2018
Wokim Kamap Ol Rileisensip I Gat Mining
Ogas 2018
ministering

Ministering Principles, Ogas 2018

Wokim Kamap Ol Rileisensip I Gat Mining

Save bilong yumi long lukautim ol narapela lain bai i go bikpela taim yumi i gat rileisensip wantaim ol.

Askim i kam long yumi long minista long ol narapela lain em i opotuniti long wokim kamap ol rileisensip bilong halivim stret wantaim ol—dispela kain rileisensip em bai inap long mekim ol pilim orait stret long askim o long tok orait long halivim bilong yumi. Taim yumi traim stret long wokim dispela kain rileisensip, God bai inap long senisim ol laip long tupela sait long rileisensip wantaim.

“Mi bilip tru olsem bai no inap gat trupela senis taim nogat trupela rileisensip,” Sharon Eubank, Nambawan Kaunsela insait long Rilif Sosaiti Jenerol Presidensi i tok. Na long ol sevis samting yumi mekim long kamapim senis long laip bilong ol narapela lain, em i tok, ol dispela sevis samting i mas “stap insait stret wantaim olgeta bel long laik long mekim orait, harim na wok wantaim na rispek.” 1

Ol rileisensip i gat mining ol i no ol plen. Ol i wokim dispela ol rileisensip antap long sori pasin, olgeta bel long wok hat, na “trupela lav” ( D&C 121:41).2

Ol Wei long Wokim Kamap na Strongim ol Rileisensip

“Yumi save wokim kamap [ol rileisensip] wanwan manmeri long wanwan taim,” Elda Dieter F. Uchtdorf bilong Kwarom bilong ol Twelpela Aposol i tok.3 Taim yumi wok long wokim kamap ol rileisensip i gat mining wantaim ol dispela lain yumi save minista long ol, Holi Gos inap long soim rot long yumi. Ol dispela aidia long hia i sanap antap long wanpela wei Elda Uchtdorf i givim.4

  • Lainim long ol.

    Presiden Ezra Taft Benson (1899 1994) i bin tis olsem, “ Yu i no inap long sevim ol lain yu i no save gut long ol.” Em i tok long save long ol nem bilong wanwan famili memba na save long ol impoten taim long laip bilong ol olsem bondei bilong ol, taim ol pikinini i kisim blesing, ol baptisim, na taim ol i marit. Dispela em i givim opotuniti long raitim wanpela nout o mekim wanpela fon kol long hamamasim wanpela famili memba long wanpela spesol win taim o spesol wokim kamap taim.5

  • Givim sampela taim long raun wantaim.

    Ol rileisensip i save kisim taim long kamap gut. Painim ol opotuniti long toktok olgeta taim. Ol stadi soim olsem long larim ol lain long save olsem yu i gat laik long lukautim ol em i gutpela stret long ol helti rileisensip.6 Visit planti taim liklik long ol lain husat yu wok long sevim ol. Toktok wantaim ol long taim bilong sios. Yusim ol narapela wei i gutpela long yu—olsem imel, fesbuk, instagrem, twita, skaip, telepon, o salim wanpela kat. Elda Richard G. Scott (1928–2015) long Kwarom bilong ol Twelpela Aposol i toktok long pawa bilong isi na gutpela wei long soim lav na sapot: “Planti taim mi save opim skripsa bilong mi, … na mi save painim wanpela nout i pulap long lav na sapot [meri bilong mi] Jeanene i bin lusim insait long buk. … Ol dispela nout wantaim gutpela valu … wok long kamap yet olsem wanpela naispela samting bilong givim yumi bel isi we valu bilong em i bikpela tumas na bai kirap bel bilong yumi.” 7

    Na tu, tingim olsem wanpela rileisensip em i nidim tupela. Yu inap long givim lav na laik bilong poroman, tasol dispela rileisensip i no inap long gro inap dispela givim yu mekim narapela i kisim and givim bek. Sapos narapela i no wok long laik, noken suim dispela rileisensip. Givim em taim long lukim taim yu traim tru wantaim bel bilong yu, na sapos yu lukim olsem i gat nid, kaunsel wantaim ol lida bilong yu long sapos wanpela rileisensip i gat mining bai inap kamap o nogat.

  • Toktok wantaim pasin bilong lukautim.

    Long wokim kamap ol rileisensip wantaim mining yumi nid long go moa yet antap long tingting tasol. Ol dispela toktok bilong tingting tasol i pulap long ol liklik toktok olsem wanem taim bai yu lukim em, long toktok long san na ren, na ol narapela liklik samting, tasol i no putim go insait long sherim ol filing, ol bilip, ol gol, na ol bel hevi yu nidim long mekim ol dispela pasin poroman long i gat moa mining. Papa long Heven i bin soim dispela toktok wantaim moa mining taim em i sherim ol filing na plen bilong Em wantaim Pikinini Man bilong Em (lukim John 5:20) na wantaim yumi thru long ol profet bilong Em (lukim Amos 3:7). Taim yumi wok long sherim ol samting i kamap long wanwan dei na ol salens bilong laip wantaim wanpela narapela olsem Spirit i soim yumi long wokim, yumi bai kisim moa tenkyu long wanpela narapela taim yumi wok long painim ol samting yumi wantaim save laikim na ol ekspiriens bilong yumi wantaim.

    Pasin bilong harim em i impoten hap bilong toktok olsem yu laik long lukaut long ol.8 Taim yu harim gut, opotuniti bilong yu long halivim ol narapela long kam long Krais bai go antap taim yu wok long kisim moa save na luksave i go insait long nid bilong ol na taim ol i pilim lav bilong yu, save gut bilong yu, na ol i pilim sef.

