Kaunsel long ol Nid bilong Ol

Long save gut long ol nid em i impoten long taim yumi minista long wanpela narapela. Tasol ol dispela nid i save lukluk olsem wanem, na i gat sampela samting moa long ol nid em yumi mas lukluk long painim?

Ol nid bai kam long planti kain lukluk bilong ol. Ol dispela lain yumi sevim i ken wok long gat salens we ol i pilim long bel bilong ol, salens bilong mani, salens bilong strong bilong ol, salens bilong skul, na planti moa. Sampela nid em i moa impoten long ol narapela. Sampela yumi inap long halivim ol; ol narapela i nidim yumi long askim halivim yumi yet. Long taim yumi traim hat long halivim ol nid bilong dispela ples graun, noken lus tinting olsem wok bilong yumi long minista em i long halivim ol narapela long muv go het long kavanen rot bilong ol, long redim na kisim ol prishud odinens we i impoten long kamap olsem God.

Bungim wantaim dispela, long kaunsel long ol nid bilong wanpela man o wanpela family, yumi mas lukluk long save long strong bilong ol. Wanem samting ol i no nidim halivim wantaim? Wanem save bilong ol yet na talen ol i gat we i ken blesim ol narapela lain? Wanem samting i spesol long laip bilong ol we inap long halivim long bildim kingdom bilong God? Strong bilong wanpela i ken kamap impoten tu long save gut long nid bilong em.

Wanpela nambawan bilip long feit bilong yumi em olsem Papa long Heven i save toktok long ol pikinini bilong Em (lukim Article of Faith 1:9). Taim yumi kisim wanpela nupela wok long minista long wanpela man, yumi mas kaunsel wantaim Papa long Heven long preya, long painim aut gut long ol nid bilong ol na ol strong bilong ol. Dispela wei bilong kausel long preya i mas go het olgeta taim long dispela wok bilong minista bilong yumi.

Hau and wanem taim yumi bai go lukim ol dispela man o famili ol i makim yumi long sevim, bai i narakain long wanwan lain bikos long stap bilong ol, tasol long kaunsel stret long long dispela man o dispela family em i impoten long kamapim ol rileisensip na long save gut long ol nid bilong ol, na tu hau ol i laikim yumi long halivim ol. Sampela askim bai nid long wet inap wanpela kain gutpela rileisensip wantaim gutpela mining i kamap pinis. Taim i nogat wanpela raitpela wei long wokim dispela, traim ol dispela hia:

Taim yumi wok long kamapim tras, traim long diskasim ol nid bilong wanwan o bilong family. Givim ol askim olsem Holi Gos i wok long suim yu long askim. ¹ Eksampol olsem:

Tingim long tok yu inap long givim wanpela kain halivim, olsem, “Wanem nait yu ting mipela ken bringim sampela kaikai long yu long dispela wik?” Wanpela tok we i no klia tumas olsem, “Tok save long mipela long wanem kain samting mipela inap long wokim long halivim yu,” em i no gutpela tumas.

Bikos yu wantaim poroman bilong yu bai no inap olgeta taim stap wantaim taim yutupela bung wantaim dispela man o dispela famili, olsem na em i impoten long stretim yutupela yet na kaunsel wantaim long painim gutpela tingting namel long yutupela yet. Long hia em sampela askim yutupela i ken traim:

Ating em i gutpela long wanwan taim long toktok wantaim ol narapela lain husat i minista tu long dispela sem man o sem famili olsem yu.

Elda Chi Hong (Sam) Wong bilong ol Seventi i tokim yumi long wanpela stori i kam long Mark 2 i kam long de bilong yumi long givim piksa long hau long kaunsel wantaim i mekim olsem fopela lain i nap long stretim hau long mekim wanpela man wantaim wanpela kain sik ol i kolim palsi long stap long ai bilong Jisas.

“Em i ken kamap olsem,” Elda Wong i tok. “Fopela manmeri bin wok long wokim wanpela wok bisop bilong ol i givim ol long go lukim wanpela man husat i sik wantaim palsi. … Long wanpela wod kaunsil ol i bin holim nau tasol, bihain long ol i kaunsel wantaim long ol nid bilong wod bilong ol, bisop i bin givim aut ol ‘reskiu’ wok. Dispela fopela lain em i bin givim ol wok long halivim dispela man. …

“[Taim ol i kamap long haus we Jisas i bin stap,] rum i bin pulap tumas. Ol no bin inap long go insait long dua. Mi save tru olsem ol i bin traim olgeta samting ol bin inap long tingim, tasol ol no bin inap long go insait. …Ol bin kaunsel wantaim long wanem samting ol bai mekem neks—hau bai ol inap long bringim dispela man i go long Jisas Krais long kisim hiling. … Ol kamapim wanpela plen—i no isipla wan, tasol ol i bin mekim.

“… ‘Ol bin rausim sampela hap long rup bilong dispela haus we em i bin stap: na taim ol i bin brukim pinis, ol putim bet we dispela sikman wantaim sik palsi i bin wok long slip long en i go daun insait long haus’ (Mark 2:4). …

“… ‘Taim Jisas i bin lukim feit bilong ol, em i tok long dispela sikman wantaim sik palsi, Pikinini man, mi fogivim ol sin bilong yu’ (Mark 2:5). “²

Elda Dieter F. Uchtdorf bilong Kwarom bilong ol Twelpela Aposol i tok strong olsem, “Kaunsel wantaim, yusim ol samting i ken halivim yupela i stap klostu, painim gutpela tingting bilong Holi Gos, askim Bikpela long confemesen bilong Em, na bihain pulim bek han bilong siot bilong yupela na go wok.

“Mi givim yupela wanpela promis: sapos yupela bihainim dispela wei, yupela bai kisim wanwan tising long husat, wanem samting, wanem hap, na we long givim long wei bilong Bikpela. “³