Ministering Principles, Julai 2018
Halivim Narapela wantaim Sori Pasin
Taim yu wok long bihainim eksampol bilong Sevia long sori pasin, yu bai painim olsem bai yu kamapim senis long laip bilong ol narapela.
Sori pasin em long gat save long bel hevi bilong ol narapela lain na tu long gat laik long litimapim dispela hevi na rausim i go. Kavanen long bihainim Sevia em i wanpela kavanen bilong sori pasin long “karim hevi bilong wanpela narapela” (Mosiah 18:8). Wok bilong was long ol narapela em i wanpela opotuniti long wok lukautim olsem Bikpela save wokim: wantaim “sori pasin, long mekim kamap wanpela senis” (Jude1:22). Bikpela i tok, “Soim marimari na sori pasin olgeta man long ol brata bilong em” (Zechariah 7:9)
Sori Pasin bilong Sevia
Sori Pasin bin wanpela kain strong long ministri bilong Sevia (lukim sidebar. “A Compassionate Savior”). Sori Pasin bilong Em long ol manmeri i bin mekim Em long halivim ol lain stap nambaut long hap Em i stap long planti taim. Long save gut long ol nid na laik bilong ol lain, Em bin inap long blesim ol na tisim ol long ol wei em i impoten long planti bilong ol. Laik bilong Sevia long litimapim yumi antap long ol hevi bilong yumi bin kisim em i go long dispela nambawan samting bilong sori pasin i bin kamap: Atonmen bilong Em long ol sin na pilim pen bilong ol manmeri.
Save bilong Em long givim long ol nid bilong ol manmeri em i wanpela samting yumi inap long wok hat long kisim taim yumi wok long wokim sevis wok. Taim yumi wok long stap long raitpela wei na harim tingting bilong Spirit, yumi bai kisim gutpela tingting long halivim long ol gutpela wei stret.
Kavanen bilong Sori Pasin bilong Yumi
Papa Long Heven i laikim ol pikinini bilong Em long i gat sori pasin. (lukim1 Corinthians 12:25–27). Long kamap trupela disaipol, yumi mas kamapim na soim sori pasin long ol narapela lain, moa yet long ol dispela lain husat i gat nid (D&C 52:40).
Long baptisim kavanen bilong yumi, yumi kisim antap long yumi yet nem bilong Jisas Krais, yumi witnes olsem yumi laik long yusim sori pasin. Presiden Henry B. Eyring, Nambatu Kaunsela insait long Nambawan Presidensi, bin tis olsem dispela presen bilong Holi Gos i halivim yumi long wokim dispela: “Yu wanpela kavanen memba bilong Sios bilong Jisas Krais. …
“Olsem na yu gat dispela filing long laik long halivim wanpela man o meri husat i wok long painim hat long muv go het ananit long hevi bilong bikpela pen na hat taim. “… Yu bin promis olsem yu bai halivim Bikpela long mekim ol hevi bilong ol narapela lain bai i no hevi na bai ol i kisim kamfot. Yu bin kisim pawa long halivim long mekim ol dispela hevi bai i no inap hevi taim yu kisim presen bilong Holi Gos.”1
Wanpela stori, em long wanpela sista long kantri Russia bin gat wanpela hat taim insait long famili na dispela i stopim em long go lotu long moa long wanpela yia. Narapela sista long brens halivim em wantaim sori pasin olgeta Sande taim em i wok long ringim em long tokim em long ol toktok, skul, singaut bilong misinari wok, ol nupela bebi i bon, na ol narapela nius bilong brens. Taim hevi bilong dispela sista i bin stret, em i bin pilim olsem em i hap yet bilong dispela brens bikos long poroman bilong em husat i wok long ringim em long olgeta wik.
© 2018 ikam long Intellectual Reserve, Inc. Olgeta toktok hia i bilong sios tasol. Printim long USA. Tok orait long Inglis: 6/17. Tok orait long tanim tokples: 6/17. Tanim tok bilong Ministering Principles, July 2018. Tok Pisin. 15050 878