Hau long Sherim Testimoni Isi Tasol

Testimoni i no nid long stat wantaim dispela hap tok, “mi laik long autim testimoni bilong mi,” na em i no nid long pinis wantaim, “long nem bilong Jisas Krais, amen.” Testimoni em i wanpela hap tokaut long wanem samting yumi bilip na save olsem em i tru. Olsem na long visit wantaim neiba bilong yu long rot long wanpela problem em i wok long gat na long tok, “mi save olsem God i save bekim ol preya,” inap long kamap olsem i gat pawa olsem tasol wanpela testimoni wanpela i autim long pulpit long sios. Dispela pawa i no i kam long naispela toktok; em i kam long Holi Gos husat i konfemim tok tru (lukim Doktrin na ol Kavanen 100:7–8).

Sapos yumi laik long toktok wantaim ol narapela lain, i gat planti opotuniti raun long yumi long putim testimoni i go insait long toktok bilong olgeta de. Long eksampol:

• Wanpela i askim yu long wiken bilong yu. Yu bekim, “Em i bin gutpela.” “Sios i bin wanem samting mi bin nidim.”

• Wanpela i tok sori taim em i harim long wanpela salens long laip bilong yu: “Mi sori tru.” Yu bekim: “Tenkyu long sori tingting bilong yu. Mi save olsem God bai kisim mi go thru long dispela. Em i bin stap long halivim mi bipo.”

• Wanpela i tok: “mi hop dispela taim nogut bai senis klostu,” o “Dispela bas i leit tru,” o “Lukim ol dispela kar.” Yu inap long bekim: “mi save tru olsem God bai halivim olgeta samting long kamap stret.”

Planti taim yumi save toktok long wanpela narapela long ol salens bilong yumi. Sapos wanpela i tokim yu long wanem samting ol i wok long bungim, yu inap long sherim wanpela taim, taim God i bin halivim yu long ol traim bilong yu na testifai olsem yu save Em inap long halivim ol tu. Bikpela i tok Em i save strongim yumi long traim bilong yumi olsem na “bai yu inap long sanap olsem ol witnes bilong mi long bihain taim, na olsem yu inap save trutru olsem mi, Bikpela God, i save visitim ol pipol bilong mi long ol mekim save bilong ol” (Mosaia 24:14). Yumi inap long sanap olsem ol witnes bilong Em taim yumi testifai long hau Em i bin halivim yumi long ol traim bilong yumi.

Long sampela bilong yumi, long sherim testimoni bilong yumi kwiktaim long wanpela taim inap long mekim yumi poret liklik. I gat sampela wei yumi inap long plen pastaim na “stap redi olgeta taim long givim wanpela bekim long olgeta man husat i askim [yumi] wanpela as long dispela hop em i stap insait long [yumi]” (1 Peter 3:15).

Nambawan, long stap redi inap long min long lukluk long hau yumi save stap. Yumi wok long invaitim Holi Gos i kam insait long laip bilong yumi na strongim testimoni bilong yumi yet long wanwan de thru long stap long raitpela wei o nogat? Yumi wok long givim Spirit ol opotuniti long toktok long yumi na givim yumi long ol tok yumi nidim thru long preya na skripsa stadi o nogat? Olsem Bikpela i bin kaunselim Hyrum Smith, “Noken lukluk long autim tok bilong mi, tasol pastaim lukluk long kisim tok bilong mi, na bihain bai tang bilong yu i bai lus” (Doktrin na ol Kavanen 11:21).

Nambatu, long stap redi inap long min long lukluk go het na tingim ol opotuniti yu inap gat long dispela de o dispela wik long sherim testimoni bilong yu. Yu inap long redi long ol dispela opotuniti long tingting long hau ol inap long givim yu sans long sherim wanem samting yu bilip.

President Ballard i bin tis olsem, “Maski yumi inap long gat ol testimoni long planti samting olsem ol memba bilong dispela Sios, i gat sampela as tru tok yumi nid long olgeta taim tisim wanpela narapela na sherim.” Olsem ol eksampol, em i putim olsem: “God i Papa bilong yumi na Jisas em i Krais. Dispela plen bilong salvesen em i stap namel stret long Atonmen bilong Sevia. Joseph Smith bin bringim kambek olgeta toktok bilong dispela oltaim oltaim gospel bilong Jisas Krais, na Buk bilong Momom em i soim tok i tru olsem testimoni bilong yumi i tru.” Taim yumi wok long toktok long ol dispela tok tru long lewa bilong yumi, yumi invaitim Spirit long wokim witnes olsem wanem yumi bin toktok long en i tru. Presiden Ballard i tok strong olsem “Spirit i no inap long stop taim tokaut i kamaut bilong stretpela testimoni bilong Krais.”²

Skin i bin les nogut tru long wokabaut bilong em long Samaria, Sevia i bin stop liklik long malolo long wanpela hul bilong wara na bin bungim wanpela meri long hap. Em i statim wanpela toktok long kisim wara long dispela hul bilong wara. Long yusim dispela wok bilong wanwan de olsem dispela meri i wok long mekim i givim Jisas dispela opotuniti long testifai long dispela wara bilong laip na laip oltaim oltaim long ol dispela lain husat i bilip long Em (lukim John 4:13–15, 25–26).

Presiden Russell M. Nelson i toktok long wanpela nes husat bin askim long dispela taim em bin-Dr. Nelson wanpela askim bihain long wanpela hatpela wok bilong oporeitim man long hausik. “Wai na yu i no olsem ol narapela dokta bilong oporeitim ol man?” Sampela ol dokta bilong oporeitim ol man em i save long ol inap kamap kros-kwik na nogat rispek taim ol wok long wokim ol dispela wok i gat bikpela presa.

Dr. Nelson i bin inap long bekim long planti wei. Tasol em i bekim olsem tasol, “Long wanem mi save olsem Buk bilong Momon i tru.”

Bekim bilong em i bin mekim dispela nes na man bilong em long stadim Buk bilong Momon. President Nelson bihain i bin baptaisim dispela nes. Planti yia bihain, taim em i wok long stap olsem hetman long wanpela stek konferens long Tennessee, USA, olsem wanpela nupela Aposol, Presiden Nelson i hamamas long wanpela kirap nogut bung wantaim dispela sem nes. Em i toktok gen long kam insait bilong em long Sios, we i bin kamap long liklik testimoni bilong em na tanim bel bilong Buk bilong Momon, bin go pas long kam insait bilong narapela 80pla pipol long Sios.³

Noken poret long sherim testimoni bilong yu. Em inap long blesim ol dispela lain yu wok long minister long ol. Hau bai yu yusim ol dispela aidia o aidia bilong yu yet long sherim testimoni bilong yu tede?