Iwaad
Ini-emi Ufan Mi Akakpade
Andiwet odung ke Utah, USA.
Kini ami nkedide ekpri owo ke ufoknwed secondri, ufan mi ekenyene udongo mbufut-ke-mfre ndien ama akpa ke edem usen oro. Okposukedi nte ami ndide owo Ufok Abasi emi, ami nsuk mfufuho mkpa esie oro. Ke ofuri eyo uwem mi esikpeb mi ete ke ami mmekeme ndiwongore nyom Ete ke Enyong ye Andinyanga ke nkpo ekededi, edi akananam oruk nkpo eke etiede ntem iketibeke ino mi akpa.
Ami mma ntua-eyet ke ediwak ini, ndomo ndiyom nkpo—nkpo ekededi—man ono mi emem. Ke okoneyo emi ebede ke enye ama ekebe ifeb, ami mma nda nwed ikwo. Ke nte ami nkekubore mme ikpanwed ikwo oro, ami nkesim ke “Di dang ye Ami; tutu Usiere” (Ikwo, no. 165). Oyoho ufang ita oro ama oduk mi ke idem:
Di Dang Ye Ami; Tutu Usiere
Koro ndobo eyedu ke okoneyo
Edieke mme nkemeke ndinyene nneme ye Afo,
Nnyung nkwe unwana mi nto Fi.
Ndik, eke ekim ererimbot omum mi,
Eke odude ke ufok mi.
Mbok Andinyanga, suho ye ami ke okoneyo emi,
Tutu, osim usiere.
Ufang ikwo emi ama oyoho esit mi ye ata emem. Ami ndien ndidiongo ete ke Andinyanga ididangke ke okoneyo oro kpot edi ke Enye nko enehede odiongo danga nte ekikere mi edide. Ami mmediongo nte ke ima eke ami nkekopde oto ke ikwo oro ama odu ye ami ke okoneyo oro onyung ekpeme mi ke mme ediwak idomo eken eke ami nkeyode.