6). Em i pawa bilong Em we i ken “mekim ol wik samting kamap strong” (Ita 12:27). Em i bin feit long baim bek pawa bilong Em we i bin mekim Yangpela Alma long senis (lukim Alma 36:16-23). Yumi inap long tisim ol narapela long trastim Sevia olsem bai ol tu inap long gat pawa bilong Em bilong wokim ol kamap gut insait long laip bilong ol.

5. Wokim long Ol olsem Ol Inap Kamap

   Lav na wanbel pasin inap kamap olsem ol wei i gat bikpela pawa bilong senis. Dispela meri long wel bin wok long stap wantaim wanpela man husat i no man bilong em. Ol disaipol bilong Jisas i bin “kirap nogut olsem em i bin toktok wantaim dispela meri” (Jon 4:27), tasol Jisas i wari moa long wanem dispela meri em inap long kamap bihain. Em i tisim em na givim em opotuniti long senis, we em i bin wokim. (Lukim Jon 4:4–42.)

   Taim yumi wokim long ol narapela olsem ol i bin stap tasol i no lukluk long wanem kain manmeri ol inap long kamap, yumi inap long holim ol bek. Long ples bilong dispela kain pasin, yumi i ken fogiv na lus tingting long ol asua bilong bipo. Yumi i ken bilip olsem ol narapela inap long senis. Yumi i ken i no lukluk long asua na luksave long ol gutpela pasin we ol yet i no inap long lukim long ol yet. ”Yumi i gat risponsibiliti long lukim ol wanwan manmeri i no olsem ol i stap nau tasol olsem ol inap kamap bihain.”¹

6. Larim Ol I Go long Wokabaut bilong Ol Yet

   Senis bai kisim taim. Yumi mas olgeta “stap wantaim long pasin bilong sanap strong long karim hevi inap [yumi] kamap gutpela olgeta” (Doktrin na Ol Kavanen 67:13). Jisas i bin gat pasin bilong sanap strong na karim hevi wantaim ol narapela na bin stap yet long tisim ol manmeri, wantaim tu ol dispela husat wok long go agensim Em, wok long testifai long wok bilong Em Papa bilong Em i bin givem Em na bekim ol askim bilong ol (lukim Matiu 12:1–13; Jon 7:28–29). Yumi inap long stap wantaim pasin bilong sanap strong na karim hevi wantaim ol narapela na strongim bel bilong ol long gat dispela pasin bilong sanap strong na karim hevi long ol yet.

7. Noken Giv Ap Sapos Ol Go Bek long Ol Olpela Wei

   Bihain long taim Krais i bin dai, Pita tu na ol sampela bilong ol narapela Aposol bin go bek long wanem samting ol bin save moa long en (lukim Jon 21:3). Krais i bin tokim gen Pita olsem em i nid long “givim kaikai long ol sipsip bilong [Em]” (lukim Jon 21:15–17), na Pita bin go bek long dispela ministry. Em inap long isi turu long go bek long ol wei bilong bipo. Yumi i ken stap long sapotim wantaim isi isi tok bilong strongim bel na gutpela invitesen long stap long bihainim Sevia na wok hat long kamap olsem Em.