Ministering Principles, Janueri 2019
Dispela As Tingting Em Bai Senisim Ministering Bilong Yumi
Maski i gat planti as tingting bilong ministering i stap, ol narapela lain bai kisim bikpela moa senis bilong ol yet na kamap moa olsem Sevia, sapos yumi larim laik bilong yumi long halivim ol narapela, i soim rot long yumi.
Taim yumi lavim ol narapela lain olsem Sevia i lavim ol, yumi laik long halivim ol olsem Em i bin halivim ol. Olsem dispela Gutpela Wasman Bilong Ol Sipsip, Em i bikpela moa eksampol bilong ministering we i gat mining.
Long mekim ministering bilong yumi long luk olsem bilong Em, em i impoten long tingim olsem ol wok bilong Em long lav, litimapim man, sev, na blesim man bin gat gol antap moa long bungim nid bilong nau. Tru Em i bin save long nid bilong ol long wan wan de na bin gat sori pasin long ol pilim pen bilong ol. Olsem na Em i bin hilim ol, givim ol kaikai, na tisim ol. Tasol Em i bin laik long wokim moa long lukautim ol long nek i drai bilong ol long tede (lukim Jon 4:13-14). Em i bin laikim ol dispela husat i stap wantaim Em long bihainim Em (lukim Luk 18:22; Jon 21:22), save long Em (lukim Jon 10:14; Doktrin na Ol Kavanen 132:22-24), na bungim divain potensol bilong ol (lukimMatyu 5:48). Dispela wankain samting em i tru tede (lukim Doktrin na Ol Kavanen 67:13.
I gat planti wei yumi inap long halivim long blesim ol narapela, tasol taim dispela arere gol bilong ministering bilong yumi em long halivim ol narapela long save long Sevia na kamap moa olsem Em, yumi bai wok long wok i go long dispela de taim yumi bai i no nid long tisim ol neiba bilong yumi long wanem yumi olgeta bai save long Em (lukim Jeremaia 31:34).
Lukluk Bilong Sevia I Bin Go ausait long Nid Bilong Nau
-
Planti lain i bin traim hat tru long bringim poroman bilong ol i go long Jisas long hilim em long sik palsi. Long pinis bilong en Sevia i bin hilim dispela man, tasol Em i bin gat laik moa long fogivim em long ol sin bilong em (lukim Luk 5:18-26).
-
Taim ol pipol bin bringim i go long Sevia dispela meri husat ol i bin kisim em long pasin adalteri, pasin bilong Em long holim wei bilong daunim na kotim em, i bin seivim laip bilong dispela meri long kisim bagarap long skin. Tasol Em i bin laik long seivim em tu long sait bilong spirit, na tokim em long “go, na noken sin moa” (lukim Jon 8:2-11).
-
Mary na Martha i bin salim tok i go long Jisas na askim Em long kam na hilim poroman bilong Em, Lazarus. Jisas, husat i bin hilim ol narapela lain long planti taim, i no bin hariap long go inap Lazarus i bin dai pinis. Jisas i bin save wanem samting dispela famili i bin laikim, tasol long kirapim Lazarus long dai, Em i bin strongim testimoni bilong ol olsem Em i divain (lukim Jon 11:21-27).
Wanem ol narapela eksampol yu inap long edim i kam long dispela lis?
Yumi Inap Long Wokim Wanem?
Sapos as tingting bilong yumi em long halivim ol narapela lain long kamap moa olsem Sevia, em i bai senisim hau yumi wok long minista. Hia em sampela wei dispela save gut inap long soim rot long yumi long minista.
Nambawan Tingting: Konektim Sevis Wantaim Sevia
Olgeta wok bilong yumi long wokim gutpela samting em i gat valu, tasol yumi i ken painim ol opotuniti long mekim sevis bilong yumi go bikpela taim yumi konektim wantaim Sevia. Olsem eksampol, sapos dispela famili yu save minista long ol i sik, sampela kaikai bai halivim, tasol liklik tokaut long lav bilong yu long ol bai planti moa wantaim testimoni bilong yu long lav Sevia i gat long ol. Halivim bilong yu long wok long yad bilong ol bai mekim ol hamamas, tasol bai ating i gat moa mining wantaim ofa long wanpela prishud blesing.
Elda Neil L. Andersen bilong ol Kwarom bilong ol Twelpela Aposol i bin tis olsem: “Wanpela man o meri wantaim gutpela bel inap long halivim narapela long fixim wanpela taya, kisim wanpela poroman i go long dokta, kaikai lans wantaim narapela husat i sori, o smail na tok halo long mekim de i luk gut.
