Misinari husat i nogat wanpela Nem Mak

Long skul mi gat wanpela tisa husat i gat dispela kain pasin we i ken poretim wanpela man long sherim ol tingting bilong ol we ino wankain olsem bilong em long wanpela topik. Wanpela dei mipela i kisim topik long ol Lata-dei Sen misinari. Mi bin save olsem mi bin ken bekim ol askim bilong em, tasol mi plim olsem mi mas noken bekim ol dispela askim. Olsem na mi tok inap tasol long mekim em hamamas long dispela taim nau.

Long ol wik antap i kam mi no bin inap long lus tingting long toktok bilong mipela. Bihain tru, wanpela tingting i kam long mi olsem mi mas givim em wanpela Buk Momon na mi makim sampela hap toktok long misinari wok insait. Dispela tingting i bin poretim mi, tasol i wok tu long strong i kam. Mi bin save olsem dispela em wanpela tok bilong strongim bel we mi mas bihainim.

Klostu olsem tupela mun bihain, mi bin redim dispela Buk Momon. Olgeta taim long dispela dei mi pilim olsem dispela buk wok long kukim na mekim hul long bek bilong mi. Dispela liklik taim em i kisim mi long givim i go long em bipo long mi go long winta malolo bilong mi em bin wanpela taim bilong poret stret insait long laip bilong mi.

Long nambawan dei bilong mi kam bek long skul, mi wokabaut abrusim klasrum bilong em tasol mi bin poret long go insait. Bihain nau mi harim em singautim mi, na em i givim wanpela kat. Mi bin ridim long rot arasait long klasrum. Em i bin raitim olsem em i bin ridim gut “long taim” ol dispela hap toktok mi bin makim, na em i wok long lukim sampela as tingting bihain long feit bilong mi.

Bel bilong mi i save kirap long sherim gospel nau, na bel bilong mi i kirap moa yet long sevim Papa bilong mi long Heven long misin bilong mi klostu taim.