Tok Olsem Yu Laik long Lukaut

Sampela taim i nogat narapela wei long tokim narapela lain hau yu pilim long ol. Maski dispela inap long minim olsem yu wok long tokim wanpela olsem yu lavim ol, em i bai putim go insait tu olsem yu sherim wanem samting yu laikim long ol, o wok long givim wanpela tok hamamas we i gutpela tumas. Dispela kain tokaut bilong sapot bai halivim long strongim ol rileisensip. (LukimEphesians 3:19.)

• Painim wanpela opotuniti long larim dispela man o meri long save hamas tru yu laikim wanpela strong bilong em.

• Go long hap ol stap, ringim ol, o salim wanpela teks, o kat long tokim dispela man or meri olsem yu wok long tingting long ol.

Kisim sampela taim long toktok wantaim o harim wanpela man o meri em i wanpela pawaful wei long soim hamas yu valuim em. Maski yu visitim ol long hom, long sios, o long narapela hap, i gat planti lain husat i nidim wanpela ol inap long toktok wantaim. Lukim Mosiah 4:26; D&C 20:47.)

• Olsem long nid bilong dispela man o meri, makim taim long visit. Kisim taim long harim tru na save gut long ol stap bilong dispela man o meri.

• We em i olsem i hat long visitim ol hom bikos long longwe bilong en, ol pasin kalsa, o ol narapela samting, tingim long painim taim wantaim bihain long ol sios miting.

Tingting gut long wanem samting dispela man o meri o famili i nidim. Long givim sevis we i gat mining i tok olsem yu laik long lukaut. Em i bungim dispela gutpela presen bilong taim na gutpela tingting bilong strong bilong yu. “ Ol liklik wok bilong sevis inap gat kamap we i strongpela moa yet long ol narapela lain,” Sista Bingham i tok.²

• Givim ol sevis olsem bai strongim ol man o meri o ol famili bilong ol, olsem long was long ol pikinini taim ol papamama i ken go long temple.

• Painim ol wei long halivim long litimapim hevi taim sindaun i kam olsem bai winim ol, olsem klinim ol windo, kisim dok bilong ol go wokabaut, o halivim long klinim raun ausait long haus bilong ol.

I gat sampela manmeri husat i no save kisim gut samting taim toktok i go dip tumas. Long sampela lain, ol rileisensip i save kamap long taim yumi painim ol sem interes na long putim taim i go long wokim ol samting wantaim. Bikpela i singautim yumi olsem yumi “mas stap wantaim na strongim” (D&C 20:53) ol brata na susa bilong yumi.

• Go long wanpela wokabaut, plenim wanpela gem nait, o makim wanpela gutpela taim long eksesais wantaim.

• Sev wantaim long wanpela komuniti o sios projek.

Sampela taim, taim o opotuniti long wokim ol samting wantaim i no stap olgeta taim. Long planti kalsa, long givim presen em i mak bilong givim halivim na bel bilong sori pasin. Olsem wanpela liklik presen long wanwan taim, inap long soim interes bilong yu long bildin gutpela moa rileisensip. (Lukim Proverbs 21:14.)

• Kisim i go long ol wanpela kaikai yu save laikim tumas.

• Sherim wanpela hap tok, skripsa, o wanpela narapela mesis yu pilim olsem ol inap long kisim gutpela long en.

Taim yu wok long kamap long save long ol dispela lain husat yu save minista long ol na long husat yu save painim inspiresen, yu bai lainim moa long hau stret long soim lav na laik long lukaut bilong yu long ol wanwan.

Kimberly Seyboldt bilong Oregon, USA, i tok long wanpela stori bilong painim inspiresen na long givim presen long soim lav:

“Taim mi painim olsem laip i wok long pulim mi go daun, mi save kirap na mekim sukini bret, planti taim olsem eitpela lop olgeta. Spesol samting bilong mi em wanpela preiya mi save ofaim taim mi wok long bek i stap long save husat i gat nid long ol dispela lop bret. Mi bin inap long kamap save gut long ol lain neiba bilong mi raun nambaut long hap mi stap taim ol dispela hotpela sukini bret i bin kamap olsem invait bilong mi i go insait long ol hom na laip bilong ol.

“Wanpela de long taim bilong san, mi bin draiv go na stop long sait bilong rot we wanpela famili wok long salim ol blekberi. Mi no bin nidim moa blekberi, tasol dispela yangpela, bun nating mangi husat wok long sanap klostu long tebol bilong ol i bin hamamas stret long lukim mi, em wok long tingting olsem mi neks kastoma bilong em. Mi baim sampela blekberi, tasol mi bin gat wanpela presen bilong em tu. Mi bin givim dispela mangi tupela lop bret. Em i tanim long papa bilong em long kisim tok orait, na bihain i tok, ‘Lukim, Papa, nau yumi gat samting long kaikai tede.’ Mi bin pulap long bikpela tenkyu long dispela opotuniti long soim lav long wanpela isi wei.”

“Preiya bilong yumi tede,” Elda Jeffrey R. Holland bilong ol Kwarom bilong ol Twelpela Aposol i tok, em olsem olgeta man na meri—na ol bikpela yangpela man na yangpela meri—long [bai] ] … moa stret mekim promis bilong lukaut long wanpela narapela i kam long bel, i strong tasol wantaim puia lav bilong Krais long wokim olsem.” … Inap yumi wok sait sait wantaim Bikpela bilong gaden wain, na givim God na Papa bilong yumi olgeta wanpela han long halivim wantaim bikpela stret wok bilong Em long bekim ol preiya, givim kamfot, draim ol ai wara, na strongim ol skru i wik.”³

Bihain long Jisas Krais i kirapim Lazarus long dai, “Jisas i krai.

“Bihain i tok long ol Ju, Lukim hau em i lavim em!” (John 11:35–36).

“Mi gat bel sori long yupela,” Krais i tok i go long ol Nifaits. Bihain Em i singaut long ol sik lain bilong ol na ol pilim pen lain bilong ol, ol lek nogut lain bilong ol na ai pas lain, na “em i bin mekim ol orait gen” (lukim3 Nephi 17:7–9).

Sevia bin soim dispela eksampol long yumi taim Em i lukaut long ol narapela. Em i bin tisim yumi:

“Yu mas lavim Bikpela God bilong yu wantaim olgeta lewa bilong yu, na olgeta sol bilong yu, na olgeta tingting bilong yu.

“Dispela em i nambawan na bikpela komanmen.

“Na nambatu i wankain tu long en, Yu bai lavim neiba bilong yu olsem yu yet. (Matthew 22:37–39).

Husat i nidim lukaut bilong yu? Hau bai yu soim ol olsem yu laik lukaut long ol?