“Tasol man i bihainim dispela nambawan komanmen bai save tasol long edim long ol dispela impoten pasin bilong sevis.”1
Nambatu Tingting: Lukluk long dispela Kavanen Rot
Long taim em i toktok long ol memba long nambawan taim olsem Presiden bilong Sios, Presiden Russell M. Nelson i tok, “Stap long dispela kavanen rot.” Mekim na holimpasim ol kavanen “bai opim dua long olgeta blesing bilong spirit na privilis i stap long yu kisim.”2
Olsem ol Seint long Las-de, yumi kisim baptais, konfem, na kisim dispela presen bilong Holi Gos. Ol stretpela man memba bai kisim prishud. Yumi go long temple long kisim endaumen bilong yumi na long sil wantaim ol famili bilong yumi long stap oltaim oltaim. Ol dispela seiving odinens na ol kavanen bilong go wantaim ol, ol i impoten long yumi long kamap olsem Em olsem yumi inap long stap wantaim Em.
Yumi i ken gat impoten hap long wokim long halivim ol narapela long dispela rot taim yumi halivim ol long holimpasim ol kavanen bilong ol na redi long mekim ol kavanen bilong taim bihain 3 Hau bai yu inap long halivim ol wanwan lain o ol famili yu save sevim long kisim neks odinens ol i nidim? Dispela inap long min olsem yu halivim wanpela papa long baptaisim pikinini meri bilong em, tok save long ol blesing bilong neks kavanen bai em i mas mekim, o sherim ol wei long gat wanpela moa ekspiriens wantaim mining taim em i wokim nupela gen kavanen bilong em taim em i kisim sakramen.
Nambatri Tingting: Invaitim na Strongim Bel
Taim em i stret, kaunsel wantaim ol dispela lain yu save lukaut long ol, long senis bilong ol na wok hat long kamap moa olsem Krais. Tokim ol long ol strong bilong ol yu lukim na laikim long ol. Painim aut we ol i pilim ol inap long kamap gut na toktok long hau yu inap long halivim. (Long lukim moa long hau long kaunsel wantaim, wantaim ol dispela lain long husat yu save minista, lukim “Counsel about Their Needs,” Liahona, Sept. 2018, 6–9.)
Noken poret long invaitim ol long bihainim Sevia na larim Em long halivim ol long kamap long divain potensol bilong ol. Dispela invitesen inap long senisim laip, taim i go wantaim tokaut bilong yu long bilip bilong yu long ol na feit long Em.
Sikspela Wei Yumi Inap Long Halivim Ol Narapela Long Go long Krais
Long hia em sampela tingting long sapotim ol narapela long mekim gutpela senis long laip bilong ol na go het long kavanen rot. (Lukim Preach My Gospel, sapta 11, long moa tingting.)
-
Sherim. Yu mas i gat stretpela pasin na noken poret taim yu sherim hau Sevia i bin halivim yu taim yu bin traim long go klostu moa long Em long holimpasim ol gospel prinsipol maski long ol sampela bagarap.
-
Promis long ol blesing. Ol pipol save nidim wanpela as tingting long senis we i gat pawa moa long ol as tingting long noken senis. Long tok klia long ol blesing we i go wantaim wanpela pasin inap long givim pawa long kirapim bel (lukim Doktrin na ol Kavanen 130:20-21).
-
Invait. Long stap inait long wanpela gospel prinsipol bai bringim wanpela testimoni we i tru (lukim Jon 7:17) na lidim wanpela i go long bikpela moa senis.4 Klostu long olgeta bung wantaim inap long putim wantaim wanpela liklik invetesen long wokim samting we inap long halivim ol long go het.
-
Plen Wantaim. Wanem samting i nid long kamap long ol long holimpasim ol promis long senis bai i kamapim win. Hau bai yu halivim? I gat taim lain long pinisim dispela?
-
Sapot. Sapos em inap long halivim, kamapim wanpela sapot grup long ol sampela lain husat inap halivim dispela man o meri long stap strong na win. Yumi olgeta nidim wanpela man o meri long go pas long hamamasim yumi.
-
Go bek na sek gen. Sherim go het bilong plen klostu klostu. Stap klostu na lukluk long dispela plen tasol wokim bai kamap gut sapos em i impoten. Sanap strong, long karim hevi, go het moa yet, na strongim bel. Senis bai kisim taim.
Invitesen long Mekim Samting Kamap
Tingim ol wei wok bilong yu long minista—bikpela na liklik wantaim—inap halivim ol narapela lain long kisim bikpela moa senis na kamap moa olsem Sevia.
© 2019 by Intellectual Reserve, Inc. All rights reserved. Printim long USA. Tok orait long Inglis: 6/18. Tok orait long tanim tokples: 6/18. Tanim Tok bilong Ministering Principles, January 2019. Tok Pisin. 15762 878