Mekim Wok Ministering I Gat Hamamas

Ol i bin mekim klia long as bilong tok olsem joy em i “wanpela filing bilong bikpela belgut na hamamas.”¹ Ol profet bilong ol las de bin givim tok klia long we hamamas i save kam long en na hau wanpela inap long painim. “Dispela hamamas yumi pilim em i no kam long sindaun bilong ol laip bilong yumi tasol em i olgeta samting long lukluk long ol laip bilong yumi,” Presiden Russell M. Nelson i tok. “… Hamamas i kam long, na bikos long [Jisas Krais]. Em i as bilong olgeta hamamas.”²

Taim Lihai bin kaikai dispela prut bilong diwai bilong laip, sol bilong em i bin pulap “wantaim tru tru bikpela hamamas” (1 Nifai 8:12). Nambawan laik bilong em i bin long sherim dispela prut wantaim ol dispela lain em i lavim ol.

Laik bilong yumi long minister long ol narapela lain inap long bringim dispela kain hamamas long yumi na long ol. Sevia bin tisim ol disaipol bilong Em olsem dispela prut yumi bringim kamaut taim yumi pas wantaim Em bai halivim long bringim i kam long yumi olgeta hamamas tru (lukim John 15:1-11). Wokim wok bilong Em long sevim na painim ol narapela lain long bringim ol long Em inap long kamap olsem wanpela ekspiriens i gat hamamas (lukim Luke 15:7; Alma 29:9; Doktrin na ol Kavanen 18:16; 50:22). Yumi inap long ekspiriensim dispela hamamas tu long pes bilong ol samting i agensim yumi na ol taim yumi pilim pen (lukim 2 Corinthians 7:4;Colossians 1:11).

Sevia i soim yumi dispela nambawan tru eksampol olsem wanpela long ol bikpela moa as bilong trupela hamamas long laip long dispela graun yumi inap long painim long sevis. Taim yumi minister long ol brata na susa bilong yumi olsem Sevia, wantaim trupela lav bilong Jisas Krais na lav insait long lewa bilong yumi, yumi inap long ekspiriensim hamamas we i go moa long liklik hamamas.

“Taim yumi holimpas [ministering] wantaim lewa i laik long wokim, yumi bai … kamap klostu moa long kamap olsem wanpela Saion pipol na pilim narakain hamamas wantaim ol dispela lain husat yumi bin halivim long dispela rot bilong disaipolsip,” Sista Jean B. Bingham, Rilif Sosaiti Jenerol Presiden i bin tis.³

I gat planti moa wei long bringim bikpela moa hamamas i kam insait long ministering bilong yumi. Long hia em sampela tingting:

1. Kisim gut as tingting bilong yu long ministering wok. I gat planti as tingting long minister. Na bihain tru, ol hatwok bilong yumi i mas sapotim as tingting bilong God long “bringim i kamap laip i no save pinis na laip oltaim oltaim bilong man” (Moses 1:39). Taim yumi wok long wanbel long invitesen bilong Presiden Russell M. Nelson long halivim ol narapela long dispela kavanen rot, yumi inap long painim hamamas long kam insait long wok bilong God.⁴ (Long lukim moa long dispela as tingting bilong ministering, lukim “Ministering Principles: The Purpose That Will Change Our Ministering,” long Janueri 2018 Liahona).

2. Mekim ministering lukluk moa long ol pipol na i no long ol wok. Presiden Thomas S. Monson bin save tokim yumi gen: “I nogat wanpela taim bai yumi i mas larim wanpela problem yumi laik stretim long kamap moa impoten long lavim wanpela manmeri.”⁵ Ministering em long lavim ol pipol, na i no long ol samting yumi bai wokim. Taim yumi wok long kamap long lavim ol narapela olsem Sevia i bin wokim, yumi bai opim dua moa long dispela hamamas we i kam long sevim ol narapela lain.

