Wokim kamap Sori Pasin long Minister

Sori Pasin em long save gut long filing bilong narapela manmeri, tingting, na sindaun bilong ol long lukluk bilong ol na i no long lukluk bilong yumi yet.¹

Long i gat sori pasin em i impoten long ol wok bilong yumi long minister long ol narapela na inapim as tingting bilong yumi olsem ol ministering brata na susa. Em i oraitim yumi long putim yumi yet long su bilong narapela manmeri.

Stori i stap long wanpela Las-de Seint man husat i save sem planti taim save sindaun long baksait bilong haus lotu em yet. Taim wanpela memba bilong elda’s kwarom i bin dai, bisop i bin givim ol prishud blesing long givim bel isi long ol famili memba bilong em. Ol Rilif Sosaiti sista bin bringim kaikai i kam. Ol gutpela poroman na neiba bilong ol i go visit wantaim famili na tok, “Yupela i mas tok save sapos i gat sampela samting mipela inap halivim wantaim.”

Tasol taim dispela man husat i save sem bin visitim dispela famili bihain long dispela de, em i ringim dobel na taim meri bilong man husat i dai i kam na opim dua, em tok tasol olsem, “mi kam long klinim ol su bilong yupela.” Long tupela aua, olgeta su bilong dispela famili bin klin na sain long redi long funerel. Long Sande bihain famili bilong dai man bin sindaun wantaim dispela man husat i save sem na sindaun long baksait.

Long hia em wanpela man husat i bin inap long bungim wanpela nid femili hia i bin gat. Em wantaim ol tu bin kisim blesing long ministering sori pasin i bin soim em long wokim.

I luk olsem sampela lain i bles wantaim presen bilong save long i gat sori pasin. Tasol long ol dispela lain husat i save painim hat, i gat gutpela nius. Long las tripela ten yia, namba bilong ol lain bilong wok painimaut long sori pasin i wok long gro. Taim planti bilong yumi wok long lukluk long dispela toktok wantaim kainkain wei, planti bilong ol wanbel olsem sori pasin em i wanpela samting yumi wanwan inap long lainim²

Yumi inap long pre long dispela presen bilong sori pasin. Long bai yumi inap long mekim gut moa, em i inap halivim yumi tu long gat moa beta save long hau sori pasin i save wok. Ol dispela tingting hia planti lain i save kisim olsem ol as samting bilong sori pasin.³ Taim ol dispela planti taim i save kamap na yumi no save olsem ol i wok long kamap, long luk save long ol bai givim yumi sans long lukim ol opotuniti long mekim gut moa.

Sori pasin i nidim sampela save long sindaun bilong narapela. Taim yumi moa beta save long sindaun bilong ol, em i kamap isi moa long save long hau ol i pilim long en na wanem yumi inap long wokim long halivim.

Long wok hat long harim, askim ol samting, na kaunsel wantaim ol na ol narapela em i impoten wok long save long sindaun bilong ol. Lainim moa long ol dispela samting long ol narapela Ministering Principles bilong pastaim:

• “Five Things Good Listeners Do,” Liahona, June 2018, 6.

• “Counsel about Their Needs,” Liahona, Sept. 2018,6.

• “Involve Others in Ministering as Needed,” Liahona,Oct. 2018, 6.

Taim yumi wok long painim aut long save, yumi mas kisim taim long save long wanwan sindaun bilong ol moa beta long yumi bilip long wankain sindaun bilong narapela manmeri yumi bin save bipo. Nogut, yumi inap abrusim mak na lusim ol stap wantaim filing olsem yumi no bin save gut long sindaun bilong ol.

Long ol wok bilong yumi long holim pasim ol kavanen bilong yumi long krai wantaim ol dispela lain husat i krai na givim bel isi long ol lain husat i gat nid long bel isi, yumi inap long pre long Holi Gos long halivim yumi long save wanem samting wanpela manmeri wok long pilim na hau yumi inap long halivim. ⁴

Taim yumi save long sindaun bilong wanpela manmeri, yumi wanwan—maski em i kamap tasol o nogat—inap long go thru long dispela eksasais long tingim wanem samting yumi bai tingim o pilim long dispela sindaun. Long save long ol dispela tingting na filing, wantaim Holi Gos long soim rot, dispela inap long halivim na soim rot long yumi long givim halivim long sindaun bilong ol.

Taim yumi wok long kamap long save long sindaun bilong narapela manmeri na tingim hau ol i pilim, em i impoten olsem yumi noken jasim ol wantaim pasin i no stret (lukim Matthew 7:1). Long toktok nogut long hau wanpela manmeri i go insait long dispela sindaun inap lidim yumi long ino luk save long pen dispela sindaun i wok long kamapim.

Hau yumi bekim em i impoten long wanem dispela i hau sori pasin bilong yumi ba soim aut. I gat planti wei long toktok klia save bilong yumi long toktok na long soim wantaim pasin yumi wokim. Em i impoten long tingim olsem samting yumi laik mekim kamap em i no long stretim asua tasol. Planti taim samting yumi laik mekim kamap em i isi tasol olsem long litimapim na strongim taim yumi mekim ol luk save olsem ol i no stap ol yet. Dispela inap min olsem yumi tok, “mi hamamas tru yu tokim mi” o “mi sori tru. Dispela ibin mas givim yu pen.”

Long olgeta wanwan taim bekim bilong yumi i mas trupela. Na taim em i stret, long mekim yumi lukluk olsem yumi tu inap long bagarap bai mekim ol narapela lukim ol hevi na poret bilong yumi inap long mekim kamap wanpela gutpela rileisensip.

Taim yu wok long tingim ol sindaun bilong ol dispela lain yu save minister long ol, tingting long stap insait long sindaun bilong ol na wanem samting yu bai painim bikpela halivim long en sapos yu stap long wankain sindaun olsem ol. Pre long save hau ol i pilim na bihainim dispela tingting i go. Bekim bilong yu inap long isipela, tasol em i bai i gat bikpela mining.