  • Laikim ol samting i no wankain wantaim tu ol samting i wankain.

    “Sampela lain … i bilip olsem Sios i laik long mekim olgeta memba long wanpela wei—olsem wanwan bai luk olsem wanem, pilim olsem wanem, tingting olsem wanem, na soim wankain pasim olsem olgeta narapela,” Elda Uchtdorf i tok. “Dispela em i bai go agensim dispela bikpela tingting bilong God, husat i mekem olgeta manmeri narakain long brata na susa bilong ol …

    “Sios i kamap gut moa yet taim yumi kisim gutpela bilong dispela olsem yumi narakain long wanpela narapela, na strongim bel bilong wanpela narapela bilong yumi, long mekim kamap na yusim ol talen bilong yumi olgeta long litimapim na strongim yumi olgeta olsem ol disaipol bilong em.”9

    Long lavim ol narapela long wei God i lavim yumi i nidim olsem yumi i mas traim long lukim ol narapela long wei God i lukim ol. Presiden Thomas S. Monson (1927–2018) i bin tis olsem, “Yumi mas mekim kamap long i gat save long lukim [ol narapela] i no olsem ol i lukluk nau long dispela taim tasol olsem ol inap kamap bihain.” 10 Yumi pre long halivim long lukim ol narapela long wei God i lukim ol. Taim yumi wokim gut long ol narapela long lukluk bilong yumi long bai ol inap long gro i go inap we, ol bai inap long kamap gut moa yet. 11

  • Sevim ol.

    Yu mas save gut kwiktaim long ol nid bilong ol dispela lain yu minista wantaim ol na yu mas laik tasol long givim taim bilong yu na talen bilong yu, sapos long taim bilong nid o inap tasol olsem yu laik long wokim. Yu inap long stap long givim kamfot, sapot, na halivim taim i gat wanpela taim bilong bikpela wari, taim bilong sik, o wanpela kain stap bilong bikpela nid. Tasol long planti rileisensip yumi save wokim ol samting bihain long ol bikpela nid i kamap. God i givim yumi agensi olsem bai yumi inap long wokim ol samting na i no long wet inap ol samting i kamap na yumi bai wokim samting (lukim 2 Nephi 2:14). Olsem tasol Aposol John i bin tisim yumi olsem yumi lavim God long wanem Em i lavim yumi pastaim (lukim 1 John 4:19), taim ol narapela lain i pilim trupela lav long ol wok bilong sevis yumi givim, em bai inap long mekim isi ol bel bilong ol na mekim bikpela ol lav na tras. 12 Dispela bai mekim bikpela moa yet ol gutpela pasin em bai wokim kamap ol rileisensip.

Minista olsem Sevia I Bin Wokim

Jisas Krais i bin wokim kamap ol rileisensip i gat mining wantaim ol disaipol bilong Em (lukim John 11:25). Em i bin save long ol (lukim John 1:47–48). Em i bin gat planti taim wantaim ol (lukim Luke 24:13–31). Toktok bilong em wantaim ol i bin go moa yet antap long tingting tasol (lukim John 15:15). Em i laikim ol samting i narakain long wanwan bilong ol (lukim Matthew 9:10) na lukim ol strong bilong ol (lukim John 17:23). Em i sevim olgeta lain, maski olsem Em i Bikpela bilong olgeta, na Em i tok Em i no kam long bai ol i minista long em tasol long Em bai minista long ol (lukim Mark 10:42–45).

Wanem samting bai yu wokim long wokim kamap strong moa rileisensip wantaim ol dispela lain yu sevim?

© 2018 by Intellectual Reserve, Inc. Olgeta toktok hia i bilong sios tasol Printim long USA. Tok orait long Inglis: 6/17. Tok orait long tanim tokples: 6/17. Tanim tokples bilong Ministering Principles, August 2018. Tok Pisin. 15051 878

Ol nout

  1. Sharom Eubank, long “Humanitarian Acts Must Be Rooted in Relationship, Sharon Eubank Says,” Mormonnewsroom.org.

  2. Lukim “Ministering Principles: Reach Out in Compassion,” Liahona, Julai 2018, 6–9.

  3. Dieter F. Uchtdorf, “Of Things That Matter Most,” Liahona, Nov. 2010, 22.

  4. Lukim Dieter, F. Uchtdorf, “Of Things That Matter Most,” 22.

  5. Lukim Ezra Taft Benson, “To the Home Teachers of the Church,” Ensign, May 1987, 50.

  6. Lukim Charles A. Wilkinson and Lauren H. Grill, “Expressing Affection: A Vocabulary of Loving Messages,” in Making Connections: Readings in Relational Communication, ed. Kathleen M. Galvin, 5th ed. (2011), 164–73.

  7. Richard G. Scott, “The Eternal Blessings of Marriage,” Liahona, May 2011, 96.

  8. Lukim “Ministering Principles: Five Things Good Listeners Do,” Liahona, June 2018, 6–9.

  9. Dieter F. Uchtdorf, “Four Titles,” Liahona, May 2013, 59.

  10. Thomas S. Monson, “See Others as They May Become,” Liahona, Nov. 2012, 69.

  11. Lukim Terence R. Mitchell na Denise Daniels, “Motivation,”in Handbook of Psychology, vol. 12, ed. Walter C. Borman and others (2003), 229.

  12. Lukim Edward J. Lawler, Rebecca Ford, and Michael D. Large, “Unilateral Initiatives as a Conflict Resolution Strategy,” Social Psychology Quarterly, Vol. 62, no. 3 (Sept. 1999), 240–56.