3. Mekim ministering isi. Presiden M. Russell Ballard, Ekting Presiden bilong Kwarom bilong ol Twelpela Aposol, i tokim yumi: “O bikpela samting bai kamap thru long ol isi na liklik samting. … Ol liklik na isi wok bilong gutpela pasin na sevis bai bung i go kamap wanpela laip i bai pulap wantaim lav long Papa long Heven, trupela pasin long wok bilong Bikpela Jisas Krais, na filing bilong bel isi na hamamas olgeta taim yumi putim han go aut long wanpela narapela.”⁶

4. Rausim wari long ministering. Em i no risponsibiliti bilong yu long stretim salvesen bilong wanpela man o meri. Dispela em i stap namel long dispela man o meri na Bikpela. Risponsibiliti bilong yumi em long lavim ol na halivim ol long tanim i go long Jisas Krais, husat i Sevia bilong ol.

Sampela taim ol lain i save les long askim long halivim ol i nidim, olsem na long givim sevis bilong yumi i ken kamap olsem wanem samting tasol ol i nidim. Tasol long suim yumi yet long ol lain em tu, i no bekim. Long askim orait bilong ol bipo long ministering em i gutpela tingting.

Elda Dieter F. Uchtdorf bilong Kwarom bilong ol Twelpela Aposol bin tokim wanpela singol mama husat i bin kisim sik chicken pox—na bihain ol pikinini bilong em i bin sik tu. Dispela haus bilong ol we planti taim i save klin i bin kamap bung wantaim planti pipia na gat planti rabis. Ol doti dis na doti klos i bin pulap.

Long taim em i bin pilim olsem ol samting winim em ogleta, ol Rilif Sosaiti sista bin nok long dua bilong em. Ol no bin tok, “Tokim mipela sapos mipela inap long halivim.” Taim ol i lukim stap bilong em, ol bin kwiktaim kirap na wokim samting.

“Ol bin kliarim ol dispela doti, bringim lait na klia lukluk i kam insait long dispela hom, na singautim wanpela pren long bringim i kam sampela samting ol i bin nidim stret. Taim ol i bin pinisim wok bilong ol na tok ol gudbai bilong ol, ol i bin lusim dispela yangpela mama wantaim aiwara—aiwara bilong bikpela tenkyu na lav.” ⁷

Ol lain i givim na husat i kisim tupela wantaim i pilim dispela gutpela hamamas.

Taim yumi planim na lukautim moa hamamas, pis, na gutpela stap long laip bilong yumi, bai yumi inap long sherim moa wantaim ol narapela lain taim yumi wok long minister. Hamamas i save kam thru long Holi Gos (lukim Galatians 5:22 and Doktrin na ol Kavanen 11:13). Em i samting yumi i ken prei long en (lukim Doktrin na ol Kavanen 136:29) na invaitim i kam insait long laip bilong yumi. Long hia em sampela tingting long planim na lukautim hamamas long laip bilong yumi yet:

1. Kautim ol blesing bilong yu. Taim yu wok long glasim laip bilong yu, raitim long jenel bilong yu ol dispela samting em God i bin blesim yu wantaim.⁸ Lukluk gut long ol gutpela samting olgeta hap raun nambaut.⁹ Putim yau gut long wanem samting i wok long holim bek yu long pilim hamamas na raitim go daun ol wei long stretim o moa beta save gut long ol. Long taim bilong Ista, kisim taim long painim bikpela moa koneksen wantaim Sevia (lukim Doktrin na ol Kavanen 101:36).

2. Traim na traim gen long kisim klia tingting. Hamamas i ken painim yu isi moa long taim bilong stap isi na tingting.¹⁰ Harim gut long wanem samting em i save bringim hamamas i kam long yu (lukim 1 Chronicles 16:15). Long lusim tv, niuspepa, komputa na redio inap sampela taim i impoten long traim na traim gen long kisim klia tingting.¹¹

3. Lusim long skelim yu yet. Sampela i bin tok olsem long skelim yumi yet em i save stilim hamamas. Paul i bin tok lukaut olsem ol dispela lain husat i save “skelim ol yet, na skelim ol yet namel long ol yet, em i no gutpela” (2 Corinthians 10:12).

4. Painim revelesen bilong yu yet. Sevia i bin tis olsem: “Sapos yu bai askim, bai yu kisim revelesen antap long revelesen, save antap long save, olsem bai yu inap long save long ol tokhait na samting we bai givim pis—ol dispela bai bringim hamamas, ol dispela bai bringim laip oltaim oltaim” (Doktrin na ol Kavanen 42:61).

Hau bai yu inap long antapim dispela hamamas yu painim long laip bilong yu thru long ministering?