Ol Lo bilong Lukautim Narapela, Jun 2018
Faivpela Samting ol Lain bilong Harim gut i save Wokim
Tru stret pasin bilong harim bai halivim yu long save long hau long halivim long bungim ol nid bilong spirit samting na samting bilong graun long ol narapela lain olsem tasol Sevia inap wokim.
Elda Jeffrey R. Holland bilong ol Kwarom bilong ol Twelpela Aposol i tok: “ Ating impoten moa yet long toktok em long pasin bilong harim. …Sapos yumi harim wantaim lav, yumi bai i no nid long tingting long wanem samting long tok. Dispela Spirit i bai givim yumi—.”1
Pasin bilong harim em i wanpela skil yumi inap long lainim. Pasin bilong harim soim lav bilong yumi long ol narapela, i save halivim long mekim kamap strong ol pasin bilong poromanim ol narapela, na i save invaitim Spirit long blesim yumi wantaim presen bilong save gut long ol samting long halivim yumi long save gut long nid bilong ol narapela lain.2 Long hia yumi lukim faivpela wei yumi i ken usim long mekim moa gut pasin bilong harim.
1.Givim Ol Taim
Planti lain i save nidim taim long bungim ol tingting bilong ol pastaim long ol i toktok. Givim ol taim long tingting pastaim na tu bihain long ol i tok wanpela samting (lukim James 1:19). Olsem bikos ol i pinis toktok i no min olsem ol i tok pinis long olgeta samting ol i nid long toktok long en. Noken poret long stap isi (lukim Job 2:11–3:1 na Alma 18:14–16).
2.Harim Gut
Yumi save tingting spit moa long ol narapela lain i toktok. Stopim temtesen long ting yu save long pinis bilong toktok bilong ol o long tingting go het long wanem samting yu bai tok taim ol i pinis toktok (lukim Proverbs 18:13). Tasol kisim ples bilong em, em long harim wantaim as tingting long kisim gut. Bekim bilong yu i bai moabeta bikos yu bai save gut wantaim bikpela moa save bilong yu.
3.Tok Klia
Noken poret long givim ol askim em bai tok klia long ol samting yu no bin save gut long en (lukim Mark 9:32). Long tok klia bai mekim go daun dispela asua na soim laik bilong yu long wanem samting ol i wok long toktok long en.
4.Tingting Gut
Kolim bek wanem samting yu harim na hau yu save gut long wanem samting narapela i wok long pilim. Dispela i bai halivim ol long save sapos yu bin kisim gut wanem ol wok long toktok long en na givim ol sans long tok klia.
5.Painim Hap We Yutupela Wanbel
Ating yu i no wanbel long olgeta samting ol i tok long en, tasol yu wanbel wantaim wanem yu inap long wanbel long en tasol long yu no paulim ol filing bilong yu yet. Pasin bilong wanbel inap halivim long stretim wari na pasin bilong stopim birua (lukim Matthew 5:25).
Presiden Russell M. Nelson i bin tis olsem yumi mas “lain long harim, na harim long lain long wanpela narapela.”3 Taim yu wok long harim wantaim as tingting long lainim long ol narapela lain, yu bai stap long we i gutpela moa long kisim gut ol nid bilong ol na harim tok bilong strongim bel long hau yu inap lukaut long ol lain raun long yu olsem Sevim bin inap wokim.
Pasin bilong Harim Em Pasin bilong Lavim
Wanpela stori hia i kam long Elda Holland i givim piksa long pawa bilong pasin bilong harim:
“Poroman bilong mi Troy Russell i draivim pikap trak bilong em isi isi aut long hap bilong putim ka long haus bilong em. … Em i pilim baksait taya bilong em i ron antap long wanpela bam. … Em i kamaut long ka na painim preses pikinini man bilong em husat i nainpela krismas bilong em, Austen, i silip wantaim pes bilong em i lukluk go daun long simen. … Austen i bin go pinis.
“Em i no inap long silip, no inap long painim pis. Troy is bin pilim bikpela pen stret. … Tasol insait long dispela taim bilong bikpela pen … John Manning i bin kam. …
“Tru tru mi no save long wanem samting na John wantaim junia poroman bilong em i mekim ol dispela visit long hom bilong Russell. … Tasol wanem samting mi save em long dispela taim Brada Manning i bin lindaun long litimapim Troy Russell i kam antap long dispela taim nogut i bin olsem tasol em i bin wok long litimapim liklik Austen em yet. Olsem tasol … em i mas brada long gospel, John isi tasol kisim ol prishud lukaut bilong Troy Russell. Em i statim toktok wantaim, “Troy, Austen laikim yu long sanap bek long lek bilong yu—na tu bek long basketbol kot—olsem na mi bai kam long hia olgeta moning long 5.15 a.m. Yu i mas redi. …’
“Mi no bin laik long go,’ Troy bin tokim mi bihain, “long wanem mi bin save olgeta taim kisim Austen i go wantaim mi. … Tasol John i strong yet, olsem na mi bin go. Long dispela nambawan de i kam bek, mipela bin toktok—o olsem mi bin toktok na John bin wok long harim. … Long nambawan taim em i bin hat tru, tasol long sampela taim mi lukim olsem mi bin painim strong bilong mi long lukluk bilong [John Manning], husat i bin lavim mi and harim ol toktok bilong mi inap san i bin kirap gen long laip bilong mi.”4
© 2018 by Intellectual Reserve, Inc. Olgeta toktok hia i bilong sios tasol Printim long USA. Tok orait long Inglis: 6/17. Tok orait long tanim tokples: 6/17. Tanim tokples bilong Ministering Principles, June 2018. Tok Pisin. 15055 878