Ministering Em Long Lukim Ol Narapela olsem Sevia I Lukim Ol

Baibel i toktok long wanpela stori planti bilong yumi i save long en long wanpela yangpela rits man husat askim hau long kisim laip oltaim oltaim: “Bihain nau Jisas wok long lukim em, i bin lavim em, na tok olsem long em, Wanpela samting yu i nogat em: go het long wokabaut bilong yu, salim ol wanem samting yu i gat, na givim long ol pua lain, na bai yu gat ol gutpela gol samting long heven: na kam, karim dispela kros, na bihainim mi” (Mark 10:21).

Taim Elda S. Mark Palmer bilong ol Seventi i lukluk gut long dispela skripsa sampela yia i go pinis, wanpela nupela hap bilong dispela stori i kwiktaim sanap i kamaut long em.

“‘Bihain nau Jisas wok long lukim em i bin lavim em.’

“Taim mi bin harim ol dispela tok, wanpela klia piksa i pulapim tingting bilong mi long Bikpela bilong yumi wok long stop na wok long lukim dispela yangpela man. Wok long lukim—olsem long lukluk i go dip insait na i go insait long sol blong em, luk save long gutpela bilong em na tu long potensel bilong em, na tu luk save long bikpela tru nid bilong em.

“Na bihain nau ol isi tok—Jisas i bin lavim em. Em i bin pilim bikpela moa lav na sori pasin long dispela gutpela yangpela man, na bikos long dispela lav na wantaim dispela lav, Jisas askim moa yet long em. Mi bin lukim wanem dispela yangpela man i bin mas pilim long pilim dispela kain lav i holim pasim em tu long taim Bikpela wok long askim em long wokim samting we i traipela na hat tumas olsem long salim olgeta samting we i bilong em na givim i go long ol pua lain. …

“[Mi bin askim mi yet] ‘Hau bai mi ken pulap wantaim dispela kain lav bilong Krais olsem bai ol [narapela] i ken pilim dispela lav thru long mi na laik long senis?’ Hau bai mi i ken lukim [ol wanwan manmeri arere long mi] long sem wei Bikpela i bin lukim dispela yangpela rits man, wok long lukim ol long husat stret em ol na husat ol inap kamap, na ino long wanem tasol ol i mekim o ol ino mekim? Hau bai mi i ken kamap moa olsem Sevia?”¹

Long lainim long lukim ol narapela lain olsem Sevia i save bringim ol rits na gutpela samting. Hia em ol sampela tingting we i ken halivim yumi taim yumi wok long wok i go long dispela gol.

• Kamap long Save long Ol
  Mekim hat wok long kamap long save long ol pipol moa yet long ol skin antap tasol. Luk save olsem long bildim ol rileisensip em i save kisim taim and tru tru hat wok. (Lukim Ogas 2018 Ministering Principles toktok “Building Meaningful Relationships” long kisim halivim.)

• Glasim Yu Yet
  Lukluk klostu long ol jasmen ating yu wok long mekim long pasin o long tingting. Lukluk gut long ol bilip tingting yu wok long mekim long ol narapela lain na traim long kisim gut wai yu pilim olsem long ol.

• Holim Bek Jasmen
  Luk save olsem sindaun bilong yumi i no save mekim klia prais bilong wanwan manmeri. Putim yu yet long su bilong ol na tingim hau yu bai laikim ol narapela lain long lukim yu sapos yu bin stap long ol dispela wankain sindaun. Long brukim ol sois na pasin bilong wanpela man o meri long ol bilip bilong bel bilong ol na divain potensel bilong ol i ken halivim yumi long lukim ol olsem Sevia i save lukim ol.

• Prei long Lavim Ol
  Prei na kolim nem bilong ol olgeta taim na long dispela strong long bel long kamapim wanpela trupela pasin bilong poroman. Kisim lukluk wantaim preya long sevis bilong yu. Igat spes namel long wanem yu wok long mekim na wanem ol i nidim tru?

Jisas i bin yusim taim bilong Em wantaim ol pipol bilong kainkain sindaun long laip: ol rits, ol pua, ol bos lain, na ol pipol nating. Planti taim ol narapela lain i bin save jasim Em long wei i no stretpela taim ol i lukluk long Em na lukluk bilong Em we i lukluk olsem em i pua na i no impoten. “Taim yumi bai lukim em, i nogat luk nais bilong em olsem yumi bai laikim em. … Ol lain bin no laikim em, na yumi i no laikim em tumas” (Isaiah 53:2-3).

Wanpela sista i sherim dispela stori long hau em i lainim long lukluk long wanpela neiba bilong em wantaim ai bilong Krais:

“Julia (nem i senis) i bin save stap klostu long mi na i bin luk olsem em i no bin gat ol poroman bilong em. Em i bin save olgeta taim luk sori na kros. Maski long dispela, mi bin pasim tingting long kamap poroman long em. I no poroman tasol long wanwan taim, tasol wanpela trupela poroman. Mi save toktok wantaim em olgeta taim mi save lukim em na mi soim interes long ol wanem samting em i wok long mekim. Isi isi, mi kamapim wanpela promis bilong pasin poroman wantaim em, dispela i bringim hamamas tru i kam insait long lewa bilong mi.

“Wanpela de, mi pasim tingting long visitim em na askim em long disisen bilong em long noken go long sios.

“Mi lainim olsem em i nogat famili o ol lain bilong em i stap klostu. Wanpela famili tasol bilong em, wanpela brata husat i save stap long we, save toktok wantaim em wanpela taim tasol long wanpela yia long telepon. Taim mi bin wok long harim em wok long kapsaitim bel hevi bilong em, na kros bikos em i bin no inap long mekim wanpela samting long famili bilong em na Sios, wanpela pilim bilong sori pasin we mi bin no inap long rausim na lav long dispela sista i karamapim mi strong stret. Mi pilim ol pen na hevi bilong em bikos em i bin no inap long mekim wanpela samting. Mi bin save moa nau long hau laip bilong em i sori long wanem em i save stap em wanpela tasol. Em i bin olsem mi bin harim wanpela toktok baksait long mi olsem: ‘Mi lavim em tu. Lavim em na rispektim em.’

“Mi sindaun na harim inap em i no bin gat moa wanpela samting long tok. Mi pilim lav na sori pasin long em. Dispela em wanpela sista husat i no bin gat save long olsem wanem wanpela inap long lavim em. Kwiktaim tru mi kisim gut em dip moa yet. Mi tenkim em long larim mi long visit wantaim em, na mi lusim em wantaim wanpela holimpas na wantaim lav na rispek bilong mi long em. Em bai no inap stret long save hau em i bin tasim mi long dispela visit bilong mi wantaim em. Papa long Heven i bin opim ai bilong mi na tisim mi olsem mi gat save long save gut long lavim wanpela wantaim bikpela moa yet sori pasin. Mi bin sanap strong long disisen bilong mi olsem i no long poroman wantaim em tasol, tasol tu long kamap famili long em.

Em i wanpela sekret samting long kisim invitesen i go insait long laip bilong narapela. Wantaim preya, strongpela bel, na halivim bilong Spirit, yumi ken lain long wokim dispela wantaim moa visin olsem Krais.