Kisim Halivim long Halivim Ol Narapela

Ol dispela inteviu long olgeta tripela mun namel long ol ministering sista na Rilif Sosaiti presidensi o ol ministering brata na eldas kwarom presidensi em ol wanpela opisol ripot tasol yumi bai wokim long ol dispela lain yumi minista long ol. Dispela inteviu i wanpela liklik opotuniti long olgeta tripela mun long (1) kaunsel long ol strong, ol nid, na ol salens bilong ol famili na wanwan manmeri ol i makim; (2) painim aut wanem ol nid kwarom, Rilif Sosaiti, o wod kaunsil inap halivim wantaim; na (3) lainim i kam long ol lida na bai strongim bel long ol ministering wok.

Presiden bilong eldas kwarom na presiden bilong Rilif Sosaiti salim tok long ol impoten nid i go stret long bisop na bai kisim kaunsel na rot long em.

Yu bai inap long painim moa infomesen long ol ministering inteviu long, ministering.lds.org.

Long sapotim toktok bilong Presiden Russell M. Nelson olsem dispela ministering program bai kamap wanpela hinj poin long we go het bilong Sios bai muv, Elda Gary E. Stevenson bilong ol Kwarom bilong ol Twelpela Aposol i bin tis olsem, “Long visin bilong em long kamap…ating i stap antap long hau stret ol ministering brata na sista kisim tising na toktok gut insait long ministering inteviu.” ²

Faivpela gutpela toktok bilong ol ministering brata na sista:

• Go long inteviu wantaim tingting long kisim kaunsel. Yu mas redi long lainim samting.

• Yu mas redi long diskasim ol nid olsem yu i ken nidim halivim long mitim ol.

• Putim olgeta tingting bilong yu long strong na abiliti bilong dispela man o meri, i no long ol nid bilong ol tasol.

• Kaunsel long ol win we i min olsem ministering bilong yu i bin kamap gut.

• Toktok long presidensi, olsem yu nidim, long kaunsel namel long ol dispela tripela mun inteviu

Faivpela gutpela toktok bilong ol lida:

• Ol inteviu i no nid long go longpela taim, tasol putim inap taim long visit long wanpela ples we i bai larim long gat wanpela toktok wantaim mining.

• Kisim wanpela opotuniti long minista long ol ministering brata na sista.

• Noken askim ol kwesten we i givim tingting olsem yu wok tasol long kauntim ol visit o tikim wanpela kontek (“Yu bin wokim ministering bilong yu o nogat?”). Askim ol kwesten we bai sapotim ol pasin yu laikim (“Wanem promting yu bin pilim taim yu prei long dispela famili? Wanem samting i bin kamap taim yu wokim samting bihainim ol dispela promting?”).

• Harim gut tru na raitim ol nout.

• Kaunsel wantaim. Ol ministering poroman inap long kisim revelesen bilong ol dispela lain ol i makim ol long minista long ol.

Wanem samting em ministering inteviu?

Em i wanpela toktok namel long ol ministering brata na sista na wanpela memba bilong eldas kwarom presidensi o namel long ol ministering sista na wanpela memba bilong Rilif Sosaiti presidensi long wanpela ples we i larim ol long painim na kisim insperesen i kam long Holi Gos. Olsem wanpela win, ol ministering brata na sista i ken kisim gutpela tingting long was, lukautim, lavim, tisim, na kamfotim long wei bilong Sevia.

Wokim ol dispela inteviu long olgeta tripela mun i nid long kamap olsem sindaun na toktok?

Long nomal ol bai sindaun na toktok wantaim, tasol ol i ken holim ol dispela inteviu long fon o long komputa taim long sindaun na toktok wantaim i hat liklik. Long nomal, tupela poroman wantaim inap long stap insait long dispela inteviu taim olgeta samting i stret.

Wanem as bilong ministering inteviu?

Ol ministering inteviu i wanpela opotuniti bilong ol ministering brata na sista long lukluk gen long stap bilong nau, mekim ol plen bilong bihain taim, na kisim halivim i go long ol wanwan lain o ol famili ol i wok long minista long ol. Em i wanpela sans long toktok long wanem kain samting kwarom na Rilif Sosaiti i ken givim.

Hau bai mi dil wantaim ol konfidensol o ol sensitiv samting?

Ol ministering brata na sista bai sherim ol konfidensol infomesen tasol wantaim eldas kwarom o Rilif Sosaiti presiden—o toktok stret wantaim bisop. Yu i mas noken sherim ol konfidensol o sensitiv infomesen long ol nambawan-Sande kaunsil miting.

Bungim wantaim ol ministering inteviu, ol nambawan-Sande kaunsil miting i narapela wei long bringim kam insait ol narapela lain long ministering. Long Rilif Sosaiti na eldas kwarom miting, insperesen i ken kam long ol lain husat i stap long dispela taim thru long Spirit na i kam long ol narapela insait long grup.

Ol kaunsil miting i moa long ol diskasin: dispela ol miting bai lidim yumi long wok olsem ol wanwan manmeri o olsem wanpela grup olsem Spirit i givim gutpela tingting. Ol memba i ken pilim dispela laik long wokim kamap wok bilong Bikpela olsem win bilong ol dispela miting.

“Preiya bilong yumi tude,” Elda Jeffrey R. Holland bilong ol Kwarom bilong ol Twelpela Aposol i tok, em olsem olgeta man na meri—na ol bikpela yangpela man na yangpela meri—long [bai] moa stret mekim promis bilong lukaut long wanpela narapela i kam long bel, i strong tasol wantaim puia lav bilong Krais long wokim olsem.”⁴